نص الدعوه
الدعوه على موقع كفاية
يوم الاثنين فيه استفتاء على تعديل 34 مادة في الدستور المصري دستور بلدنا اللي بيقول البلد تمشي إزاي وبيحدد حق وواجب كل واحد فينا, التعديلات دي الحزب الوطني عملها بمعرفته .. تعديلات تفصيل على مقاس جمال بيه , عشان محدش يتكلم أو يعترض أو يطالب بحقه أو يرفع راسه , مش كدة وبس كلنا هنكون مهددين في الشارع وفي شغلنا وبيوتنا وأكل عيشنا .
تعديل المادة 179 بيدي الحق لأي أمين شرطة إنه يدخل بيتك ويفتشك ويراقبك ويراقب تيلفونك ويسجلك صوت وصورة ويحبسك وكل ده بمزاجه من غير إذن نيابة ولا دياولو وبعدين يوديك محكمة عسكرية لأنك إرهابي ؛ يعني مفيش حصانة لمحامي ولا صحفي ولا قاضي ؛ يعني مفيش عدل ولا صحافة ولا قانون , وكله بالدستور يا بيه !
أما بقى تعديل المادة 88 فده بيلغي الإشراف القضائي على الانتخابات ويسيبها للداخلية وبتوع " نعم نعم يا مبارك " يطلعوا النتيجة اللي هما عايزينها . التعديلات كمان هتمنع أي مستقل يترشح للرئاسة يعني انكتب علينا وعلى ولادنا رئيس من الحزب إياه لحد ما نموت , ورئيس الجمهورية بقى من حقه يحل مجلس الشعب من غيرحتى ما يستفتي الناس ؛ يعني احنا ننتخب مجلس شعب هو ييجي يحله من دماغة ويطلعلنا لسانه .
يعني من الآخر البلد هتبقى عزبة مبارك وولده , واحنا عبيد وأنفار عندهم مالناش حقوق وكتّر خير ناظر العزبة إنه سايبنا قاعدين .
احنا بقالنا كتير بنتكلم عن الحرية والديمقراطية وحقوق الإنسان والشفافية وتداول السلطة والنهب والفساد والقطارات والعبارات والسرطان والعنوسة والبطالة والفقر والجهل والمرض و عندنا استعداد نفضل نتكلم ونحاول تاني وتالت , بس التعديلات دي هتحرمنا حتى من أبسط حقوقنا كبني آدميين وهو حق الكلام والتعبير, الموضوع مش المعارضة والناس بتوع السياسة بس , الموضوع هيضرنا كلنا , أي حد هيفتح بقه دلوقتي ممكن يبقى إرهابي مفيش حرمة ليه ولا لبيته وعرضه وحريته وكرامته , من حقنا نكون زي كل شعوب الدنيا اللي واخدة حقها والحكام بيشتغلوا موظفين عندها , من حق ولادنا يعيشوا في مصر أحسن من اللي احنا عشنا فيها , كل واحد فينا هيجيله يوم يسأل نفسه أو ولاده هيسألوه كان فين يوم ما البلد اتباعت وبقت تكية لمبارك والعصابة اللي معاه ؟!
دي آخر فرصة نتكلم واحنا لسة بني آدمين نرفض الاستعباد والذل اللي عايزينا نعيش فيه , يمكن تكون دي آخر مرة نقدر ننزل الشارع فيها نعبر عن رأينا ما هو بعد كدة اللي هيتكلم هيبقى إرهابي .
يوم الأحد 25\3 الساعة 6 هنكون كلنا في ميدان التحرير , كل الأحزاب والتيارات والاتجاهات , رجالة وستات , ولاد وبنات , هنبات ليلة في الشارع نقول كلمتنا ونوصل صوتنا ونبقى عملنا جزء من اللي علينا قدام نفسنا وولادنا وقدام ربنا , مهما يعملوا هننزل الشارع ومش هنخاف ومش حنسيب بلدنا عشان احنا أصحابها .
