انا فى سته ابتدائى مدرس العربى كان فى الفصل بيحط ايده على كتف البنت وكانها فى حضنه فى منظر فهمته لما كبرت
وانا فى تانية اعدادى رحت مع ماما السوق مره ووقع منها شئ وحاولت اجيبه ولقيت يد على مؤخرتى وخفت جدا واتنفضت
وانا فى ابتدائى ايضا اذكر انه امام باب المدرسة كانت تقف سيارة وعندما اى طالبة تمر جوارها يوجد شخص فاتح مجلة اباحية كبيرة الحجم امام مدرسة البنات
وانا فى ابتدائى حاول ابن صاحب بابايا واحنا بنلعب كلنا انه يشدنى فى الجنينه ويقبلنى بالعافية وهو كان فى ثانوى وطلعت اجرى عند بابا
دى المواقف اللى معلمة فى ذاكرتى من خمس وعشرون عاما
واكيد بتتكرر دلوقتى بشكل او باخر
المشكلة اننا اتربينا على الخوف من الاشارة او التلميح للاحداث دى بحكم الرعب من جسد المرأة - لللدرجة اللى كانت تصور لنا ان الراجل ده وحش - وللاسف ده بيؤدى الى خوف من الرجالة بالدرجة التى تؤدى لمشاكل نفسية تستمر حتى الايام الاولى من الزواج
بس كمان اتربى جيلنا على عيب متلبسيش ده خدى بالك من كلامك خدى بالك من قاعدتك بينما ينتابنى الذهول من منظر البنات فى المول او النادى بنات بالاعدادى يضعن المكياج - كيف تسمح الام لابنتها ان تخرج من بيتها بلبس يشف اكثر مما يستر - الاهل مبقوش يعرفوا حاجة عن بناتهم - فين ان الام والاب اصدقاء لولادهم - فين الدين فى المدارس - لازم نربى ولادنا على انهم يعرفوا الحلال والحرام - لازم يكون فى قانون صارم يحول كل من يفكر حتى عن مد يده او شد انثى او حتى كشف عورته او خدش اى حياء ولو باللفظ - لو ده حصل واتطبق - كله هيخاف - للاسف اللى بيحصل دلوقتى - لان مفيش ضابط ولا رابط والبنت بتخاف زى ما كنت بخاف وانا طفلة -لازم حملة تثقيفية اعلامية من خلال الاعلانات للتوعية عن سبل الحماية - عموما احنا بندن فى مالطا