إقتل
Submitted by malek on Thu, 2006-10-19 02:09.
اخبرك وعلى أثرها تموت النحله لانها تقوم بترك ابرتها داخل جسدك.
Tagged: كلمات اخرى
اخبرني ما معنى حياتك ؟
مامعنى كل الموت الذي يعطيك الدافع لكي تحيى ؟
انت تعمل اكثر من 18 يوميا لمجرد ان تجد مايكفي لكي لا تموت .وتستحم يوميا او كل ثلاثة ايام لكي لاتموت من الجرب او الامراض الجلديه.وتشتري ملابس جديده لكي لا تموت من البرد في الشتاء,وتشتري سرير جيد او شئ ما يشبه السرير لكي لا توجع عمودك الفقري (او هكذا تعتقد )لكي لا تموت من المرض.وتركض الى اقرب صيدلية عندما تصاب بأخف نزلة برد لكي لا تموت من الحمى او النزلات الشعبيه او الصدريه او حتى ان تأخرنا قليلا في التاريخ من السل .
أقترب مني ما معنى حياتك سوى انك مجرد لا تريد ان تموت ؟
ستبتسم في وجهي ببطئ لا ابتسامة الصفاء النادرة التي يبشر بها المتقين او العارفين بالله او الزهاد بل ابتسامة الهارب من الموت والرافض لي.
اقترب مني اقترب قليلا اخبرني من انت ؟
انت مجرد بقرة لنقل ثور لكي نحافظ على ذكوريتك التي تعتز بها لدرجة انك بلغت عامك الخامس والثلاثين ولم تستعمل عضوك الذكري ولامره حتى الان . حسنا تهمس في يأس انه لا يوجد اي شئ تستطيع ان تفعله وان النظام بكل معانيه يقتلك ويقتل الملايين مثلك في كل مكان .
تضحك وتقترب مني تخبرني بصوت مليئ بثقة العالم (يعني لو النظام بتاعنا وقع النظام العالمي اللي بتمثله الست امريكا مش حتسمح ان اي حد تاني على غير هواها يجي احنا غير امريكا اللاتينيه والكلام دا احنا هنا في الشرق الاوسط )
تخبرني ان اليأس في وطننا أصبح له مفهوم جديد نسبيا ان اليأس اصبح من الاشياء المهمه في حياة المواطن حتى انه يستحيل ان يتم تعريف المواطن بدونه والمواطن الغير يائس لابد ان يكون يا اما مجنون او غائب عن الوعي او لص .
اخبرك حسنا حينما تشعر النحله بالاختناق او انك اقتربت منها واصبحت حياتها مهدده بالخطر ماذا تفعل ؟
تخبرني انها تقوم بلسعك
اخبرك وعلى أثرها تموت النحله لانها تقوم بترك ابرتها داخل جسدك.
تصمت تحاول ان تربط الاحداث لكنك لا تستطيع
اخبرك انت في كل الاحوال ميت اليس كذلك ؟
كل ما تفعله يقربك من الموت اكثر
عملك الاضافي هرولتك بين وسائل المواصلات الزحام اليومي التلوث الضوضاء الادويه الكيميائيه التي تتجرعها لكي تقيك من امراض اخرى لتصيبك بأمراض اشد رغيف الكبده ذي الخمسين قرش المحلى بألاف الفيروسات والميكروبات اهونها إلتهاب الكبد الوبائي الذي تتناوله يوما في الاسبوع لكي تستطيع التوفير.
اذن النتيجه الوحيده والتي لا تحتاج اي عبقريه هي انك ميت وان لم تمت بكل هؤلاء بالامكان ان تكون من الـ30 ألف الذين يموتون سنويا على طرقات المحروسه .
ها ما رأيك ؟
فيما ؟
في الموت ؟
لا ادري
حسنا الا تريد ان تهدي بعضا من الموت لغيرك ؟
مثل من ؟
اختر ؟
لو اخترت فسيكون صاحب الدوله
سيكون من المستحيل لمن هو مثلك ان يصل اليه
حسنا فليكن رئيس وزرائه
ان تعلم بمدى استحالة الفكره
ماذا تريد مني ؟ تخبرني بمن اريد اهداء الموت اخبرك بمن تقول لي بالاستحاله لما نتحدث اذا ؟
نتحدث لكي لا يصبح كلامنا مجرد حديث
نعم ؟
اسمعني جيدا الموت الذي تعيشه السبب الجوهري له واحد هو صاحب الدوله اتفهم ذلك لكن صاحب الدوله هناك الكثير من غلمانه وازلامه المنتشرين في كل مكان رجل الاعمال الفاسد احد غلمانه مسؤول احدى المحافظات احد غلمانه مسؤول الامن في الحي احد غلمانه الكثير والكثير من غلمانه وخصيانه منتشرين في كل مكان وهؤلاء لن يكلفوا اكثر من سكينه صدئه او فلنقل قطعه من الخشب ملوثه ومسننة من الامام او حتى المهشمه من الامام لكي تستطيع ان اصبته ان تقوم بجرح قطعي ويلوث الجرح فيما بعد وان لم يمت ميتة طبيعه او بالغرغرينا سيموت مشلولا او معوقا في أسؤ الحالات .
