The People vs Karim
Submitted by malek on Fri, 2007-03-02 00:45.
التدوينة التاليه تحتوي ألفاظ خادشة للحياء العام وغير مناسبة للأطفال دون السادسة عشر....
Tagged: الموكوس
• أخر
• أزهر
• إحترام
• إخوان
• إعتقال
• تعبير
• حرية
• حسني
• دين
• رأي
• شيخ
• عبدالكريم
• مبارك
التدوينة التاليه تحتوي ألفاظ خادشة للحياء العام وغير مناسبة للأطفال دون السادسة عشر....
تدوينتين في يوم واحد يوجعوا بس معلش
الشعب ضد لاري لفينت فيلم جيد بيحكي قصة واقعية عن إنتصار صاحب مجلة جنسية على المجتمع وعلى رموز المجتمع الدينية
كلمة جيدة جدا في اواخر الفيلم قال فيها لاري اجابة عن سؤال اتوجه له انه بيحارب من اجل ان يكون كيس قمامة مثله الحق في الحريه ودا بيعطي الحق للباقيين في نفس الحرية .
الجملة دي (انا مش فاكرها جيدا بس هو دا المعنى)اتقالت بعد ما راح للمحكمة العليا ضد أحد اكبر رموز الدين المسيحي في امريكا واللي لسه حي لحد دلؤتي بعد ما الراجل طلع على شاشة التلفاز وقال ان الايدز وكل المشاكل اللي بتحصل في امريكا نتيجة للفساد والفجور والابتعاد عن كلمة الله ,في نفس الوقت اللي ألثا زوجة لاري واللي هي كانت قبل كدا موديل جنسي في المجلة بتاعته ماتت بالإيدز.
دي مكنتش اول محاكمة بين الاثنين اول محاكمة كانت بينهم بسبب ان لاري نشر مقالة بيقول فيها ان كان فيه مسائل جنسيه او علاقةجنسية بين رجل الدين وامه .
لاري كسب القضية في المحكمة العليا لأنه تمسك بالتعديل الأول في الدستور واللي هو حرية التعبير .
محامي لاري ضرب بمثل ان جورج واشنطن احد الأباء المؤسسين في أمريكا اترسم عليه كاركاتير وهو بيعاشر حمار واتكتب عليه تعليق مش فاكره بالظبط.
القاضي قال انه ممكن يقبل الكاركاتير دا بس ميقدرش يقبل المقالة اللي اتقالت في ام رجل الدين .
كان رد المحامي ببساطه ان الحق في التعبير جزء لا يتجزء بغض النظر عن اي حاجه أخرى.
عبد الكريم
بالنسبة لي عبكريم بني أدم سئ جدا وكلماته بتحض ع العنصرية فعلا ومن حقي اني اشتم تلاته ميتينه وميتين ملته.
بس الطبيعي انه يتكلم ويشتم والأكثر طبيعيه اني اتكلم وأشتم أكتر من ميتين أهله ومن حق الناس المرهفه انها لا تسمع لي ولا تسمع لعبكريم .
عبكريم هو كيس قمامة المجتمع اللي فشل المجتمع فعلا في تركه لأول عربية زبالة تاخده وكان حيتاخد فعلا مع أقرب عربية زبالة.
بس لأن في الناس بتدعي انها أنضف خلق الله وبتغسل طيازها بالصابون يوميا ضمانا للطهاره وناس تانيه بتؤكد انها بتنضف طيازها بالصابون أكتر ونضافة إريال هي الدليل.
خرج لنا شيخ أزهر صاحب فتاوي مضروبه بيمجد الحاكم وبيلحس الجزم وبيبايع أحد كلاب العصر أميرا للمؤمنين وراح محول عبكريم اللي هو كيس زبالة للقضاء عشان ينضفه هو بدري بدري .
طبعا الإخوان هم طرف المعركه غير معلن بس الكل بيدور على صابونة الدين وعبكريم رمى الصابونة في البلاعة.
طنطاوي ممثل الصابون بكل أنواعه فتح المجلس بتاعه لمحاكمة نوال السعداوي عشان هي كمان مش بتستخدم الصابون في غسل طيزها المعفنه وبردو تعتبر بالنسبة لي من أكياس القمامة المترميه واللي الناس بتنساها وحتنساها ,بس إزاي لازم إتحاد الصابون يسبق قبل الإخوان او السلفيه او غيرهم ما يبدأو يشغلوا ماكينة ضرب الصابون .
