[تابع الموضوع السابق"طارق كامل متاّمر وأهبل" | http://malek-x.net/node/370 ]
إمبارح صديق ليا كلمني وعاتبني على اني بفتي على الفاضي وان اسعار النت في مصر مش غاليه الخ واني بهول
طبعا الأول احب اوضح اني بعترف ان النت اسعاره مش حتغلى عشان كدا قلت في التدوينه السابقه ان طارق كامل متاّمر وأهبل ,بسبب تصريحاته طول السنه اللي فاتت ان النت حيرخص الخ وفجأه ضحك على دقوننا بموضوع انه قسم سرعة الـ256 لجزء غير محدود ودا سعره زي ماهو دلؤت 95 وجزء محدود التنزيل ودا ب45 ولك 2 جيجا .
دا رابط عن [ أسعار الدي أس ال في أغلب دول العالم | http://en.wikipedia.org/wiki/Broadband_Internet_access_worldwide]
عشان بس نعمل قاعدة بيانات محترمه ونعرف الناس اننا بيتنصب علينا
انا ححط لنكات لأسعار الخدمات في قارات العالم المختلفه وحنتقي كام مثال مشابه لحالتنا الإقتصادية
وحنحول العمله عن طريق [الموقع التالي | http://www.xe.com]
حناخد مثل[كوستاريكا |
http://en.wikipedia.org/wiki/Broadband_Internet_access_in_the_Americas#Costa_Rica]
حنلاقي ان الاأسعار هناك
Home Basic 256/128 kB/s 19
Home Medium 512/256 kB/s 25
Home Premium 1024/512 kB/s 38
Home Premium Plus 2048/768 kB/s 62
SMB Basic 1536/768 kB/s 72
SMB Medium 2048/768 kB/s 91
SMB Premium 4096/768 kB/s 169
اه ياريت تاخدو بالكم من حاجه
اولا السرعة هناك زي مانتوا شايفين 1/2عندنا هنا 1/4يعني السرعة هنا بداية من 256 ضعف عندنا
وبكام في الشهر ؟ بـ19 دولار يعني 19×5,60=107 جنيه مصري وضعف السرعه
ناخد دولة تانيه مضروبة بالنار في أوروبا
[جمهوية التشيك| http://en.wikipedia.org/wiki/Broadband_Internet_access_in_Europe#Czech_Republic]
* 1024/256, no limit, 1:40 - ~€24
* 2048/256, no limit, 1:40 - ~€35
* 4096/384, no limit, 1:40 - ~€64
الواحد ميجا يابشر بـ24 يورو يعني
24.00 EUR=188.060 EGP
عندنا هنا في مصر بـ360 جنيه
ناخد دولة جمبينا في أفريقيا المغرب مثلا
* Menara ADSL 256 kbit/s (around €18)
* Menara ADSL 512 kbit/s (around €27)
* Menara ADSL 1 Mbit/s (around €36)
* Menara ADSL 2 Mbit/s (around €45.50)
* Menara ADSL 4 Mbit/s (around €63.50)
* Menara ADSL2+ 8 Mbit/s (around €82)
* Menara ADSL2+ 20 Mbit/s (around €91)
الـ1ميجا=36.00 EUR=282.121 EGP
طبعا في الرابط الأولاني ممكن تتابعوا الأسعار في كل دول العالم الباقيه ,حتلاقوا بردو اننا من الدول الغالية جدا في الأسعار .
طبعا البعض حيقولك قارن الأسعار بمستوى المعيشة الموضوع بسيط جدا
في دول اوروبا بيطلع دينهم في دفع ضرائب بنت كلب ,بس بيلاقوا قدامها تأمين صحي عظيم,تعليم عالي جدا,شبكة مواصلات محترمه,تأمين إجتماعي وبدلات بطاله الخ فوق الوصف.
فلو كانت دول اوروبا الشماليه"اللي انا مضربتش بيها المثل هنا واللي طبعا اسعارها مش ممكن نحلم بيها"رخيصه بس الضرائب غاليه لكن هما بيلاقوا مقابل اللي بيدفعوه,وعامة انا مضربتش امثله غير بدول قريبه مننا .