أنت تحتاج للعلاج حقيقة انت تعاني من شئ ما في عقلك ما كل هذه الساديه؟
حسنا فلنعقلها سويا
انت يائس وهم السبب الرئيسي ليأسك كل يوم احد اشاوس الشرطه يقوم بتعذيب او انتهاك عرض او قتل احد ما في مكان ما ولا تتم محاسبته في كل يوم يسبب فساد مسؤول ما في مكان ما يقتل المئات من المواطنين انت لا تستطيع ان تصل الى الملك وحينما لا تستطيع ان تصل الى الملك فيكفى ان تقوم بقتل بعضا من عساكره سيؤدي ذلك الى افزاعه او على الاقل اخافته سيزداد انعزالا لا انكر انه سيزداد وحشية لكن وحشيته ستكون سبب في تحول الكثيريين لفعل ما اخبرك الان بفعله.
ستخبرني ان المقاومه السلميه والعصيان المدني والتغيير الديمقراطي سيصل بنا في النهايه الى نتيجه ما اخبرك بكل بساطه انك نسيت ان تضيف الى كلماتك كلمة الثوره الحمراء التي ستخفق على شوارع المحروسه والتي سيفجرها ساكني وسط المدينه ومصر الجديده .
سأخبرك انه ان صدق كلامك على كل مكان من الارض لن يصدق على وطننا على الرغم من كوننا من الحضارات الروحيه لكننا اكثر الشعوب تمرسا للقتال والحرب واكثر الشعوب دمويه في التاريخ حسنا سأعطيك مثالا بسيطا بعد صلاة التراويح او حتى التهجد او حتى بعد قداس الاحد اذهب الى المقاهي التي تعرض فيديو وانظر اي الافلام نقبل عليها اكثر ؟
ستجد اننا لا نقبل على الافلام قدر اقبالنا على المصارعه الحره او افلام الدماء .
في كل تاريخنا نحتفل بالموت سواء كان الموتى شهداء حرب او سلم دائما الموت لدينا طقس احتفالي جميل ينافس بل يهزم الافراح .
لقد تم تجريب كل الوسائل السلميه المتاحه فلما لا تنفس عن غضبك ببدائيه ولو لمره وحيده ونهائيه ؟ لما لا تعود كما خلقت او وجدت وتمارس بدائيتك وترح كل ما بداخلك لمره وحيده واخيره ؟
دعني اخبرك بالحقيقه او ما اعتقد انها حقيقه .دائما ما نهرب من الموت لكي نستمر في الحياه ونموت في النهايه فلما لا نجرب ولو لمره واحده ان نهرب من الحياه لنستمر في الموت يمكن حينها ان نحيى ؟
تنفر من امامي تتهمني بالجنون او الساديه او ماشابه من الامور تتركني مكاني حبيس جدراني في غرفتي المحكمة الإغلاق من الخارج
اسمعك في طريقك للخارج تخبر من معك انك لن تستطيع زيارتي مره اخرى لان جنوني قد تعدى كل ما هو مسموح به هذه المره وانك ستتحدث مع الطبيب المسؤول عني وتخبره بما قلته .
أصمت انا واتخيلك وانت تمضي ومع كل خطوه تقوم بقطعه تتساقط قطع صغيره جدا من جلدك الناعم ايذانا بأن من هربت منه طيلة عمرك قد اقترب منك هذه المره ولا سبيل الى الفرار .