بمعنى أدق اللي يفكر يزايد علينا نزايد عليه وهو في بطن أمه
مزايدة إستباقية يعني
عبكريم معرفش يلعب زي لاري معرفش يعلي صوته في المحكمه,معرفش يزعق ويقول انا هنا,معرفش يعمل اي حاجه مش لازم يكون جبنا من كريم على قد اننا معندنا التعديل الأول في الدستور ,....أسف احنا معندناش لامؤاخذة دستور احنا عندنا ورق تواليت بننضف بيه طيازنا
والنبي حد يوصي لي على شيخ أزهر ميكونش بيستعمل لاصابون ولا ورق تواليت
ياريته يكون من مستخدمي الماء الجاري أطهر وأبرك طبعا بس لازم ينشف طيزه كويس بعد مايخلص عشان الكلوت المبلول بيعمل حمو نيل
2762 reads
مفيش فايدة
والله يا ابنى مفيش فايدة ده ماحدش بيسئ للدين غير رجال الدين نفسهم لانهم ابعد ما يكون عن نبض المجتمع شيخ الازهر يقوللك انا معرفش حاجة عن التعديلات الدستورية والمفتى يقوللك عمليات الترقيع حلال ده لو قعدوا 10 سنين يتشطفوا بالصابون ولا هينضفوا لانهم 000ولا بلاش ليقولوا علينا كفرة"
"ربنا ولا تؤاخذنا بما فعل السفهاء منا
زبالتك يابلد
يابنى عبد الكريم مين اللى كيس زبالة ؟؟ دى البلد كلها كيس زبالة كبييييييييييييييير
بس مش لاقى الصندوق اللى يلمه
100 مدونة عن كيمو .. فين مدونات محمد خلف؟!!!
لأ وتلاقي كل اللي بيدافع عنه يقوللك أنا ما بدافعش عن فكره ... أنا بدافع عن حرية المبدأ ...
وكثيير جدا من العلمانيين أو اليسارين اللي دافعوا عنه قاللوا ألف حجة ...
الغريب دلوقتي ان احنا كل ما نسمع عن واحد بيشتم في الدين نلاقي بعدها موجة حارة من الدفاع عنه وعن رأيه .. وبعد يومين نلاقي إسمه ذكر في الكونجرس الأمريكي ... وبعد شوية اتحول من مغمور لمشهور ... ومن ضحيل الفكر لمثقف ومحلل....
أنا عاوز أسأل سؤال واحد.....
ليه ما شفناش الحملة الكبيييييرة أوي من المدونين اليسارين للدفاع عن محمد خلف .. مع إن محمد خلف اتسجن في قضية تشرف(رفض حماية السفارة)..بينما المدعوا كريم اتسجن في قضية تقرف( سب الدين الإسلامي).... فمين الأول بالدفاع عنه؟؟؟
ليه ما شفناش صور محمد خلف ... وحوارات مع محمد خلف... وموقع للدفاع عن محمد خلف ... من بعض اليسارين اللي فضلو يتباكوا على الحرية المفقودة عشان واحد سب الدين الإسلامي بينما لم نسمع لهم حس لهم في قضية محمد خلف؟؟؟!!
التصرفات بتاعت اليسارين دول بتفكرني بتصرفات بعض الغربيين لما يكون في نظرهم سب الإسلام حرية رأي ...بينما التشكيك في المحارق اليهودية معاداة للسامية.....
طب ما تعمل انت
طب ما تعمل انت او حد من القومجية او الإسلامجية حمله واللي عايز يشارك يشارك ؟
مش كدا احلى ما تقعد تخبط وتشتم وانت قاعد مبتعملش حاجه ؟
ماشي الحال؟
تاني!!!
لا أدري لماذا هذا التسابق من جانب الإسلاميين في الدفاع عن كريم عامر أو كما عرفته أنا بهذا الاسم (عبد الكريم سليمان) ..؟
هل ليقال أن الإسلاميين لا يفرقون بين احد في قضايا الحرية..؟!!
وأي حرية في هذا الأمر..
الولد يقبع خلف القضبان بحكم محكمة مدنية وهو مدني .. تطاول على ثوابت الإسلام بل وانكرها.. بل وسبها.. الذي يدعي أن الإسلام لا يفهم الحوار بدأ هو بسب الإسلام ولم يقبل منه شيئا..
انفصام غريب أجده في هذه الشخصيات المتخلفة....
وكما يقال ..