فعليا كدا انا مش بفتي في اللي انا مبفهمش فيه وانا كدا اعتقد مش حمار .واحنا فعليا بنتنهب من شركات مستغله ووزير بيستعبط على امنا ,وقطاع الإتصالات قطاع ابن جزمه زيه زي اي حاجه تانيه في البلد.
20 m يا رجاله !!!!!!
* Menara ADSL2+ 20 Mbit/s (around €91)
هوا دى امتى حيصلنا ؟؟؟؟!!
والله ياجماعه
والله ياجماعه انا كنت عندك الشركه اللى انا واخد الخط منها انهارده والسيد مدير الشركه اكد ان القرار الجديد فى مصلحتهم علشان المكسب اكتر وبعد نقاش طويل حاول يقنعنى ان الشركات الكبيره بتخسر من النظام القديم وان النظام الجديد افيد ليهم ولينا احنا كمان ولكنى هددته ان القرار لو ماتلغاش انا هألغى النت فورا وكمان النظام الجديد او التعديل بالقرار والذى يطبق فقط على المستخدم الجديد ده بيخليك تحت رحمه الشركه لأنك ماتقدرش تسيبهم وتروح شركه تانيه لأنك بمنتهى البساطه هتكون مشترك جديد ويقولك اصل القرار بيقول انك تحدد الداونلود وبعد كده يخرب بيتك فى الفلوس اللى هتدفعها وكله فى مصلحتهم .......
ياجماعه لازم القرار والتعديل بتاعه لازم لازم يتلغى من اصله واللى عرفته ان اللى ورا الموضوع ده كله شركات النت علشان المكسب يزيد واوعى حد يوافق على وجود النت عنده لو القرار ماتلغاش...
وشكرا......
ايميلات هامه جدا ارجو اضافتها
الرئيس حسنى مبارك
support@mubarak2005.com
مجلس الشورى
saic12@idsc.net.eg
حزب الوفد
info@alwafdparty.com
الحل موجود بس مكلف
الحل ان كل عشرين واحد يجمعوا مع بعض ويجيبوا خط انترنت اتنين جيجا عن طريق القمر الصناعي ويوزعوه على بعض شبكة برضه ونزود الوصلات وعيش يا عم طارق مع نفسك أو حل تانى افضل نشوف حد من الجماعة المدونين اللى زي مالك بس يكونوا وارثين ويعملوا لنا شركة او حتى كام واحد ويعملوا شركة فيها لأخفيها لخدمات الترترنت والشهر بخمسن جنية واللى مش عاجبه يمشي
على فكرة
على فكرة الموضوع مش محتاج لا مالك ولا غيره
احسبها بسرعه كدا
انتا لو في حدود 80 متر قدرت تجمع 15 بني ادم ,فبكده ممكن تعمل شبكة بسرعة 2ميجا مقابل ان كل واحد يدفعل حاجه بتاعة 40 جنيه,وزود عليهم اول شهر 40 تانيين تمن الكابلات والراوتر والسويتشات الخ.
لو انت مهتم على شهر 9 اللي جاي حنكون طورنا فكرة موجوده فعلا في العالم عن استخدام الوايرليس بأسعار زهيدة وبخامات مجانية .
