أنا كنت فاكر إن اللى كنت فيه ده سجن !!!!
ده أنا على كلامك ده كنت باصيف فى مزرعة طرة ، باعتنى أقضى العيد هناك وأرجع !!!!
كويس إنى ماكتبتش عن إللى حصل فى السجن ، لأن ده لو حصل كان زمانى عطيتكم فكرة مثالية جدا كنتم هتنهاروا إذا قارنتوها باللى حصل لكم لما إتقبض عليكم !!! ..
مش عارف أقولك إيه ولا إيه ، أنا صحيح إتحقق معايا وغمونى أثناء التحقيق وإتسمرت قدام واحد مافيش على لسانه غير الشتيمة وقلة الأدب حوالى خمس ساعات وإتهددت بالتعذيب والكهرباء ( مع إن مافيش حاجه من كده حصلت ) بس إتعاملت كويس ، إتحبست حريتى بس ، ماكنتش عارف إيه اللى بيحصل بره مكان الإحتجاز قبل ترحيلى لمزرعة طرة ، أول مادخلت السجن ، صحيح خدت كلمتين جامدين من ظابط أمن الدولة بتاع السجن ، لكن قعدت فى زنزانة كبيييييييييييرة لوحدى وماكنش فيه أى مضايقات من العساكر أو أمناء الشرطة أو المسؤلين فى السجن ، يعنى مقارنة بما حدث معك ماكنتش مسجون ، حتى إن أحد المساجين إستغرب إنهم جابونى هنا من الأول وقال لى ده سجن خمس نجوم ما بيبجيبوش فيه إلا الناس الحرامية الكبار وبعض من ذاقوا المر فى السجون الأخرى ، لكن كنت متصور إن السجون أحوالها إتصلحت وكله بقى زى المزرعة ، لكن إنت كده خليتنى مشوش حبتين ولخبتطلى أفكارى عن السجون فى مصر .
على أى حال ، كفّارة يا بطل ، ونتمنى تكون المحنة الأخيرة ، فى الوقت الذى أتمنى أن لا يعطلك ما حدث عن الإستمرار فى مشوارك النضالى ...
على فكرة ... أنا حاولت أدور على إيميلك علشان أبعت لك رقم تليفونى .. لكن يظهر إنه ضاع منى على العموم هاكتبه هنا وأمرى لله :-
0122956640
عبدالكريم نبيل سليمان