رمتني بدائها وانسلت
يا أيها السادة..
لكن ماذا نقول .. شاب سطحي الفكر وجد لنفسه مدونة ومساحة يفرغ فيها تخاريفه فلم يضيع الفرصة.. ورأى نفسه عظيما وهو يمثل الوضاعة بكل صورها..
قد يكون سبب اعتقاله وسجنه هو عيبه في صاحب الذات المصرية الفرعونية العلية (رئيس الجمهورية) .. فأنا أستبعد أن يكون سبب حبسه هو العيب في الذات الإلهية.. لأن سابقته في الدرب نوال السعدواي تحظى بالحرية .. وكل من يسب وتنتقص الدين ورجاله وعلمائه أحرار طلقاء.. نعم قد يكون هذا السبب الحقيقي في اعتقاله .. وذاك أغلب الظن..
لكن لا يمنع هذا أنه يستحق المحاكمة.. لأن السب جريمة.. حتى ضد المخالف.. لو وصف الإنسان حاكما بالمستبد .. نعتبر ذلك نقدا.. لكن يصفه بنقائص وشتائم .. فهذا سب ..
أيها الأفاضل دعكم منه .. فإنما هو مخرف.. (هذا ليس سبّاً -لكن واحدة بواحدة..نرد عن ربنا وديننا)
ودعوني أسألكم سؤالا يا من أزعجتم أنفسكم بهذا المخرف..
يا أيها السادة
في البلد من هم أكرم عندها من هذا الشخص.. بل ومن هم أنفع وأجدى..
ماذا يمثل عبد الكريم أو كريم هذا بالنسبة لمصر؟!!
ليس سوى طالب غبي لم يفهم ما استطاع أقل الطلاب عقلا في جامعة الأزهر فهمه.. ثم جعل فهمه وأوهامه معيارا وترمومترا يقيس به تقدم الأزهر وتخلفه .. وكذلك الإسلام أيضا.. لا أجد في هذا الشاب إلا مخرفا ظن نفسه مفكرا..
وكما قال أبو الطيب المتنبي
وكم من عائب قولا صحيحا .. وآفته من الفهم السقيم
ليس من مناصرة الحرية أن أقف خلف نبّاح صيّاح بالغرائب والعجائب..
معاك ومش معاك
والله يامان انا متفق معاك فى ان كريم ونوال مجرد اكياس قمامه -بس نوال ممكن تكون صندوق قمامه(دا راى الشخصى)
وراى ان الرد عليهم كان لازم يبقى بالحوار اللى كلن هيكشفهم ويوضح هشاشة وجهات نظرهم قدام الناس كلها
بس سبب القبض على كريم انه انتقض النظام يعنى ميتين ام الحكومه مغضبتش على شان اراه اللى انا شخصيا مبحترمهاش--لا دا علشان مش على مزاج النظام وبيتقد فى الراجل العجوز وولى العهد
الحاجه التانيه انا شايف ان انت جاى على الاخوان شويه--انا تعاملت مع الناس دى كتير --وبالرغم من انى مش منهم واحيانا بختلف معاهم بس بجد الناس دى مش وحشه زى ماانت فاكر
وتصبح على خير ياعزيزى
ومين قال ان
ومين قال ان الاخوان وحشين ؟
الإخوان بني أدمين عاديين جدا في منهم الكويس ومنهم الوحش طبعا
وليا فيهم أصحاب ياما وناس زي الفل ومافيش أي غبار عليهم
انا بتكلم على حاجه تانيه تماما الا وهي استغلال الدين والمفهوم الخاص بيهم للدين
من جواهم هما متأكدين انهم صح ومافيش أي شبهة خطأ للي بيعملوه ومبقولش ان أغلبيتهم منافقين بالعكس أقلية منهم اللي منافق والباقي مؤمن فعلا ومصدق كل كلمة بيقولها
بس انا شايف ان المنهج السياسي والديني بتاعهم زباله :)
ايه الأزمه هنا
بالظبط زي الليبراليين البراجماتيين انا شايف انهم اوسخ ناس مع انهم شايفين انهم أفتح خلق الله عقلا وتقدميه الخ
زي ما شايف ان الماركسين الستالينين والماوييييييييييييين والخضار الاحمر والأصفريييييين يروحوا يولعوا في نفسهم بالظبط
ونتا من أهله يا عزيزي
هو فيه ايه
عمري ماكنت اتخيل ان فيه ناس فكرها مقلوب بالشكل ده وبالطريقة دي
والاعجب انهم مصدقين نفسه
والاعجب منه ان فيه ناس مصدقينهم
===========================
يابني انت وهو - افهموا