"لو دا خلص فعلا ممكن تلاقي جلسه عن دا في احتفالية تنصيب اللينكس اللي حيعملها اعضاء مجموعة لينكس مصر [التفاصيل هنا | http://www.eglug.org/node/2794 ]
لا فكرة ذكية صحيح صحيح يعني... ما شاء الله
ايه الدماغ دي؟ أبوسك؟ و الله أبوسك
أولاً الكلام بتاع الشعب اللي اتعود ياخد على قفاه و الاختيارات المحدودة، و مش هنقدر نعمل حاجة ده ما اسموش واقعية... بطلوا بقى تسموا الحاجات بغير أساميها
ده اسمه إهمال، و تسيب، و سلبية، و احتقار للذات
ثانيا بقى بالنسبة للفكرة النااااااااار بتاعتك
شركة إيه الصغيرة اللي هنحولها؟ ماهو كل الشركات الصغيرة بتاخد من شركتين كبار معروفين، و كلنا تحت شبكتهم الكبيرة. إحنا هنضحك على روحنا ليه
و بافتراض إنه فيه شركة صغيرة واخدة شبكة منفردة لوحدها، يا ترى الشركة دي هيبقى عندها البنية التحتية اللي تشيل كل مستخدمي مصر مرة واحدة؟
و السؤال الأكثر أهمية، لما الشركة دي تبقى الشركة الوحيدة اللي واقفة قصاد الحكومة و حيتان السوق، تفتكر هتصمد قد إيه لزغرة و لا زغرتين من الحكومة؟
اللي هيحصل إنه بعد ما كلنا نبقى ع الشبكة اللي حضرتك بتقول عليها، هتقوم الحكومة جاية مصادراها.. يا حلاوتك
أحب أهدي أخبار النهاردة الطاااااازة لسعادتك علشان تعرف إن اللي كنا بنعمله و اللي لسة هنعمله مش شوية، و عشان تبطل تستقل بنفسك و باللي حواليك
يا أستاذ احمد حضرتك مش شوية، لازم يبقى عندك ثقة في نفسك أكتر من كده
هو بس في اخمس
هو بس في اخمس شركات كبار مش اتنين
ياعم
احنا معملناش حاجه,ابوس ايديك ركز معايا شويه
انا من اول تدوينة قابل ان الراجل وحاطط رابط تصريحاته مقالش انه حيخلي النت كله محدود الراجل قال حيبقى فيه اختيارات.
انا اعتراضي ان دي لعبه عشان في النهاية يثبتوا السعر ويخلوا الناس تاخد موقف من الشبكات الخ
والنبي والنبي ركزوا شوية انا تعبت
عندي فكرة ذكية
عندي فكرة ذكية لكن غبية في نفس الوقت..
قبل ما اتكلم عنها, احب اوضح ان خياراتنا بالنسبة للوضع ده محدودة جدا, وتاثير اي واحد من هنا يكاد يكون معدود..ده اذا كان فيه خيارات من الاصل !!
انا في رد تاني قلت ان مش هينهي الموضوع الا نزول شركة جديدة منافسة..تعمل للشركات قلق..وترغمهم ينزلو الاسعار.. زي ما حصل مع الاتصالات والشركات التانية..لكن دي حاجة مش بايدنا..وممكن تحصل وممكن لا..وغالبا لا (ممكن فعلا شركة تانية تنزل, بس تمشي على نفس نظام النهب بتاعهم)
اللي بايدنا..او اللي احنا عايزينه ان احنا نخلق وضع مشابه بس بدون ما نعتمد على شركة تانية ولا الكلام ده..
الفكرة في ان اغلب مستخدمين النت على قدر المستطاع يحولو لشركة واحدة من الشركات الموجودة باتفاق مسبق.. سواء صغيرة او كبيرة ويفضل لو شركة صغيرة.. وده هيعمل ايه ؟
هيعمل قلق لباقي الشركات التانية الموجودة, قاعدة عملاؤهم هتبدا تنهار.. هيحسو ان الناس بتقاطع موضوع ال DSL خلاص في حين انهم بيحولو لشركة تانية مش اكتر (لان حوار ان نكنسل الاشتراكات ده بنضحك على نفسنا بيه ومستحيل يحصل).. صحيح ان ده هيرجع بفايدة كبيرة على الشركة اللي هنحولها..بس وماله ! المهم حققنا هدفنا !! الشركات الوقتي كلها على كلمة واحدة ومش عايزين ينزلو الاسعار! الحوار ده هيعمل قلق بينهم وهيخلي كل شركة تبص لمصلحتها بشكل فردي وهيخلق منافسة وساعتها بس ممكن نشوف التغيير..
