البيه عامل استطلاع رأي للجمهور على موقع الوزارة

http://www.mcit.gov.eg/ar/voting.aspx

بعد إعلان القرار بتسع أيام جاي يشوف رأينا

لا دمه شربات و الله

نتايج الاستطلاع تحفة... في وشه ولا تغشه يا جدع

شكله بقى وحشششششششش

أنا معاك فعلاً في النقطة دي بالذات، و عمري ما قولت إنه له أي حق إنه يجرم الوصلات المنزلية، لأنه لا تقنيا ولا محاسبيا ولا قانونيا ليه الحق ده... حتى أنا كاتب الكلام ده من زمان جدا

بس دلوقتي المسألة فيها شيء كبير من الالتباس... ليه تفاصيل قرار زي ده لم تعلن من أول يوم؟ ليه يسيبونا أسبوع كامل في تخبط بين التصريحات الغير كاملة؟ ليه رجعوا عن نظام الساعات، و كل يوم القرار يتغير و يبقى شكل جديد؟ و أخيراً ليه يرفعوا الدعم عن أكثر الخطوط استخداما في مصر عشان يحطوه على أردأ الخطوط و أقلها استخداما؟ فين الجدوى الاقتصادية؟ و هل ده هيأثر على سعر الخطوط الغير محدودة بالزيادة؟ بعد ما الدعم اترفع عنها؟

بس الكلام ده ما كانش معروف م الأول يا سيد مالك، و تدويناتك حتى تشهد بكده... و انا شخصيا دورت كويس قوي يعني

همم طب من غير زعل و شتيمة

شوفت التنويه ده؟ لسة شايفه من كام ساعة
http://www.mcit.gov.eg/ar/announcement.aspx
دلوقتي مش فيه تضارب حضرتك؟
يعني هنا الوزير بيقول عشرة جنيه للجيجا الزيادة، و هناك بيقول تمانية بس؟ و هنا بيقول ما عادش هيدعم خطوط ال 95 جنيه، و هناك بيقول هيدعم، و الاتنين مواقع حكومة... نصدق مين بقى يا فندم؟

و الله احنا تعبنا جداً و أعصابنا اتدمرت... يعني انتا فاكر اننا مستحليين الوضع ده؟ فاضيين مثلا؟ بنحب الغموض و التضارب و الخنقة دي؟

و الله لو عرفت تطلعلي كلام قاطع بعد كل التضارب ده أكون شاكر جداً

Wade7 enak enta 2li mish fahm 7aga
- el 2s3ar el gdeda 7tb2a min 2oweel sbtamber ..
- welfrood enha 7tb2a 2kbaria
- Zman kan el modo3 27'tyariii

لا طبعا ما انتصرناش، لأن مافيش حاجة حصلت أساساً... هوه قال هيرخص الأسعار من أول السنة، و ما عملش حاجة، كل اللي عمله إنه هددنا إنه يدمر الشبكة و في الآخر رجع يقول نفس الكلام القديم عن إنها موجهه لشريحة معينة، بعد ما كان بيقول استبدال النظام القديم و كده

لا مش هوه ده اللي احنا عاوزينه... و الوصلات ماشية غصبن عن عين التخين، لحد ما ناخد سعر على قدنا

يمكن بس الناس ما كانتش متخيلة إنهم لو ضغطوا جامد هوه ممكن يرجع عن القرار (اللي هوه في الأصل ما عملوش)... الناس مش مصدقة إنها ممكن تعمل حاجة.. و عشان كده أي تحرك وهمي بيفتكروه انتصار حقيقي.. عارف نظام العلاج بالإيمان؟ كده يعني

و الكلام اللي في الخبر أساسا ما يطمنش، و مليان لوع و استهبال كده.. ريحته مش عاجباني

كان زمان بيقولوا ترحموا على الموتى ...وليس لعنهم والحرق لهم