Home
أفراح 30 فبراير تدعوكم إلى :عمرو أه رضوى أه صدام لأ
Submitted by malek on Sat, 2007-01-13 21:32.
Tagged:  •    •    •    •    •  



بإسم شعب العمرانية العظيم,المعطاء,المناضل,بإسم كل الشعوب الناطقه بوسوم التنين البمبي,بإسم كل الحركات المناضلة تحت لواء 30 فبراير المنظمة الأم.
نعلن وبكل فخر ,وإعتزاز,وإبجال,ونحمده,وعطيات,عن حفل زفاف في الهواء الطلق لكل من .
الأستاذ المفكر المهندس الفليسوف المخطط الإستراتيجي,والمثقف العضوي لحركة 30 فبراير
عمرو عزتطيب الله روحه العطره,وأسكنه فسيح شققه في إمبابة.
على الأستاذه الألمعيه,المعالجه النفسيه,والروحيه,المرشدة العضوية,والمكافحة في سبيل القضاء على الإيدز,والجدري ,والكساح,ومطعم التابعي بشامبليون.
الأنسة البكر الرشيد(وان كان المفروض تبقى رشيدة,بس قلنا بلاش عشان رشيدة دي معزة بكار)رضوى أسامة.
وذلك في تمام الساعه الرابعة ظهرا,حديقة الأزهر,الهواء الطلق,ليوم الثامن والعشرين من يناير المجيد,أعاده الله علينا وعلى كل مواليد برج الجدي والمعزه باليمن والبركات.
ونقول مبروك للعروس,عمرو عزت اول وتاني وتالت,الجدع جدع ,وانا مشوفتش اجدع من ابن عزت,الراجل راجل,وانا,انا ,مشوفتش أرجل منه
أخويا وحبيبي وصاحبي وابن الحركة بتاعتنا,عمرو,عمرو,أول وتاني وتالت,وسمعني أحلى سلام على طول السلام ورقصني على الضوء الشارد يا ولا.
"الضوء الشارد,قمر الليالي,خد قلبي معاه ,دوبني وتاه ومرجعش تانيييي,)
سمع هوووووووووووووووووووووس,سلام على طول السلام لست الحسن,بنت الجيهه,وجيهة الجيهة,الأستاذه,الدكتوره,البازمنهدسه,اللي بتعالج النفسويات,والدواخيل الدواخيل,رضوى,تاني كدا ,رضوى,رضوى اه,بتوع صدام لأ,القومجيه مع الإحترام يروحوا,واللي يحبني يضرب فيهم ناااااااااااااااااااااااااااااار,وسمعني سلام يا مازوخيين بالأوي يا قو قو.
شوية جد
في فرح بجد لعمرو عزت ورضوى أسامه,مدونتي مابدالي وهكذا انا ,ودا يعتبر اول فرح يتعمل وتكون الدعايه ليها جماعيه ومفتوحة وحره (حر لا يعني مجاني)لكل المدونين في الميعاد والمكان السابق ذكرهم.
ولا أراكم الله مكروها في صديق لديكم,وانا لله وانا اليه متزوجون.

3539 reads

Comment viewing options

Select your preferred way to display the comments and click "Save settings" to activate your changes.

الف مبروك

Submitted by مجهول (not verified) on Fri, 2007-11-02 20:15.

الف مبروك بتمنالكم حياه سعيده بسام

reply

الف مبروووووووووووووووووووووك

Submitted by lo2lo2 (not verified) on Sun, 2007-01-21 20:51.

الف مبروك لعمرو ورضوى بس الامانة بتنقح عليه عشان كدة لازم اقول لكم ان الوزواج يدمر الصحة ويسبب الوفاة
فاعل خير

reply

شكرا

Submitted by radwaosama (not verified) on Sun, 2007-01-21 10:20.

حلو البانر قوي يا مالك ..بجد شكرا

reply

أولا : الله

Submitted by عمرو عزت (not verified) on Thu, 2007-01-18 03:08.