2805 reads
من اجل حياة افضل*تفائل رغم اللى بنشوفه مهما كان
اتمنى نتكلم بواقعية اكثر ونشوف حلول تقدر تتحقق بدل ما احنا قاعدين نتكلم ونقول احنا عايشين من قلة الموت والكلام بتاع الاشعار اللى ميكلش عيش وكل كلام من هذا القبيل..... فيه مشاكل يبقى فيه اراء وحلول وواحدة واحدة نشوف ايه الاصلح والامكن من هذه الحلول لحل المشاكل اللى بتقابلنا .....يا جماعة ليه منحولش نحرج بالادب كل من يسبب لنا مشاكل فى حياتنا من مسؤليين ومختصيين ومبتذيين وكل من له سلطة على الاخرين ولكن بالادب والرأى البناء والاحترام لعله يقتنع ويسمع لعقله ان الكلام اللى احنا بنقوله دا صح وفيها ايه مثلا لو عملت استفتاء على الموقع عن موضوع معين او مشكلة مأزمانا فى وقتنا الحالى وخلى الناس تبدى برأيها وخلى الاعلام يشوف وينشر وكفاية ان الاعلام هوا بيدخل ويشوف وعلى عينك يا تاجر واكيد الاغلبية هتكون ارائهم متوسطة وفيها حلول قابلة للتطبيق واحدة واحدة كل واحد هيختشى على دمه من المبتزين الا بقى اللى معروفين بأنهم ولا عندهم دم ولا ريحته اساسا المهم اتمنى تكون فهمت انا اقصد ايه ....وانا عن نفسى لا املك غير الدعاء فى وقتى الحاضر وان شاء الله فى الوقت التالى هنتحرك بأذن الله بس نفضى من الدراسة بس ......... وربنا يهدينا اجمعين واتمنى التوفيق لنا كلنا فى الفترة الجاية واتمنى الاقى كل البشر متفائلين حتى فى الايام التى لاتبشر بذلك..وشكرا
الميراث الحقيقي
مصر الجناين طارحة مين يقطفها
مصر الجناين للي يرفع سيفها
اصدقك القول يا اخ مالك
كل ماحولك يدعوك للانتحار 00 و خطى الموت تفرغ فاها يدني عليك سترا من النجاة علك تقفو اثر حياة 00 فالموت ليس ان توارى في الثرى ولا الحياة ان تسير فوقه 00 الزرع يبدا الحياة في الثرى ويبدا الموت اذا ماشقه
من هنا
ادلف الى مغزاي
بعد وقت ليس ببعيد يرحل احد الابوين او كليهما الى الرفيق الاعلى
وبتقارب بسيط بين طبقاتنا وتفاوت ضحل بين شرائح الطبقة الواحدة استطيع ان اضمن لك عقارا او ما يقوم مقامه كملكية خاصة 00 سيارة او رصيدا تقطر منه كلما ضقت واضمن لك ايضا انك سوف تضيق كثيرا 00
تعالى معي 00 فكر قليلا00 مع انك تحنق كثيرا00 انت حصيلتك المادية الان بالكاد تكفيك 00 في حال ان كنت تعمل00 هيا بنا نمشي في طرقات المستقبل القريب 00 سترغب في تجديد سيارة ان كان لديك او شراء جديدة ان لم يكن 00 هل يمكنك00 انت ومن الان لا تعتمد على السلع الحكومية في شئ واتجاهك الاستهلاكي يبدو عالميا وطريقتك الانفاقية تتجه الى الغلاء 00سترغب وعلى الاقل ان تستقر في شراء نفس نوع التبغ المفضل لديك 00نفس ماركة البنطال والحذاء الرياضي الانيق 00سترغب ان تحتفظ بامكانات الانفاق في الحاسوب وما يلزمه من تحديث مستمر 00 سترغب في التنقل والصرف على مايستهويك من مواد معلوماتية بدءا من اشتراكات الصحف والانترنت والهاتف الخلوي والستالايت والكتب المترجمة والاجنبية والعربية المتينة والندوات القيمة وجلسات الاصحاب المثمرة ختاما بالتبادل الثقافي لدى كل منا مع ذاته او غيره 00
هل لازال في جعبتك طاقة احتمال
نحيا بالياس قدر حياتنا بالامل ككمن يدعو دعاء الضر دعاؤه بالخير
ماذا بقي من الميراث؟
ان اتفقنا ان يكون هناك ما اصطلح على تسميته ميراث00
قليلا قليلا بمبدا الحي اليائس ما الجديد الذي فعلته 00 ما الجديد الذي انتظرته 00 تستميت في القول مفيش فايدة 00 اجاريك بانه مفيش فايدة في انفراج الامر 00 مفيش فايدة تلاقي شقة ادمية تتجوز 00 مفيش فايدة الوظائف ترطرط 00 مفيش فايدة الاجور تزيد او تساوي ساعات العمل المنصرف الى جيوب الزبانية 00
ما رايك لو طبقنا ان نموت
هنا الميراث نسيت ان اقول لك انفا ان جينات تحت جلدك تقبع ساكنة تنقشع في وجهك وتكشف عن نفسها معرفة بتساقط قطع صغيرة منجلدك الناعم
مصير ارجئ اليك ينتظرك 00 نهاية ولدت معك
هنا الميراث يكتسب شرعيته ويمحي عنك احقيتك في المستقبل اذ ان هناك مصير ينتظرك 00 دم حار وبارد00 عاد به المحاربون القدامى 00 فرحو بالعودة ونسو ان يعيدو الينا الحياة 00 ان يستجلبو ملامح حياة يورثونا اياها00 فاتورة قديمة حان وقت استحقاقها00
لن انتظره حتى يدق بابي ساذهب اليه اصافحه اما يصرعني او اصرعه
هناك صراع للبقاء و صراع للخلود وبينهما الفناء
انه اليقين و التقرير و الشجاعة في تحمل العواقب ثم المضي في اتجاه الشمس بعكس دوران الساعة بدم حميم0
انا يائس
انا يائس ومعنديش امل خالص ...