عايز اكرر ان حوار ان عدد كبير من الناس يكنسلو الكونكشن.. عمرو ما هيحصل.. وتاثيره هيكون هامشي جدا !الناس صحيح مش هتكون راضية لكن هتتاقلم مع الوقت..
وبيتهيالي شعبنا اثبت انه بيرضى انه ياخد عل قفاه...صحيح بيصوت في الاول كدة ويعمل حبة قلق..بس بعدها بياخد الموضوع كانه من مسلمات الحياة وبيرضى بالوضع ..وده اللي مخلي الشركات تتكلم بقلب جامد "ورونا هتعملو ايه يا ولاد الكلب!!! هتتحطو قدام الامر الواقع, غصبن عنكم هترضو بيه..لان مفيش بديل .. هتبطلو نت مثلا؟ مستحيل!"
انتهت الفكرة الغبية..
أنا مش عارف أيه
أنا مش عارف أيه دخل أبو سفيان في الموضوع ،
ده صحابي من أصحاب النبي صلى الله عليه وسلم
ربنا يهديك يا مالك
شوفتوا المناورة دي؟
البيه بيحاول يلف حوالين الغضب الشعبي و المطالب العادلة بتاعتنا
لغى نظام الساعات بس سايب نظام الداونلوود المحدود، بس يظهر إنه الموضوع هيبقى شريحة و احتمال ما يتعممش. على العموم التفاصيل المتضاربة كلها على صفحتى
طلب من مالك
اذا سمحت انا هاخد رابط المقارنات واضعه فى مواقع أخرى للعلم بما يحدث
ألف شكر
لا يا علاء ما بيفتيش
شوف يا سيد علاء المسألة ببساطة إنه فيه قرار جديد بيعمم خدمة معينة و ثابتة و سيئة جداً على جميع الشرائح المستخدمة للنت، و بسعر مبالغ فيه جداً، و بيكرس نظام الوصلة و احتكار سوق الإنترنت في مصر
و الأسعار فعلا المفروض إنها ترخص لأننا دلوقتي اقتصاد سوق مفتوح، و المفروض فيها تنافسية من مستثمرين و شركات عاوزة تستحوذ على عملاء أكتر و تغطي أكتر... زي الموبايل كده
عامة التفاصيل كلها بقت مالية المدونات، و بتصريحات البيه ذات نفسه، اعتقد انك مش هتلاقي أي مشكلة في استيعاب الموضوع لو قعدت و قريت كويس كده الكلام اللي هوه قاله، أو لو نزلت سألت في الشركة اللي بتقدملك الخدمة زي مانا عملت
خدمة الرد فائق السرعة
شوفتوا الحلاوة؟ البيه طلع على القاهرة اليوم و بيتنح في الكلام و بيقول انه هيمشي اللي في دماغه
الجميل بقى انه عمرو أديب ما سابوش.. و اداهومله على خفيف
و الأجمل انه المعارضة بتاعتنا خدت شعبية أكتر
و دلوقتي بقى لازم نرد على تناحة البيه
و الرد هيبقى بطلبات إلغاء الخطوط اللي هنقدمها كلنا يوم الأحد 29 يوليو و نطلب تفعيلها على أول سبتمبر.. علشان نوريهم إننا جادين جداً
يللا يا رجالة
لا أنت بتفتي
لا أنت بتفتي مينفعش تحدد السعر عالي و لا لأ بأنك فقط تبص على فيه كام دولة الأسعار عندها أحسن من عندنا.
أولا فيه دول كثير الأسعار عندها مشابهة لعندنا أو أعلى، ثانيا أسعار حاجات كثير عندنا أقل بكثير من المتوسط العالمي و ده في حد ذاته لا يعني أننا المفروض نعلي الأسعار ولا ان باقي العالم المفروض ينزل الأسعار.