ماتبقوش احد الادوات المستخدمة في هدم نفسكم وهدم بلد بحالها
يابني انت وهو
كل شيئ في الدنيا له شكل ومضمون
له اول وآخر
له بداية ونهاية
الحرية اللي انتم بتتكلموا عنها مش لبانة بتمضغوها وخلاص
الحرية دي :لها شكل ولها مضمون
الحرية لها بداية ونهاية
======================
العالم كله مليان ناس زيكم
عاشوا حياة تافهه - بيتكلموا بطريقة تافهه
بيناقشوا فروع تافهه
وعمرهم ماكان لهم أي تأثير في العالم، ولا لهم تأثير في بلدهم، ولا حارتهم ولا أهلهم ولا حتي نفسهم
بدل ماتناقشوا حرية التفاهه وحرية الكلام في التفاهه - والحقوق التافهه للانسان التافه
روحوا اتكلموا في حق نفسك علي نفسك
اتكلم عن حق اهلك عليك
بتحرق قلب امك عليك وتحرق قلب ابوك عليك وهم بيشوفوك بتكبر في الجسم - لكن تفكيرك زي ماهو
نفس أنانية الطفل
نفس بلاهة الطفول
نفس غباء واندفاع المراهقة
امتي هتبقي راجل وتشيل مسؤلية نفسك؟
امتي هتبقي راجل ؟
يا لهوي ... ده سؤال صعب اوي
=======================
خلصت كلامي
والباب مفتوح الان لكل واحد - يقدر يشتم زي ما هو عاوز
الحرية بتاعتكم تعطيكم الحق انكم تشتموني وتقولوا رجعي ومتخلف وحزب وطني
الحرية بتاعتكم - تمنعكم من التفكير في كلامي
روح اقراه من الاول - يمكن تفهم قصدي
تفهم؟ .... هاهاها دي تبقي مصيبة
يا عم مالك إنت
يا عم مالك إنت مفهمتش سؤالى
أنا كنت باسأل هل إنت بتحط ألفاظ خارجة فى مقالاتك عشان نفس الهدف العجيب بتاع الحاج لارى ده ؟
طبعا كيس قمامة مش لفظ خارج بس أنا شلته لأنى كنت بطبق كلام الحاج لارى على إستخدامك لألفاظ خارجة و حسيت إن الكلمة ممكن تبقى بايخة
و بالراحة علينا شوية ياعم
:)
معلش يااخوانا
معلش يااخوانا انا مفهمتش حاجه!!؟
لازم آخد درس خصوصي؟؟
تفتكر حد هيفهم ؟
تفتكر حد هيفهم ؟
تفتكر حد هيقدر ؟
ولا الكل هيقول كريم مجرد واحد ملحد إبن ستين كلب ؟
كل سنه وإنت طيب يازعيم
بغض النظر عن
بغض النظر عن كون كريم ايه
الفكرة اننا نفهم الناس ان كريم هو مجرد كيس القمامة اللي حيبدأو بيه
متفق معاك في المضمون
طبعاً انا متفق معاك في المضمون ولكن فيه بعض الناس عندها المساس بالتابوهات يودي السجن ويعتبر جريمة. لكن انا مختلف معاك في توصيفك لكريم و د. نوال السعداوي والباقي. كل واحد حر يختلف مع الباقي وده اللي بيدي المجتمع نكهة التنوع، المهم انه محدش يفرض رأيه على التانيين.
طبعا كل واحد حر
طبعا كل واحد حر ودا لا يمنع من وصفي لكريم والسعداوي انهم أكياس قمامة
مخدتش بالك من الاقتباس اللي اخدته عن التنين واللي بقول فيه اني مع الحرية مش مع الاحترام
في فرق بين حرية التعبير انك تقول كل اللي نفسك فيه واني انا احترمك ولو اخدت بالك حتلاقي ان اول ناس بيعملوا دا السياسيين
فالإسلاميين بيعتبروا الشيوعيين والعلمانيين والليبراليين كفره منحلين معندهم أخلاق فاسدين
والأخرين بيعتبروا شريحه كبيره من الإسلاميين متخلفين ورجعيين ومتزمتين وولاد كلب منافقين
عادي يعني :)
و المزايدة
و المزايدة الحقوقية برضه ليها صابونها
و أهو في الآخر كله بيرغي لا مؤاخذة
تحياتي
في فرق
أولا، أن المزايدة الحقوقية (لو كانت حقيقية) مش مفيدة لممارسها، لأنها وبال على دماغ ال بيعملها و ما بتحسنش صورته في مجتمعنا في الغالب _(زي ما أنت شايف)، يعني معافرة و عبئ، مش برستيج.