أولا : الله يبارك فيكم
ثانيا : شكرا لأبو مالك و نردها لك لاحقا .. و ربنا يكثر أفراح 30 فبراير
ثالثا : حر مش مجاني لان تذكرة حديقة الأزهر 3 جنيه و يشاع أنها مخصصة في هذا اليوم لدعم الجناح العسكري لـ 30 فبراير

reply

ألف مليون مبروك

Submitted by ROMIL (not verified) on Tue, 2007-01-16 03:15.

أولا ألف مبروك يا عمورة
ألف مبروك يا يا باش مهندزة رضوى

بس عايز اعرف ايه المقصود ب"
حر لا يعني مجاني

؟؟؟؟؟؟؟؟؟؟؟

ROMIL

reply

Alf mabrok kan nefsy aktb

Submitted by Mohmmed eltaher (not verified) on Mon, 2007-01-15 01:42.

Alf mabrok kan nefsy aktb 7agat tania bas lelasaf ana patsafa7 men elmobail ta7t elpatania alpard hena fazie3 3obalek ya malek lma t7sal akhok 3mr

reply

ألف مبروك لعمرو ورضوى وطبعا صدام لأ والقومجية يمتنعون يا باشا

Submitted by الحاج جرجس (not verified) on Sun, 2007-01-14 00:45.

أنا بس اللي محيرني ما قالته رضوى من إن نص معلوماتك غير دقيقة.... أيوة يعني أنهو نص اللي دقيق وأنهو نص يبقى دقيق؟؟؟

الله يكون في عون الشهيد عمرو عزت... واضح إنه هيشوف أيام بني غامق... طيب الله ثراه... يا عم دا وقع في إيدين ناس دقيقة مدققة وتقول لك النص دا دقيق والنص دا مش دقيق وطبعا فيلسوفنا عمرو عزت هيقعد طول عمره يحاول يعرف النص الدقيق من النص غير الدقيق وطبعا بلا جدوى... وفي الآخر لن يجد غير أعضاء الحركة حضنا مفتوحا وحصنا دافئا يلجأ إليه بعد طول البحث والتنقيب عن النص الدقيق من النص غير الدقيق

رحم الله روح الشهيد عمرو عزت وألهمه الصبر والسلوان
وأعان الله الأخت الفاضلة المناضلة الفعالة بالحركة رضوى هكذا هي على مواصلة بحثها الدقيق المدقق (في جيوب الفقيد طبعا)ـ

على فكرة يا مالك
ليه ما كنش الفرح يتعمل في يوم ذكرى تأسيس الحركة المباركة... يعني 30 فبراير نفسه؟؟
وأهي كانت تبقى فرصة الاحتفالية تبقى دابل إمباكت واتنين في واحد

reply

ربنا يخليك يا عم مالك ونجاملك في الافراح

Submitted by محمد مفيد (not verified) on Sun, 2007-01-14 00:28.

مع ان عمرو ده ابن عمتي وصاحبي وحببيبي وكفاءه روحي والله هو يستاهل كل خير انه هيتجوز بنت بنت حلال زي الاستاذه المبجله رضوي
بالرفاء ةالبنين وفي انتظارمدونين مدونات صغيره ان شاء الله

reply

شكرا يا عمنا

Submitted by radwa osama (not verified) on Sat, 2007-01-13 21:51.

نص معلوماتك غير دقيقه ..الميعاد 28 -1 يوم الاحد ..طبعا ابقي فرحانه لو قبل كده والناس برضه ممكن يجوا علي دار الشرطه اللي في صلاح سالم جنب المشيخه الساعه 3 الظهر وهنبقي في الحديقة علي الساعه 4

reply

ألف مبروك

Submitted by عزت هلال (not verified) on Sun, 2007-01-21 20:52.

والله إنتو ولاد عسل - ألف مبروك لعمر عزت ورضوى أسامة

reply

Post new comment

The content of this field is kept private and will not be shown publicly.

tags in تصنيف شعبي

more tags

Who's online

There are currently 0 users and 5 guests online.

Syndicate

Syndicate content