معرفش منين جايبين الثقة المطلقة في أن الأسعار المفروض تكون ارخص. عشان تقدر تحدد السعر مبالغ فيه ولا لأ لازم تعرف تفاصيل كثيرة جدا عن طبيعة السوق و البنية التحتية و التكاليف مظنش أن أي حد فينا عارفها. عشان كده كلامك فتي
القرار اللي أنتم عاملين عليه الدوشة دي أنا شخصيا مش فاهمه و مش حاسس أن أي حد من اللي اتكلموا فاهمه بجد و بالتالي مقدرش أقدر نتائجه هتكون عامله ازاي و أفضل ندور على معلومات أكثر أو نستني قبل ما يتاخد ردود أفعال.
الحاجة الوحيدة اللي انا متأكد منها هي مسألة محاربة الوصلة، دي اللي واضح تماما بالنسبة لي أنها خطأ كبير و تستاهل أننا نتخانق عليها.
لا ياعم انا مش
لا ياعم انا مش بقتي
انا بصيت على اغلب الدول اللي في القائمة وجبت الدولة اللي حالتها الاقتصادية شبيهه لنا زي كوستاريكا والمغرب
انا مجبتش لا انجلترا ولا فرنسا ولا كندا ولا امريكا ولا المانيا ولا فنلندا ولا اي دولة من الدول اللي الفروق بيننا وبينهم جباره
انا مش بفتي عشان اغلب الدول فعليا أسعارها ارخص من اسعارنا بمراحل
حاجات ايه عندنا ارخص من برا ؟
حنقول ان فنلندا ودول الشمال بيدفعوا ضرائب بدينهم؟مابياخدوا مقابل رعاية صحية محترمه جدا وتعليم ممتاز وضمان اجتماعي رائع ؟
معلش حنقول ان بريطانيا اسعار مواصلتها اغلى ؟والشقق في لندن مافيش زيها في العالم ؟
ما في مزايا الواحد ممكن يغمى عليه لما بيسمع عنها وبردو من رعاية صحيه وضمان الخ
احنا عندنا ارخص في اللحمة المضروبه بالنار ؟ ولا الأكل اللي نصه مسرطن ؟ ولا التعليم اللي مافيش حد بيستفاد منه ؟
معلش ايه الأرخص ؟
جزئية البنية التحتيه ...معلش انا اعرف بنيتي التحتيه بجد بجد منين ؟
يعني هل احنا عندنا الشفافية الكافية اننا نفهم دا ؟ او نعرف دا ؟ مانتا فاهم كويس اوي ان مافيش شفافية عندنا خالص في مصر يبقى اروح لمين معلش عشان احكم؟
بعدين ماهما اهو بيقولولك الوصله مش شرعية وعايزين الناس كلها تركب دي اس ال يبقى عندهم بنية تحتيه كويسه ,ماليش انا دعوة ان كان مافيش او في هما بيقولوا كدا وانا معنديش وسيلة لا أثبت ولا انفي ,فحتعامل على كلامهم يبقى احنا عندنا بنية تحتيها كويسه يبقى من حقنا الاسعار تتساوى بالعالم الللي حوالينا
ياراجل دي الدومانيك وكوستاريكا ارخص مننا حتقولي بنية تحتيه ؟
انا مش معترض على القرار وقلت دا قبل كدا ,انا معترض على الإستهبال انهم يضحكوا على دقوننا ويقولوا انهم رخصوا وهما ولا رخصوا ولا نيله "وفي نفس الوقت بردو مغلوش"
ملهاش علاقة
ملهاش علاقة بالضرائب ولا بالكلام ده كله
فعليا ايجار الشقق و البنزين و السجائر و كثير من المواد الغذائية و الكتب و الكهرباء و المياه و الغاز الطبيعي عندنا أرخص من بلاد كثير جدا (من كل البلاد اللي زرتها بلا استثناء).
ده معناه ايه؟ نعلى أسعار الحاجات دي و لا هما اللي يرخصوها؟
عشان تعرف السعر عالي ولا لأ لازم تعرف تفاصيل عن ربحية الشركات و آلية تمويل البنية التحتية و معدلات اتساع السوق و مقدار القيود على فتح شركات جديدة في المجال، الخ.