إلا إن كنت تقصد أنها مهنة و سبوبة و خلاص يعني، و دا موضوع تاني؛ موجود آه، لكن مش حد غلبان زي مالك مثلا، ناس ثانية من ال بتدفع من جيوبها على الليلة.
ثانيا، و هو الأهم:
أن المزايدة الحقوقية (بفرض وجودها) ما لهاش أضرار حقيقية. أقصى ضرر هو أن مجرم يبقى مطلق السراح و لا ينال عقابه. دا أفضل بكثير من أن واحد بريء يتعاقب.
أنا مش باتكلم عن عبكريم تحديدا، لكن لما الموضوع يكون متعلق بترويج الأفكار (سواء سيئة أو جيدة) فدا معناه أن واحد عنده فكرة كويسة ممكن يتعاقب بسبب أن فيه "إمكانية" أو "سابقة" أو "سلطة" تقدر تنفذ دا!
هل أنت فعلا تفضل تقبل أن واحد عنده فكرة كويسة أو نقد بناء أو حتى شتيمة في مكانها (زيك كدا) يتعاقب، عن أن واحد عبيط أو شتام يتساب طليق؟
مع مراعاة أن ال هيتساب طليق هنا مش مجرم حقيقي و لا هو خطر على الناس، لأنه في الحقيقة واحد بيقول كلام عبيط! (احنا مش بنتكلم عن الجرائم المادية، و لا حتى التحريض على الجرائم المادية)
وللا إيه؟
شوف المزايده
شوف المزايده بأي حاجه تانيه غير الدين بتبقى خفيفه
يعني في الاخر كل الحاجات التانيه وضعيه انما الدين فعند معظم الناس إلهي
فتخيل هل في مساواه بين اللي بيزايد بربنا واللي بيزايد بقانون ولا ورقة دستور فلورا؟
كلمة جيدة جدا
كلمة جيدة جدا في اواخر الفيلم قال فيها لاري اجابة عن سؤال اتوجه له انه بيحارب من اجل ان يكون * * مثله الحق في الحريه ودا بيعطي الحق للباقيين في نفس الحرية
هى دى نظريتك فى إقحام ألفاظ خارجة على مقالاتك يا مالك ؟
من غير زعل و حياة والدك
لا بزمتك وحياة
لا بزمتك وحياة والدك انت
كيس قمامة تم إعتباره ألفاظ خارجه ؟
وبعدين حتى لو انا كاتب تحذير ان محتوى التدوينه خارج وانت دخلت وقريت فدي غلطتك على أساس انك رجل حر راشد ولك حق الإختيار انك تقرى حاجه قبيحه ولا لا
وكونك إخترت فمتعتبش عليا
اننا
ينصر دينك يا مالك
دة حتى صابونهم مغشوش ورغوته زي اللي مضروبة فالمالح
المصيبة اننا معندناش التعديل الاول
والمشكلة ان حتى بعد رحيل الحاكم يا عالم مين هيمسك فحمامه بس الاكيد ان مش هينفع ننضف وراه ولا نشد السيفون لان الوساخة اللي بجد ماسكة الحاكم بالحمام باللي فيه
عندك حل تانى؟
للاسف مبعرفش استخدم الصابون كويس وورق التواليت الميه بتهريه يا ترى عندك حل تانى؟
للاسف عبد الكريم معرفش يلعب صح و علشان كده خسر اللعبه
و اعتقد ان ده هيكون ليه تاثير سلبى على حاجات كتيير
المسائله ملهاش علاقه لابالدين ولاباى حاجه تانيه الشعب ده اكتر شعب منافق شفته لانه بيسوأ سمعة دينه بنفسه وبعد كده يزعل لما حد يتكلم
انا مبقتش عارف افهم والاسوأ انى مبقتش عارف العب
الحل يا سادة في
الحل يا سادة في حموم الإنسان.
يخرب بيتك
يخرب بيتك يا مالك
التدوينه جامده جداااااا
ههههههههههه
معلش مقدرتش امسك نفسى من آخر سطر
Post new comment