بالمناسبة
فقط ارجو ان يتم الرد على و الا يتم تجاهلى كل مرة و ان يكون هناك تواصل اكثر بين المشاركين هنا فى المدونة
و لو كان ممكنا اذا اراد احد مخاطبتى على ايميلى حتى لا يضيع الرد هو
livefighting4yourhonor@yahoo.com
مجرد اقتراح
اقترح ان نعقد هنا فى المدونة و فى المدونات الاخرى المماثلة و مواقع كفاية و ما شابهها ان نعقد استفتاء عكسى يعنى ان توضع استمارة فى اسرع وقت وتتصدر الصفحة الرئيسية فى كل المدونات و المواقع السالف الاشارة لها و تضم هذه الاستمارة البيانات الشخصية و الافادة الصريحة برفض مالىء الاستمارة للتعديلات غيرالدستورية اياها ثم ننشر نتيجة هذا الاستفتاء على المدونات و المواقع التى ذكرتها سالفا و ايضا نخاطب بها اى نرسلها لموقع و قناة الجزيرة مثلا و برامج الفضائيات الموضوعية لتنشر نتيجة هذا الاستفتاء العكسى و اذا طعن او شكك احد فى عدم مصداقية هذا الاستفتاء فلنواجههم بان فلتفحصوا عينات عشوائية من الاستمارات و بيانات اصحابها لتتأكدوا من صحتها انا جادة و ارجو الا تتجاهلوا هذا المقترح فقد يكون محاولة جيدة و قد تثمر
من فضلكم
انا لست من المدونين و لا من اعضاء كفاية و لا غيرها و لكن ان شاء الله سأتواجد فى مكان فى التوقيت
و لكن ارجو ان يجيبنى احد
هل بشكل عام عندما يكون هناك دعوة لموقف هل يكون المقصود بها و المدعو لها اعضاء الاحزاب و الحركات المعارضة و المدونون ام هى للجميع لكل مصرى و مصرية الا يكفى اننا لنا نفس دماء مصر لنشارك عموما لن يمنعنى هذا عن المشاركة انا مصرية مثل الاخرين و لن اساوم على مصر و لن ابيعها و لكن ارجو الرد و الا تتجاهلونى
الاعتصام
الاعتصام .......................................... فاشل لا محالة
المعتصمين .......................................... هيطلع عين اهلهم
مين فين ما سمعش
مين فين ما سمعش ان فى تعديلات دستورية؟
لكن ....محدش اهتم ..!؟
ليه يا عم ....؟
اصلى ماهى خربانه ...خربانه
طب خد عندك
هى مش خربانه وبس
هى هتبقي معتقل كبير
ولا تقولى جوانتانامو ولا حتى ابو غريب
تعال نحسبها سوي...ونشوف التعديلات بتقول ايه
وسيبك من المادة التانية اللى قعدوا شغلونا بيها علشان
ما تخدش بالك بالخوزك التانية
معلش استحملنا اصلى طهقان
بص يا عم ...المادة 24 و 25 اتعدلوا
يعني ايه ؟
إلغاء الدعم عن السلع والخدمات
طب يلغوها ليه والضرايب اللى بندفعها
يا عم اسالهم هما مش عدلوا الدستور وانت هتوافق هتوافق
وخد عندك....؟
ايه تانى
قانون الطوارى اللى بقلنا اكتر من 25 سنة مستنينا يلغوه
وخصوصا اننا مش فى حالة حرب وسمن على عسل مع اسرائيل
ماله هو كمان
حط مكانه قانون الارهاب يعني هيفتشوك بالدستور وهيدخلوا بيتك وهيوقفوك بالدستور وكمان هيدوك على قفاك بالدستور ..والعملية هتبقى شرعية ما هو ده الدستور اللى حضرتك استفتيت عليه
ولو شغال فى الحكومة او فى شغل خاص
الدولة ظبطتك
ازاى
بالمادة رقم 37 و65
التعاقد السنوى وسلطة الفصل المباشر
اللى من خلالها يمكن فصلك لو قلت ان