أنت متعرفش ده كله و بالتالي بتفتي
ثانيا عشان تقارن ما بين السعر في بلدين متبصش فقط على السعر دلوقتي، بص على حركته، أسعار الحاجات المرتبطة بالنت متغيرة بشدة، أهم مقارنة ممكن تتعمل هي مقارنة شكل منحنى السعر، يعني لو السعر في المغرب أقل لكن معدلات انخفاضه أقل يبقى عندنا أحسن. لو السعر في جنوب أفريقيا أقل لكن معدلات انخفاضه أعلى يبقى عندهم أحسن الخ.
ثانيا المعلومات المتاحة ليك عن الأسعار غير كاملة، يعني هل السعر بتاع المغرب ده متاح بنفس درجة التغطية بتاعت مصر؟ ولا أحسن ولا أوحش؟
أنا لما بقول أن فيه أسعار عندنا أرخص ده مش معناه أن عندنا أحلى، ده مجرد اشارة لأن مينفعش تعمل مقارنة بالشكل ده، طبائع الأسواق المختلفة بتفرض أسعار مختلفة و عشان نتناقش في سعر السلعة أو الخدمة الفلانية لازم نعرف تفاصيل أكثر من كده بكثير.
و متكلمش عن أعرف منين من غير ما تبذل مجهود الأول. فيه معلومات متاحة عن كثير عن قطاع الاتصالات.
لاحظ أني مبقولش السعر أرخص أو أغلى من باقي الدنيا. بقول أني معرفش.
أعرف أني أحب السعر يكون أرخص، أعرف أنه ما دام الوصلة نافع تكون أرخص يبقى ينفع الاشتراك الأساسي يكون أرخص الخ.
و الأهم بمراحل من السعر دلوقتي هو انتشار الخدمة. الموبايلات بدأت غالية جدا و لا تزال مقارنة بالتليفون الأرضي غالية مع ذلك كل يوم في مئات الخطوط بتتباع و الشاب اللي مرتبه 300 جنيه احتمال كبير يكون عنده موبايل رغم التكلفة الكبيرة.
السعر مش كل حاجة. مشلكة النت في مصر هو أنه مش متاح للجميع بسبب البنية و سعره متحدد بسياسة الدولة مش متساب للمنافسة تحركه.
مشكلة محاربة الوصلة أنه بيقضي على أسهل و أرخص حل لمشكلة عدم الانتشار و بيقلل المنافسة.
عموما استمر في الفتي عادي
الكلام مظبوط
يا عم علاء ، مالك بيقول الاسعار غالية هنا ، و دي حقيقة ، و مسألة المتوسط العالمي دي مثيرة للجدل ، أنا في أوروبا كنت باصرف ٣٥ يورو في اليوم أكل و شرب و انتقالات ، ممكن أوفر عن كده صحيح ، بس مش بذخ بردو
معناه إن سعر ١٩ يورو للنت هناك ، دي مش فلوس أصلا
يعني قريبة من القيمة الشرائية للـ ٢٠ جنيه عندنا أو أعلا شوية
اللي قصدي أقوله ، إن سعر العالم مش هو المقياس ، الفكرة إنها غالية في مصر فعلا للناس العادية ، إللي بيكسب هناك ٥٠٠ يورو في الشهر - و ده رقم مضحك عندهم - ممكن يجيب النت في بيته ، لكن عندنا اللي بيكسب ٥٠٠ جنيه مستحيل يجيبه
و لازلت شايف ان الموضوع هدفه الأكبر - غير مجاملة البروڤايدرز - حصر استخدام النت ، و تقنينها في المراسلات و الإيميلات
عشان ماحدش يعصي ربنا و يلف ع المدونات ، أو يحمل و يتفرج ع اليوتيوب
و ارجع و اسأل ، الوصلة غلط على مين؟ على الشركات العملاقة؟ و لا ع الحكومة؟
الحكومة المفروض ترعى المواطن ضد الشركات الاحتكارية ، مش العكس
هما طابخينها معاهم يا علاء
و معاك حق ، البيان مش واضح نهائي
فاكرين موبينيل وكليك
يا جماعه
انا كلل ما اكلم واحد يقولي مش هتقدروا تعلمو حاجه. يعني اخركوا ايه !!