انا واحد من جنرالات مقاهى وسط البلد ومن الناس اللى بيقعدوا ينذروا فى مصير الوطن ..واشرب الشاى ابو نعناع كالعادة واروح بيتنا وبمجرد ما رجلى بتدوس تراب الحتة بتنط جوايا حاجة واحدة وانا رجلى جوه النفق المظلم واتخبط فى جثث نايمةفى عز التلج واقعد اشتم فى البلد وفى الحكومة ولما اخرج من النفق باشوف الناش الغلابة وهى بتكتك فى عز البرد عشان بعد 16ساعة شغل يقبضوا عشر جنيه ..نفس الرقم اللى انا صرفته على القهوة ..وهو ده نفس الرقم اللى بلطج عليه فيه امين شرطة وانا نازل من بيتنا اشترى دوا لحد جارنا ونسيت اخد البطاقة ....مش عارف باقول ده ليه ىمكن بافضفض ولايمكن عايز اقول ..ان النخبة فى وادى والناس فى وادى ..بصراحة كل اللى يهم النخبة ..الليالى الحمرا والمخدارت والنسوان ..طبعا فى ناس بره ده بس هو ده اللى بيحصل وارجو ان مفيش حد يزعل ...مش عارف افكر ..وبكرة قاتم جدا ..واحنا مفيش مشروع حقيقى بيجمعنا ..بس اللى افهمه قوى واللى قريت عنه عشان نتخلص من اللى احنا فيه لازم ندفع التمن ...دى قوانين الثورات فى كل الشعوب ..بس ياترى مين عنده استعداد يدفع تمن ...الفساد ..ثورة الجنس..القمع الفقر ...انا عارف حد مؤمن بالوطن ده وممكن يعمل كده....واسمه ....يائس..
desa
لو سمحت يا مالك ممكن ايميلك؟
انا ايه اللي جابني هنا
ممممممممم
تصدق فعلا انا حطيت التعليق في المكان الغلط؟
يلا معلشي سامحني بس انا قلت اللي كنت عاوز اقوله و انت رديت بالرد اللي كان نفسي اسمعه منك ، لانك بتفكر زي ما انا بافكر و زي ما اي واحد المفروض يفكر .
لكل شخص الحرية بدون فرض من اي حد .
عموما ربما تعليق ابن عبد العزيز و ذكرة الدين هو اللي خلاني اكتب التعليق ده هنا .
و تعليقا على تدوينتك ... لا احنا لسة مش جربنا كل الوسائل السلمية ، لسة بدري على ما نقدر نشيل السلبية و نقنع الشعب المصري انه يشارك و لو لمرة واحدة بس في عصيان او اعتصام مدني شامل اللي اعتقد انه الشيء السلمي الوحيد القادر على اعطائنا ما نريد فقط ان كان شامل فعلا على مستوى مصر كلها .
ابن عبد العزيز و مالك
الدين ...
ليه دايما بنعلق على ظاهرة التدين المنتشرة الان ..
حتى لو بتؤخذ بطريقة غلط ....
لكل فعل رد فعل و كل اما ظهرت افعال تناقض الدين بتطرف لازم يظهر اللي يتجه للدين بتطرف ..
الاعتدال يقابله اعتدال و التطرف يقابله تطرف
ماتجيش تطالب الناس بعد التعصب الزائد للحجاب او حتى النقاب و هم يرون حملة عالمية هدفها منع الحجاب اصلا ...
لو من عشر سنين لما ماكنش حد بيهاجمنا كدة في الدنيا كان ممكن الطلب ده بعدم التعصب الزائد ..
ليس صحيحا ان اهزأ بالذي يرتكب المعاصي و ياتي اخر الليل و يصلي لكي ينجيه الله و نقول انه يناقض نفيه . نعم صحيح انه يناقض نفيه و لا بد ان يصلح من نفسه و لا ينتظر معجزة و لكن من الجيد ان يستمر في محاولة قربه من الله لعل اللع يرزقه الهداية من عنده .
