من سنتين لو كان حد قالي يا مالك انت حتقرى كتب كامله بالانجليزي كنت حبص له بقرف واقوله
ليه؟انا المفروض اقرى بلساني ,لما اخلص العربي ابقى اقرى انجليزي,هو انا فاضي ؟ايه القرف دا .
الخ من الكلام العبيط اللي كنت بقوله
اعترف اني لو كان حد فاهمني شويه كان يقولي ,مش عيب انك تتعلم لغه تانيه وتقرى بيها ,ياسيدي ممكن تفيد اكتر وتعلم ناس اكتر حاجات مكانوش عرفينها تماما.
مقدرش اقول اني دلؤتي بقيت خلاص لغتي التانيه عاليه اوي بس اقدر اقول اني مبقتش منزعج خالص وانا بقرأ باللغه دي,الموضوع بأه أسلس تماما,وبقيت احب اتعلم اكتر,ادور اكتر,افهم اكتر.
بقيت حاسس اني رجعت 5 سنين لورا ايام ماكان ليا نفس أتعلم..ممكن السؤال يبقى ليه ؟
اعتقد لتلات أسباب مهمه اوي
اني لاول مره في حياتي احس اني مستقر ماديا ومش خايف لو سبت اي شغل ملاقيش شغل تاني.
اني مستقر عاطفيا وخلاص على وش جواز اهو من حد ربنا اثبت انه بيحبني لما خلاها تحبني"والله ياعم الحج انا عارف انك موجود وبحبك اوي"رغم كل مشاكلي انا وهيا بس فعلا ماليش غيرها
اخر سبب وممكن يكون اهم سبب ان امي راضيه عني,الموضوع مالهوش علاقه بالدين الخ الموضوع له علاقه بالدم,احساس ان السبب الاول والاهم لوجودك في الحياه"بعد ما اثبتوا مؤخرا ان الرجل مالهوش لازم غير التخصيب وان الجنين ابن البويضه مش ابن المني"راضي عنك وبيهتم بيك اكتر .
اعتقد اني طفل بغل شويه بس مبسوط رغم كل الكئابه والاحباط اللي حوليا في كل حاجه ,بس مبسوط اني اخيرا رجعت اتعلم بجد وافيد بجد
ملحوظه اخيره
انا خلصت ترجمة الفصل الاول من مالكوم اكس ممكن تقرى ترجمة المقدمة وخلصت بتاع فصل كامل عن سطر الاوامر في اللينكس وححطها ع الاسبوع اللي جاي في Eglug