انت ليه دعيت ع الست الغلبانه اللى بتشيل الشمعدان ... دى تلاقيها بتيجى بتاخد ربع جنيه وتروح

سيبها فحالها

لكن اهم حاجه واوسخ حاجه انهم بيتكلموا لبنانى مترجم بالمصرى

ليس هناك أسهل من تسخيف أي عمل أو جهد إنساني، وبالأخص عندما يقوم بهذا جاهل بل - وعلى الأسوأ - نصف مثقف.

لا مفاجأة، هي عادتنا - كعرب - أننا إذا ما تمتعنا بثمار حضارة الغير - من الطائرة حتى الانترنت والمدونات - جعلناها وسائل للقتل والشتم والتحقير والتجريح.

ألم تتساءلوا يوماً لماذا لا تسير هذه الشعوب إلى الأمام؟ يكفي أن تنظروا إلى أية مؤسسة "إنتاجية" كي تروا الكيد والحسد واللؤم، وبالطريقة (السردينية) ذاتها التي يفضل صاحبها أن يخسر ويخسر زملاؤه على أن يرى أحداً غيره يحتفل بانتصار صغير.

كنا نتهم النخبة التي تستفرد بالنشر والإعلام، فلما أتاحت الانترنت حرية الكلمة والنشر هاكم ما جنينا!! كذا سيأتي يوم نترحم فيه على الطغم الحاكمة إذا ما شاء الزمان أن ينكب هذه الشعوب بحريتها

أنا بس الحاجة الوحيدة اللي ضايقتني ان القاتل الحقيقي ماظهرش في آخر الفيلم ومابقيتش عارف هو البواب ولا دكتور السنان، النهايات المفتوحة دي بتبقى مزعجة أحيانا

الاقي فيلم دنيا فانهي سينما
بليز

مصر الجناين طارحة مين يقطفها
مصر الجناين للي يرفع سيفها

افتكر ان اول حاجة اتعلمناها لما جينا نكتب سيناريو كانت سلسة اوي- حرفيا من ناحية الوسيط اللي هوة النص السينمائي المنقول للكاميراقبل المعالجة وهوة لسة موضوع- نعبر عن الفكرة بايجاز ووضوح بلغة الحركة والشخصية يعني نحط الشخصية في فعل هيتوسع الموضوع
لكن الهم من دة كله كعنصر بناء درامي في الكتابة للسينما بالذات انك تكتشف من اول عشر دقايق مين الشخصية الرئيسية ايه الفكرة وايه الحالة
عشر دقايق فرجة =عشر صفحات سيناريو

الفصل الاول الفصل التاني التالت
الاستهلال المجابهة الحل
موضع الحبكة1 الحبكة2
صدقوني دة تخصصي طبقو النموذج دة على الفيلم بالنسبة للناس اللي شافوه لو ظبط معاكم يبقى قشطة لو مظبطش يبقى قطعا السيناريو هش
ومبدئيا السينلريو كان كتير مشاهد تقفيل مونتاج

أشهد

بص يا مالك

اولا انا متاكدانك مش بتريق احنا مفيش بينا الحاجات ديه
:)

انا لازلت مصر على ان الصوره حلوه والالوان لاعبى دور ضخم وخلينا نقول ان كتير من الافلام كانت قائمه من الاساس على صوره حلوه وتناسق الوان

انا شايف ان الفيلم كله مشاهده صورتها حلو ومش محتاج انى اعد لك بس خلينا نحاول نفتكر شويه مشاهد

مشهد منير وهو ماشى حوالين لامبات النور لما كان وليد عونى بيعالجه
مشهد منير وهو بيدى محاضره لاحظ الاضاءه على وش منير مع درجات الون البيج بتاع البدله

مشهد الكلمات المتقاطعه الوان الصحراء مع الاحمر

كل المشاهد اللى فى بيت حنان ترك مع الوان الستاير واختيار زوايا التصوير

مشهد منير مع صاحبه اللوكانده لاحظ اضاءه المشهد مع صوت الغوايش

كل ده وغيره مش معناها اطلاقا انها تحمل اى وحده دراميه او انها مشاهد واضحه او ان السيناريو فيها متقن لكن كمان مننكرش ان التصوير بجد كان حلو

اخيرا بختلف معاك فى فكره الفيلم الناطق لان فيه كتير من المخرجين المميزين عندهم الحوار ليس له اى اهميه ومن الممكن انك تقفل الصوت وتتفرج
لكن للاسف دنيا مكنش من الافلام ديه حتى لضعف واضح فى السناريو اللى هو مش الحوار

المهم كل سنه وانت طيب

انا لسه مشفتوش بس بعد كلامكم لازم اشوفه. ياريت نبطل نقول "لاتذهب لهذا الفيلم" انا شايف ان الافضل ان الناس تشوف وبعدين تتكلم لان كده انت بتعمل زي الرقابه لما بيشوفوا الفيلم ويقرروا انه مش مناسب للناس فيمنعوه.