في اللي بيصلي و بيسرق هل معنى كدة اني اقوله لا مش تصلي؟؟
و في المتحجبين كتير و مش كويسين ابدا
لكن هل معنى كدة ان اقول الحجاب مالوش لازمة ؟ او قاولها اقلعي الحجاب احسن؟
شكرا
ياعم احمد انت
ياعم احمد انت حاطط التعليق في المكان الغلط
عموما
انا معنديش حاجه ضد الحجاب وحياة امي بس انا عندي حاجه ضد فرض الحجاب على غير المتحجبات ماللي يتحجب يحجب واللي مش عايزه تسيب غيرها في حاله
ان الناس تصلي وتؤمن او تبطل وتكفر وحياة ربنا بردو مش مشكلتي
مشكلتي ان الناس تظلم وتقتل وتسرق وتقول ان احنا مؤمنين وعارفين ربنا
ياريت متفهمنيش غلط وتبقى زي الجعيره اللي ردوا قبل كدا ووجعوا دماغ اهلي
انا مؤمن بالحريه لحد التطرف وكافر باي شئ يقيد حرية الانسان
كل سنة وانته طيب يامالك
كل سنة وانته طيب
انت شربت شاي كثير ؟
انت كتب التدوينة دي من عنبر المجانين في العباسية يا مالك ؟
واللا من اوضة النوم في شقتك اللي في اسكندرية؟
واللا من انترتت كافيه من احد شوارع القاهرة ؟
انت عارف انا بسال ليه ؟
عشان اتريق
لان كل الاماكن زي بعضها
وكلها يحمل رائحة شئ واحد...الا وهو الموت بالفعل
الموت ليس حالة جسدية او روحية
بل فكرية ايضا
عندما لا يستطيع الانسان ان يفكر فيستمر في السير لانه لو فكر لتوقف...لكنه لا يفكر..اذن لن يتوقف
وهو يسير يضرب كل شئ في طريقه بقدمية " شلوت يعني" حتي الاشياء التي كان يجب ان يقف ليتاملها والتي كانت من الممكن ان تغير لها مساره تماما
في النهاية هذا الميت الذي يستمر في السير ليطيل عمره " موتا" لايدري بانه في كل خطوة يصبح من الاصعب رد الحياة فيه
العنف قد يكون سبيل في اخراج الميت للحياة
انا لست ضده علي الاطلاق
لكنه مسالة غير قادرة علي ايقاف تفاعلتها فور ان تبدأ
فور ان تبدا سلسلة عنف ..ينتهي الامر بضحايا ليس لهم ذنب وينسي الناس القضية التي ارتكبوا العنف لاجلها في بادئ الامر
الناس تنتحر باشكال مختلفة كل يوم
ومنها بالدين ايضا
يصلي ليرحمه الله من الهم حتي تصبح الصلاة دواء
ويصوم حتي ينجو من عذاب النار
ويزعق في الشارع من اجل الحجاب حتي لا يموت الدين الذي" تتكالب عليه الامم " وهكذا
الناس تنتحر لكنها في لحظة قعدة القهوة ومزيكا رايقة والشيشة
يحب الحياة ويتمني لو طالت واستمرت الي الابد
في لمة الاهل حول وليمة شهية
وغيرها
يعبر الاموات هؤلاء عن رغبتهم في الحياة ولو لدقائق
هم موتي
لكن الحياة تدب فيهم
تريد فقط منفذا
صحيح
ناس عندها 35 و40 سنة ولم يمس امرأة
وناس لم تاكل لحما
وناس لا تعرف معني الهواء المكيف
يرونه علي التلفزيون
لكنهم لا يعرفون مذاقه
لذا فهم يغتصبون الاطفال في الشوارع
ويسرقون الناس في المصالح الحكومية
ويكذبون من اجل ليلة في فندق محترم
وينفقون نصف المرتب في موبيل ومزيكا الرينج تون وخلفيات الموبيل
ثم يعودون في نهاية اليوم ليصلوا ويسقطوا الفريضة
ويصومون لعل الله ياتي بالمعجزة
لست اهزأ من الدين بالطيع
لكن الدين لم يكن هدفه الرئيسي دفن الاحياء بل احياء الموتي
ان يكون الميت متدينا في وقت واحد
فهذا من عجائب الدنيا الثامنة الان
مش عارف انا فهمتك واللا لأ
بس انا عارف انك بقالك كثير منمتش الظاهر
او نمت كثير وصحيت بتخرف :)
المهم
"أصمت انا واتخيلك وانت تمضي ومع كل خطوه تقوم بقطعه تتساقط قطع صغيره جدا من جلدك الناعم ايذانا بأن من هربت منه طيلة عمرك قد اقترب منك هذه المره ولا سبيل الى الفرار ."
