من حوالى ست سنوات كنت ماشيه مع صديقه لى فى محطة الرمل على الكورنيش فى اخر يوم العيد و فكرنا نجلس على سور الكورنيش و نتأمل جمال البحر لثوانى طبعا و فعلا جلسنا و ادينا ظهرنا للشارع و اذ فجأه من حيث لا ندرى وجدنا مجموعه من الشباب التفو حولينا و بدئو بكلمات المعاكسه القبيحه و زى اى بنات مؤدبه جدا نزلنا من على السور لنبتعد عنهم فإذ بنا اصبحنا وسط المجموعه تماما و فوجئنا بمحاولتهم للمس اجزاء من جسدنا فجرينا خائفين لم يمنعونا من الخروج كما حدث فى وسط البلد و بمجرد ان تأكدت ان اخر شخص منهم اصبح ورائى ادورت لهم و شتمت بلفظين هم كل ما اعرفهم" يا متخلفين يا زباله" و فى لمح البصر لم ارى احدهم امامى و لفتره طويله من الزمن ظللت نادمه على انى لم اجد فى قاموسى شتائم اسوء من تلك كما لم ينجدنى عقلى بمحاولة ضرب احدهم المفاجأه شلت جميع حواسى و لن اقول كيف اثرت فى تلك الحادثه فعندما رجعت للبيت ظللت انظر لنفسى فى المرأه ابحث عن ما شجع هؤلاء او طمعهم فى مع العلم انى محجبه و ملابسى عاديه،لم اجد، فقط كرهت كونى فتاه كرهت امتلاكى لهذا الجسد

و تكرر الاحساس فى المره التى ركبت فيها الترام الصفراء مع والدى و محاولة احد الرجال الاقتراب بجسمه من جسمى و من خوفى لم اقل لابى فقط انتقلت الى مكان اخر فاذ به يأتى ورائى و جائت المحطه التى سننزل فيها بسرعه و عندما نزلنا من الترام فقط قلت لابى انا لا احب ركوب تلك الترام و من يومها لم اركب لا ترام و لا اتوبيس مذدحم و لا خرجت فى اي يوم من ايام العيد غير مع اسرتى كامله لزيارة باقى العائله

و بدئت فى تعلم الكاراتيه بعد تلك الحوادث و غيرها

و تأثرت نظرتى لكل الرجال

استغرقت فتره طويله من عمرى لأعلم ان ما حدث لم يكن ذنبى

و ان ليس كل الرجال وحوش تطارد الفريسه

يحدث هذا كل يوم فى كل مكان ليس ففط فى مصر

فقط فضائحنا فى السوق و فضائح الاخرين فى الصندوق

و الحل

اولا :جاء اليوم الذى لابد ان تتعلم كل النساء كبرت او صغرت كيف تدافع عن نفسها بابسط الوسائل فليس الكل بقادر على تعلم رياضات الدفاع عن النفس

لما لا نحمل فى حقائبنا مطوه او اسبراى لرشه فى وجه المعتدى

ثانيا :او نفتح فصول صغيره مثل فصول محو الاميه لتعليم الفتيات كيفية الدفاع عن انفسهم و بالذات البنات الصغيره اللاتى مازالو فى الثانوى

ثالثا :اما عن اقتراح احد الاخوان بالتجمع فى ايام العيد للدفاع عن الفتيات ..هل سنرجع الى عصر الفتوات ..كل واحد حياخدله منطقه يدافع فيها عن بنات حتته ..امال فين البوليس ..مش دى برده بلد منظم فيه حكومه ..و لا اقولكم لو انا كنت حاسه بالامان و انا داخله القسم و انى فعلا داخله ادافع عن حقى و ان الظابط اللى جوه مش حيضحك عليه و يقولى قومى روحى ياماما مش فاضين للعب العيال ده ...هما راحو فين العساكر اللى بالهبل اللى كانت واقفه حوالين المساجد وقت صلاة العيد بالذات حوالين مساجد الاهالى و لاالعساكر اللى كانت بتضرب الطلبه فى مجمع الكليات يوم المظاهرات ...مشيها فتوات و خلاص حد لاقى