بص يا مالك اولا محتاج اقول ان الصوره فى الفيلم تحفه فنيه انا دخلت الفيلم فضلت ساكت لحد مخلص بس لانى كنت مستمتع بلوحات جميله للغايه ومعبره جدا والوان مذهله
كتير كمان المزيكا كانت بتصنع مود هايل ومناسب جدا مع الصوره

كل اللى انا قلته ده مبنفيش ان الفيلم مليان مشاكل تصل لحد البلاوى

اولا دائما البدايه هى السناريو والبناء الدرامى والتصاعد للفيلم ورسم الشخصيات لا يوجد اى قواعد للبناء او التصاعد او حتى رسم الشخصيات لكنها لازم تكون مرسومه ولازم يكون السناريو مبى من الاساس

للاسف السياريو غير واضح بالمره ولا يمثل حتى رؤيه نخوبيه لدرجه انى شاكك ان اداء الممثلين كان سببه انهم مش فاهمين اللى بيقولوه

ده بالاضافه ان المخرجه حاولت تفتح فى تسعتلاف موضوع وده ضر بالفيلم كتير

مكنش عندى ازمه ضخمه انها تعمل فيلم عن الرقص الحديت و انطلاق الروح وكل ده بس يكون فيلم مش مجموعه لوحات

مشهد البوستر بتاع منير فضيحه بكل المقايس

فعلا هذه هي "دنيا" المصري الواقع بين مطرقة الجهل والتعصب (الأعمى) والفقر وسندان "المثقفين" المنحازين تماماً إلى كل وأي شيء غير هذا المصري الذي يرونه عصارة الجهل والقذارة والمرض والتطرف والفقر وكل ما هو مرفوض في عالم تحكمه الشركات العملاقة كفورد!!

ما يحدث في العراق ولبنان وفلسطين السلطة الفلسطينية لا يختلف كثيراً عما يحدث في بلدنا لكن الفرق أن هناك الأمور تسير بشكل أكثر راديكالية!!

يا مالك ياخويا
هو انت لسه ما كرهتش المنافق محمد منير
انت نسيت انه قال انه بيؤيد حسني مبارك
اللي كان عامل فيها شيوعي زمان
وهو ما يعرفش من الشيوعية غير شرب الحشيش والمخدرات والغنا على ميتين ام الشعب المضهد واللعب بعواطفه وفي الاخر يؤيد مبارك علشان يبيع ويفضل في الاضواء

انا يا عم قعدوا يقولوا لي فلم دنيا، فلم خطير، فلم جريئ، فلم معجزه المتطرفين بيحاربوه. شفت الفلم يا اخوي و مقدرتش اكمله. مش علشان الجرأه في الموضوع و لكن علشان الجرأه في القرف و الاستهبال

معلش يا مالك هو كده اي فلم يتكلم عن موضوع حساس شويه لازم يتعمل عليه ضجه حتى لو كان فلم ترجيع من أوله لآخره.

ملحوظه: الرقاصه الحامل دي مصدر لقرف نص المصريين و بقترح نعمل عريضه زي بتاعة سعد باشا نطالب فيها بمنع الست دي من الرقص

I've read a very different opinion on another blog ...I think I will go to the movie to discover which one of you is right...although nobody is totally right when it comes to any kind of arts...especially cinema.....

في حد قال حاجة كويسة من زمان قوي علي موضوع الرقابة والمصادرة وفي معناها: من الأفضل أن تترك الأعمال الفنية الزبالة تجد طريقها للجمهور أحسن ما تمنع عمل فني متميز.

أنا مشفتش الفيلم وربنا يسهل كده وماشفهوش خالص لكن التدوينة بتاعتك بتؤكد علي أن أحسن حاجة لمنع الفيلم اللي من العينة دي إنك تعرضه علي الجمهور. هتلاقيه بقي ممنوع لوحده. روّق كده وشوفلك فيلم لاسماعيل ياسين أحسن. كل عام وأنت طيب

و الله صدقت يا شيخ !
أنا سبق و سجلت رأي حانق عن الفيلم عند شباك .
أنا مش حاقول الإخراج زفت لأن فيه لقطات كتير عجبتني جداً إخراجياً، أو زي ماقال شريف زهيري(صولو) : "كنت عاوز أطفي الصوت و أتفرج بس!". بس فيما عدا ذلك و بخلاف موسيقى الفيلم الرائع فالباقي خرة.. السيناريو خرة و الحوار خرة و حاجة تقرف.. أنا نفسي أعرف هو وليد عوني ده مدرب رقص و بس و لا بالمرّة دجال يشفي الأعمى و الأبرص و يدرب رقص و يخصب العاقر !! إيه الخرة اللي كان بيعملوا مع محمد منير و شوية الكومبارس اللي كانوا عاملين فيها عمي دول.. مش عارف ليه في السينما عندنا لازم الأعملى يكون واحد مغمض عينه و واقف مش على بعضه !
طبعاً لقطة بوستر محمد منير كانت نكتة، و هي بالأكيد مقصودة.. حاجة زي دي مش حاتعدي عليهم من غير ماياخدوا بالهم ! إلا لو كان مدير التصوير الأجنبي و بقية فريق العمل مايعرفوش ان منير مطرب أصلاً و مالحظوش الصورة، و تلاقي منير هوه الوحيد اللي لاحظها هو و حنان ترك و بقوا مش فاهمين يعملوا إيه :)

فعلاً لا تدخلوا هذا الفيلم !