الامل يا مالك في شئ واحد
في قوة الحلم
وبس
كئيييييييييييييييييييب بس برضه المقاومة السلمية هي الحل و هي الأكثر إنسانيه و ما ينفعش تحاول تبني عالم أكثر إنسانية بآليات بدائية فاستحمل و ما تبقاش كئيب و خلينا نحاول
العصيان المدني برضه هو الحل
المصريين خلاص ماعادش ينفع حتى يشيلوا السلاح ، الشعب تم تهميشه تماما و اقناعه بأن البلد مش بلدة و مالوش فيها فا هايشيل سلاح لمين بس.
تعرف من نوعية الروايات الاكثر مبيعا و الافلام فلا تقدر تعرف نوعية البشر
في البلاد الديمقراطية تجد ان الروايات البوليسية و اقصد مثالا روايات أجاثا كريستي تكون منتشرة جدا حتى ان المواطن البريطاني الان يصوروه بأنه جالس في انتظار الافلة و في يده رواية لاجاثا كريستي ، و اتحدى اي احد يد ان الروايات البوليسية تجد لها انتشارا في الدول الشمولية امثال الدول العربية كدة.
أما في مصر ...
نجد أن في الروايات الاكثر انتشارا هي الروايات ذات البطل الاول الاسطوري ،الذي يعيد للعرب كرامتهم و الذي يوجع الاعداء بهزائمه المتتاليه ..
واضح جدا ان القاريء العربي يعوض اهدار كرامته يوميا و حاله الذل و المهانه التي يعانيها على ايدي الدول الاخرى بأن يقرأ تلك الروايات التي فيها فقط ينتصر عليهم و يقهرهم .
افلام الأكشن يا مالك اختلف معاك قليلا في مدلولها ... فهي لا تدل على أن الشعب يريد السلاح و لكنها تدل على الجو السائد في مصر على ان شريعة الغاب هي القانون المطبق و الأقوى هو من يحصل على كل شيء . من يكون قوي لا يسرق في الشارع ولا يضرب و يتم احترامه و هذا في نطاق المنطقة
و في الجيش يتم اختياره لاماكن افضل و لا يتم التحرش به
ان ارتقيت السلم ااجتماعي قليلا قستجد ان القوة تتحول قليلا الى قوة المال ان ارتقيت اكثر فيكون النفوذ و هكذا
الافلام الاكشن هي تعويض هي حلم صغير يغوص فيه المشاهد متخيلا نفسه بهذه القوة وةذه القدرة انها تجعله يمتلك ما يحلم به للحظات .
في النهاية عاوز اقول
ان العصيان المدني لو شمل كل مصر هايكون هو الوسيلة السلمية الوحيدة لاسقاط هذا النظام فعلا
تخيلوا معايا كدة
كل الناس في الشارع ، معاهم اكلهم معاهم لافتاتهم ، معاهم ارادتهم كلها .. قوتهم كلها .. اخلاصهم كله
و شعارهم ... لو مش هانتغير .. يبقى خلينا في الشارع احسن
كل المصالح وقفت كل الطرق مقفوله
كل حاجة وقفت على الاطلاق
و
ولا بلاش نكمل علشان الدنيا برد فعلا على البرش الايام دي
انت الافضل
بالطبع انت افضل انسان يتحدث عن الغباء لانه وبطبيعة الحال يمثل جزء كبير من افكارك الغريب انى ظننتك عكس كل من يكتب انك صاحب راى وانك تؤمن بالنقاش لكنى وبعد ردك الممتلىء بالادب والاخلاق العالية تاكد لى ما ذكرته بانك تحتج فعلا الى المساعدة وبالمناسة هذه الفكرة قد تاكدتى لى للمرة الثانية بعد قراتى للمرة الثانية لما كتبته لانك لو لديك ما يمثل واحد على مائة من الذكاء لكنت ادركت ان كل مايكتبه الانسان من جد وهزل يمثل جزء ما فى شخصيته وبالمناسبة انا حينما فتحت المدونة اليوم كنت قد راجعت اسلوبى فى الكتابة ولا اقل افكارى بل اسلوبى لانى متاكدت انك انسان تعانى من امر ما واكبر تاكيد لذلك هو انك تعترف انك لا تستشير احد فى اى اشى ولكنى كانسان محترم وجدت ان التصادم فى الحوارلم ولن يجدى نفعا فكنت ارغب فى تدارك اسلوب كتابتى ولكن وبعد ما قرات ما كتبته تاكت ان اسلوبى هو ااصح فى الرد عليك ولكن اكثر ما يثير غرابتى انك تمثل حركة ككفاية وانا اعلم ان بها الكثير من رجال الثقافة والعقل فكيف يسمحوا لك ان تكون حتى واحد منهم ام لم يعد فى مصر رجل رشد انت والدولة سؤا لا تفرقون شىء عن بعضكم بل انت الافضل فما تجيده دولتنا
ملحوظة لو مفهمتش انا قصدى ايه ابقى قل متحطش فى نفسك لتموت
ممممممممممممممممممممممممممم
جناااااااااااااااااااااااااااااا
بما ان الأخ اللي كان عايز كفاح مسلح ده كان مجنون وفي مستشفى