انا عندي مثال بسيط
فاكرين دقيقة الموبايل كانت بكام وبقت بكام !!
فاكرين لما موبينيل وكليك عملو موضوع شهرين سماح بس والناس كلها قلبت عليهم
بعد اقل من شهر الشركتين رجعو في كلامهم ونزلو اسعار المالكمات اكتر من الأول.
ليه ؟
لأننا وقفنا مع بعض ضد نظام الأحتكار
وقفنا مره واحده وعملنا نتيجة كبيره
المرادي كمان لازم نقف _ على رأي عوكل وقفة رجالة ( اللي هيه كده يعني )
لأننال او مكاكناش المرادي
مش هنلاقي مكان نتكلم فيه بعد كده
مش هنلاقي منتديات نتكلم عليها
ومش هنشوف النت اساسا هيبقى اخرك 24 دقيقه في اليوم زي ما سيادة الوزير بيقول
ياعم افهم بلاش
ياعم
افهم بلاش كلام كبير ع الفاضي
الأسعار مش حيحصل لها اي حاجه حتفضل ثابته
تشارك غير قانوني!
أنا لا أتوقع أن ترتفع الأسعار النقدية كثيرا على أي حال، و لا يمكن الحكم بأي حال على الخطة قبل أن نرى تفاصيلها. لكني أتفق معك يا مالك أن الأسعار الحقيقية مبالغ فيها، مقارنة بدول أخرى، و بمستوى معيشة المصريين.
الخطير في الموضوع في رأيي هو ربط التغيير بتشارك الخطوط "غير القانوني". يعني إيه غير قانوني؟ الواحد بيأجر عرض نطاق، مثلا 256 كيلوبت يعني الواحد حر في ال يعمله بالوصلة ال مأجرها. ممكن يستغلها كلها لوحده أو يوزعها نور و رحمة، هو حر. المفروض إن الناس يردوا على دا بتشارك أكثر. يعني كل الناس في الشارع يعملوا شبكات لا سلكية و يشتركوا في عروض النطاق بتاعة وصلاتهم كلهم، و دا هتبقى نتيجته خدمة أسرع أو أرخص للمجموع. (ما فيش حد في إيجي.لج يكتب لنا دا بيتعمل إزاي بسهولة و بالعربي؟ إزاي ممكن نبني شبكة لا سلكية تغطي شارع تسمح للسكان بالتشارك في وصلات إنترنت في شقق في أول و ووسط و آخر الشارع؟)
ال غير قانوني فعلا هو أني أتعاقد مع شركة على تقديم خدمة، و أحصل على أقل منها (كم واحد عنده خط 256 كيلوبت/ثانية بيعرف ينزل بسرعة 32 كيلوبايت/ثانية؟، و قد إيه بيقطع الخط و تحصل مشاكل في الفواتير؟)
الشبكات
الشبكات اللاسلكية (واي فاي) موجودة بالفعل، في آخر مكان ممكن نتوقعه؛ في بعض المدن الصغيرة حيث التوصيل السلكي غير مجدي لطول المسافة.
التكلفة تقريبا حوالي ٢٠٠٠ جنيه لكل الموضوع (مش متأكدمن الرقم) بس في ناس عندها فكرة وبتشتغل في كده.
علشان الناس تصحى و كفاية نوم بقى
أساسا الإيه دي إس إل بينقرض دلوقتي، و هما لسة عاوزين يذلونا عليه. صدق اللي قال عريان الـ مش عارف إيه و يحب الأبصر إيه و يقول باب الخمارة منين
هايلة اللينكات دي، أنا حطيت الرابط عندي ... و ياريت بقى كلنا نتحرك سوا في الموضوع ده
Post new comment