النهايه بما اننا بقينا عايشين فى غابه كل واحد يدافع عن نفسه احسن

اما الشهاده لما يكون النظام حيحمي من البهدله و الفضايح يمكن حد يفكر يشهد

تبدأ حكايتي مع التحرش منذ كنت طفله يمكن في السادسه على ما اتذكر
والتحرش لم يكن بالشارع لا بالبيت عندنا و في غرفتي كمان كان ابن عمتي الله
يحرقه عندنا واستغل طيبة اهلي و بمجرد ما ناموا دخل غرفتي و بدأ في تحسس مواطن
العفه عندي انا خفت و هو كتر خيره مطولش يمكن خاف حد يكشفه و انا محاولتش اقول
لاهلي خوفا من رد فعلهم لاني عارفه انه هيبقى عنيف جدا و يمكن كانت تحصل وقيعه
بين افراد العائله وقتها خفت اكون السبب فيها و اتربيت زي اي بنت طبعا في مجتمع
بائس زي مجتمعنا على الخوف و رغم محاولات جيران ليا كمان التحرش بيا بامساكي
اولا والحمدلله كنت بعرف اهرب منهم والهدف معروف طبعا

حادث اخر اذكره وانا عمري 11 عاما كنت بحديقة الحيوانات و ببيت الزواحف تحديدا
و اثناء وقوفي بالطابور  للمشاهدة وياريتني ما وقفت كان في شاب حقير ورايا عمال
يلزق فيا ويترعش وينتفض و حاولت اخرج من الطابور لكن هو مسكني بالاول و بعدين
سابني يمكن خاف ان حد ياخد باله

   وانا عمري 14 سنة حدثت ليا اكتر من حادثة اثنين منهم كانوا بمعرض الكتاب
السنوي كان فيه شخصين تقريبا من شخص كان بيمد ايده بسرعة و يلمس جسمي و يبعد
بسرعة من المكان وكأن شيئا لم يكن  من وقتها وانا اكره الذهاب لمعرض الكتاب أو
اي مكان ممكن يزدحم  وفي نفس العام زارنا ابن عمتي نفس الشخص اللي حكيت عنه
بالاول و تحرش بيا وانا نايمه و صحيت مخضوضه وهو ارتبك لكن مصرختش كنت خايفه من
نفس السبب اللي منعني وانا طفله و كمان صعب على اي بنت تحكي حاجه زي دي   و هو
من ساعتها مدخلش بيتنا لكن كنت بحس بتقزز من نفسي كل ما افتكرالمواقف دي

يمكن مش اخر عهدي بالحوادث من النوع ده بس انا فعلا بهرب من اي تلامس عادي سواء
سلام بالايد او احضان حتى لو من فتيات بحس برعشة وخوف و كمان كرهت الخروج عامة
والشيء الدائم الحدوث في المواصلات العامة هو انك تلاقي انسان بييجي يتلزق فيك
او حمار بيلعب في ضهر الكرسي ومهما قلت عيب وبس ولا الهوا بالنسبه ليهم
والمصيبة الاكبر ان معظمهم دايما بيتكلموا باسم الدين وبيبقوا متدينين ظاهريا
بس او مربي دقنه  او ماسك سبحة وماشي يقول قال الل وقال الرسول وهو مش فاهم
بيقول ايه  و معظمهم فعلا من عينة المرأة هي سبب فساد المجتمع و كل المصائب و
بيطالبوا اننا ننزوي في ركن بعيد او نقعد بالبيت

انا لا ملابسي ولا جسمي مثير عشان يحصل فيا كده و رغم ذلك بيحصل مش ليا بس
للكثيرين بشكل دائم و كأنه ذنبنا اننا خلقنا بنات اختي كمان  وجيران كتير ليا
حكولي عن مواقف ومشابهة واحيانا رجالة كانت بتستغل طفولتهم ويحتجزوهم في مكان و
يطلعوا عضوهم التناسلي من البنطلون و يقولوهم ( مصوا وامسكوا ) وهلم جرا  فيه
بنت حكيتلي انه مدرس بييجي عندهم البيت بيدي اختها درس  كان دايما بيمسكها وهي
عمرها 10 سنين  ويعمل نفسه بيلاعبها و هو بيتحسس في جسمها وبيداعب

اخيرا انا لا احاول ان اشوه سمعة بلدي ولا شعبي  هي مشوهة  خلقة كمان غسيلنا
الوسخ منشور من زمان لكن زي ما قلت بالاول انه علاج اي مرض يبدأ باكتشافه

لو مفيش فايدة او حلول كما هي نتيجة اي مشكلة بمصر  ياريت اهالينا يوارونا
بالتراب اول ما نتولد

سلام

واسفه على لغتي الركيكة