حل مجرب

في البدايه أريد أن أرسم صوره لنشاطي في مراحل الدراسه حتي لا يعتقد البعض أني لم أحتك بالشارع و مواصلاته المختلفة. أنا كنت في مدرسة لغات مشتركه بجوارها مدرسة بنين ثانوي ولازم نمشي شارع طويل حتي نصل لباص المدرسة . في الجامعة كنت بمشي مع أصحابي حتي الجيزة كنوع من الرياضة ونركب من هناك أي حاجه للبيت ماعدا التاكسي (كده أمان أكتر) ..كنت بروح أتعلم كمبيوتر في وسط البلد 3 مرات في الاسبوع و بروح النادي و أتفرج عاي المحلات لوحدي عادي جدآ.. أنا عندي 30سنه حاليآ -------------------------------------------------------------------------------------------- و أنا صغيرة عندي 11 سنة كنت أنتظر باص المدرسة الساعة 6:30 صباحآ أنا و أختي ألأصغر مني في الشارع. كنت دايمآ أحتفظ بظلطة أو طوبه في جيبي علشان كنت بخاف من الكلاب جدآ..وفي يوم لاقيت واحد واقف علي الناصية علي بعد حوالي 5 أو 6 متر مننا و ويفتح سوستة البنطالون و يخرج....عفوآ. المهم كنت مرعوبه و الدنيا هاديه جدآ و لا يوجد أحد أستنجد بية بس الحمد لله الباص جاء و الرجل اختفي. و في اليوم التالي تكرر ما حدث في اليوم الأول المره دي كنت حموت من الرعب الرجل ابتدا يبسبس كمان بس الحمد لله الباص جاء بسرعة و رحمني من رعبي الشديد. لما روحت البيت قلت لبابا أنا مش حروح المدرسة دي تاني. سألني ليه؟ قلت له فيه واحد يبيقف في الشارع و أنا خايفه منه.. جاء معايا بابا اليوم التالي و اتأخر علي شغله و لكن لم يظهر له أثر..فضل بابا يخرج معايا كام يوم و برضه لم يظهر!!! لكني كنت مصره أني لن أنتظر الباص تاني أنا و أختي لوحدنا. بابا أخذني في حضنه و قال لي: يا حبيبتي أنا مش خايف عليكي علشان ربنا هو اللي بيحميكي قلت له يعني أعمل أيه يا بابا؟ أنا مرعوبه... قال لي اما تخافي من أي حاجه قولي أي سورة أنت حفظاهاو ياريت لو حفظتي سورة يس و رددتيها و أنت ماشيه لوحدك في الشارع. و تقولي لما تحسي بأي خوف من أي حد.... ( اللهم اكفينيهم بما شئت و كيف شئت..... اللهم أنت خير حافظآ و أنت أرحم الراحمين ) ومن يومها و أنا بعمل كده و الحمد لله مفيش أي حاجه حصلت بعد كده خالص.. أول ما ألمح أي شلة أولاد واقفه تعاكس الرايح و الجاي أقول "اللهم اكفينيهم.....أرحم الراحمين" ولا يحصل أي حاجه و محدش يعاكسني زي ما كان بيحصل و الحمد لله رب العالمين. هذه طريقه أكيده و مجربه فعلآ لتمشي في أمان الله بدون أي مضايقات. مع العلم أني لم أكن محجبه في الجامعة و كنت بلبس علطول جينز كاتبة عليه وشكله غريب و شعري كان طويل ومبحبش أربطه!! بس كنت دايمآ بلبس لبس محترم مش ضيق و لا عاري و كان يتقدم لخطبتي الكثير من الشباب من سن 17 يعني حلوه مش وحشه ولا حاجه...ها ها. صدقيني جربي و حتشوفي نتيجة فوريه. السلام عليكم و في أمان الله. اختكم هبه الله