فيه فساد او
اعترض على رشوة وهتبقى فى الشارع ياحلو او تسكت وتبقي بعقد وحياتك مش هقولك كف عفريت لان العفريت ممكن يرحمك على كف مديرك اللى ممكن يخليك فى الشارع
والدولة مالهاش دعوه بيك
ليه؟
عن طريق المادة رقم 39 و
73
إعفاء الدولة من أى إلتزام نحو العاطلين
اما اذا كنت مش مصدق ان فى عملية توريث فصدق ولو عاوز تتاكد فاقرا المادة رقم 76
وساعاتها هتنتحر او ممكن تموت بالسكتة القلبية قبل ماتنتحر وتغضب
ربك
اما المادة 77 فهى المصيبة الكبري وهى اى واحد هيجي يحكمك مش هيسيب الحكم قبل مايخلص عليك او انت اللى هتخلص عليه
وللعلم فى كل دساتير العالم هذه المادة تنص على ان الرئيس يظل فى الحكم لمادة فترتين فقط
الا الدستور المصري
الرئيس يظل فى الحكم الى الابد
اللى خايف منه انهم يعدلوها ويخلو الرئيس يظل فى الحكم حتى بعد مايموت
اما اذا كنت مصري مسلم فيطلعوا عينك
انت تبع مين وجماعة ايه لو نسيت تحلق دقنك الصبح وانت ماشي او لقوا فى جيبك سواك وانت حالق دقنك حد
او
اما لو كنت ممن يامل فى تعليم مجانا وعلاج مدعم ومن المعدومين زى حالتنا
فانسه .... يا بابا
الكلام ده كان زمان
المادة 108 المعدلة لاغيتلك كل ده
لتقلص الدعم لهذه الخدمات والدفع لعمل كيانات بديلة إستثمارية .
وجابتلك رجال الاعمال اللي هيموسه دمك ويمكن تبيع عليهم الشقة والفرش ويمكن اعضاءك كمان
- اما السياسة فخلاص خلصت اللعبة انت دلوقتى هتبقى متفرج حتى لو وصلت لدرجة محترمة من التعليم
لان المادة 5 و76
قفلتلك كل ده
وقصرت المشاركة على احزاب البطيخ والطربوش
على فكرة التعديلات كتيرة
لكن ان اتخنقت واحبط من شكلها
اللى عاوز اعرفه دلوقتى
هل الشعب المصري فيه رجالة هيقولوا ....لالالالالالالا
الكلام ده اللى هنشوفه يوم الاستفتاء
وخلى بالك لو مقولتش ( لا ) دلوقتى
مش هتعرف تقول( لا) طول حياتك
حمد على
حمد على السلامةيا شهيد مالك وكفارة يا اسد 30 فبراير
ابقى خلى بالك من نفسك المرة الجاية
انا بس كنت عايزة لان اول مرة اشارك فى انتخابات اواستفتاء وانت اكيد خبرة.....ولا ايه؟
ينفع اشارك لو انا مواليد 1986و عشرين سنة ولا لازم واحد وعشرين؟ ولازم اشارك من دائرتى الانتخابية ولا ممكن اى دايرة اخرى قريبة من عملى او كليتى مثلا؟
وممكن بالبطاقة الشخصية بس ولا لازم بطاقة انتخابية؟
واعرف منين دائرتى الانتخابيةفين؟
انا اعرف ان الاسئلة كتير وكلها اجبارى مافيش اختيارى بس معلهش العشم فيك -
ومعلهش بردة اول مرة لينا وبجد عايزين نشارك
تقدر تشارك
أظن مواليد 1986 ممكن يشاركوا ببطاقة الرقم القومى، و الدايره بتاعتك إيه؟ مش عارف بقى اللى طلعت منها البطاقه ولا اللى إتولدت فيها.
أضم صوتي
لصوتكم
بس المشكلة أنني رافض للدستور من أساسه
الا عتصام
ياريت يامالك توضح لو نقدر نجيب حاجة يومها زي قبل كدة في التضامن مع القضاة
حدش شاف يا خلق
حدش شاف التعديل الدستورى عند الحاج أبو جمال
مفيش أطعم من كده ولا حلى من كده
اقرا نص التعديلات المقترحة
Post new comment