قامت بلدية محافظة القاهره مصحوبه بعناصر من الامن المصري بفض والاعتداء على معتصمين الحركه المصريه من اجل التغيير كفايه المتضامنين مع اعتصام القضاه

وقد قامت بلدية القاهره في حدود الساعه الرابعه وعشر دقائق فجرا باقتحام منطقة الاعتصام واعتدت على المعتصمين وقامت بسرقة خيمة كان قد نصبها المعتصمون وايضا مظله وضعوها للحمايه من الشمس

وقاموا ايضا بسرقة كل اليفط التي كان عليها صور لقضاة مصر الشرفاء الذين رفضوا التزوير

وقاموا ايضا بسرقة طعام المعتصمين وموبايل احد اعضاء حركة كفايه وشباب من اجل التغيير ويدعى سيد

كما حاولوا سرقة علم لمصر طوله حوالي 20 مترا من المعتصمين لكن كان ذلك هو الشئ الوحيد الذي استطعنا انقاذه

دا الخبر

خلص ميتين ام الخبر ؟

طيب احنا طلع عيننا سرقوا حاجتنا استغلوا ان في ناس بتصلي وعددنا كان قليل وهجموا علينا زي الكلاب كنا حوالي 30 واحد منا 4 بنات

مفرقوش بين حد فينا دخلوا علينا كاننا يهود 

سرقوا كل حاجه كانت معانا وملحقناش نلمها\

معملوش حساب لاي حاجه

دي بلدنا؟؟؟؟؟؟

بلدنا ؟؟؟؟؟

ولا بلد مين ؟

احنا مين ؟

هما مين ؟

اخواني زملائي رفاقي

اتمنى من الجميع انه ينزل معانا عشان نفهم كلاب الدوله وكلاب حراسة العائله المالكه اننا مش حنتراجع واننا مش حنتهدد

اخواني وزملائي ورفاقي

مفاضلي عندنا حاجه ومبقاش لينا حاجه

اخواني وزملائي ورفاقي

معنديش كلام اقوله

 (الاعتصام قائم ومتعواصل امام نادي القضاة القاهره شارع شامبليون تقاطع عبد الخالق ثروت بجوار نقابة الصحفيين)

الساعه الان الرابعه وخمس واربعون دقيقة فجرا