يبقى واضح بقى ان أنا كمان مجنون ولازم أتحط في مستشفى
أصل الفكرة العبقرية بتاعت جناب المجنون ده خطرت في دماغي كتييييييييييييير أوي وكنت شايفها عادلة
طبعا تفكير غير منطقي وكنت عارف كده وكنت بدفن الفكرة دي أول ما تطق في ميتين أم دماغي
بس برضه كانت بتطلع تاني وتضرب في نافوخي أعمل ايه بقى مجنون
م ج ن و ن
مجنوووووووووووووووووووووووووووووووووون
البدائل
تصدق ان المرضى النفسيين اعقل من ناس كتير معتبرين روحهم اصحاء؟
اصلا ده نوع من القتل الرحيم اللي اقرته المواثيق الدولية بشكل او بآخر
بس هو ناقص حاجة واحدة
موافقة المهدى اليهم
يللا
عندما تغلق كل ابواب الارض تبقى ابواب السماء مفتوحة
بس ياترى للطالع ولا للنازل؟
كل سنة وانت تملك خياراتك يامالك
استنتاج
والله انا وصلت لقناعة
ربنا خلق الناس وسابلهم كل الحريه انهم يعملوا كل حاجه بدون ادنى تدخل منه
احتراما منه للحريه اللي عطاها لعبيده
عشان كدا بحب اطلع ربنا من الحاجات دي عشان عايز افضل مؤمن بيه
لا اله الا الله
جرى ايه يا مالك فيك ايه انت ما بتقراش في المصحف و لا ايه
انت متعرفش ان ربنا قال و لا تقنطوا من رحمة الله
لا للاسف اصلي
لا للاسف اصلي بنسى اتوضى
كلام مفهوم
كلام مفهوم دوافعه و أسبابه يا مالك... بس الله يكرمك ركز كده عشان السجن مش واحش أي حد فينا... روق كدة و خليك حلو مش طالبة شاحططة في البرد الله لا يسيئك. بس الكلام جامد على كل حال كالعادة
طب لو شفت اللي
طب لو شفت اللي جاي حتعمل ايه :D:D:D:D
كن شجاع و اجب
كن شجاع واجب ماذا تريد اتريد شلالت من الدماء تتدفق قتله ومشردين انت بذلك سستعطعى شرعية لما تسميه بوطئة الحاكم المستبد تريد ارامل وقتلة لماذا كل هذا الحقد الذى بدخالك لما لا تلجاء لاحد تستشيره فما تعانيه الكل مثلك ثائر ومحبط ولكن ليس بهذه الصورة ثما ماذا تريد ان تزرعه داخل الشباب وان كنت ترى ان الكفاح المسلح هو الحل اذن فانرى متى سبداء تنظيم مالك المسلح فى انتفاضته من لا اعرف ماذا التغير اري ان ابشرك بشى لقد حدث فعلا التغير فلقد نجح الفساد ان ينزع الانسانية من افكار من يسمون البشر وغير طبيعة البشر فى السعى لخلق واقع جديد عن طريق النقاش او اى اسلوب اخر غير تطبيق شريعة الغابة وابشرك عزيزى مالك انك او من تغير او على الاقل من اول المتغيرين انت قلت قبل هذا ان الفساد لم يهزمك بطبع هو لم يهزمك لقد حطم كونياتك الانسانية على صخرة البربرية والحيوانية ونهج الغاب
اتمنى ان تملك الشجاعة الكافية فى ان ترد على كلامى واتمنى ان ترد بكلام فان اعتقد انك وبفكارك هذه من الممكن ان تتمنى ان تملك السلطة لكى تجيب عليا بالشكل الذى يرضيك لاجد فى الاخر انكم جميعا وجهان لعملة واحده انت والسلطة اى انه اول ما ان يملك احدكم امكانيات للرد بالاسلوب الذى يريحه يستخدمه والدليل ما كتبته ودعنا نتخيل لو انك اليوم كنت مكان الحكم بهذه الطباع الجميلة وقرات ما كتب عنك بالطبع كنت سترد باسلوبك الذى يوازى احلامك الان تصو الحال الذى سنصي له انت هنا الان لا تملك الا مدونة وتقول القتل والدماء ما بالك لو وصلت الى ما تامل له تخيل
لم ألجأ الى احد
لم ألجأ الى احد لأستشيره
لانك لو بتعرف تقرى كنت اخدت بالك ان في نهاية اللي كتبته اللي كان بيقول دا كان مريض نفسي محبوس جوا مستشفى مجانين
انما للأسف ان كان لدي انا حقد فلديك انت غباء خلاك متكملش القراءه وتفهم ايه اخر الموضوع
c'est de l'imaginable ce que
c'est de l'imaginable ce que tu ecrit malek, mais helais les mots be fait rien dans notre monde arab
وحياة امي
وحياة امي اناخريج مدارس حكومه وعربي وجايب في الفرنساوي 22ونص وبالعافيه كمان وبدروس خصوصيه وخراب بيت أبويا
7lwa awiii awiiiiiii tsd2 en
7lwa awiii awiiiiiii tsd2 en ana kaman bfkr fil mwdou3 bel chkl da...
bas 7lwa f3lannnnnn
ربنا يكرم أصلك
ربنا يكرم أصلك
مات ليحيا
دائما ما نهرب من الموت لكي نستمر في الحياه ونموت في النهايه فلما لا نجرب ولو لمره واحده ان نهرب من الحياه لنستمر في الموت يمكن حينها ان نحيى؟
لكن غرس هذه العقيدة يا مالك يحتاج إلي تربية طويلة الأمد. مرة أخري تذكرني تدوينتك بفيلم
V for Vendetta
والسؤال الذي تطرحه جملته: يمكن للعنف أن يوظف للخير - العدالة
http://unbrainwasher.blogspirit.com/archive/2006/08/14/violence-for-vendetta.html
يا عزيزي مختار
يا عزيزي مختار صدقني انا من اسبوع بس كنت بقول لسواق تاكس اني اقدر افهم دلؤتي ليه بتوع الجهاد عملوا اللي عملوه واقدر التمس لهم الاعذار
بغض النظر عن مدى غباء اللي عملوه
بس تخيل واحد مش لاقي يتجوز واديه اتهرت من العاده السريه وامه بتموت من امراض الدنيا وابوه عاجز واخوته جعانيين وشاف قدامه محل دهب وصاحبه سمين ومكلبظ
حيحس بإيه وهو مش لاقي رغيف الفول او حتى الحاف
كونهم قتلوا مسيحي فدا غباء منهم بس ممكن لانهم فاهمين ان المسيحي دا كافر وانهم بجد مش فاهمين انهم كدا بيحققوا العدل بالشكل البدائي فكان لازم يكون في عقيدة دينيه يتكلموا على لسانها
تخيل لو كان فكروا شويه وبدل ما كانوا استخدموا منطق الاستحلال ومنطق اموالهم غنائم لنا ونسائهم سبايا عندنا كان فكروا بمنطق اصلاح الميزان المعووج كان حيحصل ايه ؟
عميقة ودقيقة
لا يا مالك، حلوة فعلا
فيها عمق وقربت اوى من الواحد
كان فبه شخص قالى "انا ميت من سنة ونص"، افتكرته لما قريت التدوينة دى..احسنت
عايشين من قلة الموت
طب انا افتكر كلمه تانيه اتقالت مش عارف في فيلم او روايه (هي حاجه كانت عن الصعيد او اعتقد يامنه للأبنودي )وبأت لبانه في بق كل حد عايز يعيش دور اليائس او اليائسه الرومانسي
انا عايش من قلة الموت
هي جمله كانت في منتهى العبقرية بس للاسف تم استهلاكها زي اخواتها فبقت حمقاء
lrkhoifjs
malek i dont know what to say? but i read this once and twice and i couldnt understand the first part but i understood what do u wanna say but i didnt enjoy it like i used to enjoy u r articles before anyway good luck
مش شرط كل حاجه
مش شرط كل حاجه تتكتب تعجب كل الناس :)
عموما هي مجرد تدوينة :)
كلام مية مية
كلام مية مية لكني أنا قريت في كتاب إنها مش فكرة حلوة تبتدي تنظيم مسلح علي النت علشان بيقل بركته.
تنظيم مسلح ؟طيب
تنظيم مسلح ؟
طيب هات ربع جنيه وخد التنظيم والمسلح كمان
Post new comment