حماس منعت الصلاة في الساحات العامه في غزه
لأنها كما وصفتها
"لأنها تجاوزت هدف الصلاة واستغلت من أجل الفوضى والفتنة وأعمال الشغب وممارسة الإرهاب
طبعا دا على خلفية ان انصار فتح ومنظمة التحرير كانوا بيصلوا الجمعه ويطلعوا في مظاهرات
"متستغربش,متفكرش,ايوه نفس اللي كانت حماس بتعمله,ونفس اللي الأخوان بيعملوه هنا في مصر من إستغلال الدين ."
الأخت حماس بعد ما أستتب لها الوضع في غزه,قررت انها تحارب نفس الأساليب والطرق اللي كانت بتستخدمها زمان,واللي لسه بيستخدمها كل الإسلاميين في كل حته من اندونسيا لحد المغرب,طبعا تعليقنا على دا ان له في ذلك حكم.
وعشان محدش يلتبس عليه الأمر انا شايف ان فتح وحماس الاتنين ولاد وسخه ,وان فيهم ناس باعت القضيه,واني برفض اطلاق صفة عميل على كل من مشعل او ابو مازن,وان كل واحد فيهم له رؤيه ما في الصراع الفلسطيني الإسرائيلي,بس الاتنين ولاد وسخه عشان ضربوا قضيتهم في مقتل.
الكوليرا رجعت يامعلم
طبعا من انجازات الإحتلال الأمريكي المجيده في العراق انهم رجعوا الكوليرا تاني العراق
طبعا الجمله السابقه بتعبر عن الغباء المطلق للأخوه العروبجيين مقبلي احذية السيد الرئيس ابو خرم واسع"ولك ان تحدد ان كان الخرم من فوق ولا من تحت"واللي اطلقوها تشفي في الأكراد بعد انتشار الكوليرا بينهم.
توضيح بسيط,منطقة كردستان العراق بتتمتع بحكم حكم ذاتي من 1992 ,والأن في سبيلها لإعلان الكونفدراليه,اختلفنا او اتفقنا ع الفكره بس بوضح ان الموضوع مالهوش علاقه بالأمريكان وغضب الله الخ
بس في ازمه تانيه ان الكوليرا رجعت تاني الشرق الأوسط..طب من حظنا الجيد ان الشتا داخل وان الميكروب بتاعها بيتعطل في الشتا ,بس تخيل ان الشرق الأوسط رجع فيه الكوليرا تاني ,دا معناه اننا حندخل على سنوات كئيبه,في الشتا انفلونزا الطيور واللي ياعالم التحور التالت بتاعها امتى"اللي بينقل العدوى من انسان لإنسان"وفي الصيف الكوليرا,الربيع والخريف راحه .
تعذيب
صحيت الصبح على كم هائل من الرسائل من وائل واحده بتقول ان اشرف صفوت ظابط امن الدوله اللي عذب وقتل صعقا المواطن محمد عبد القادر اثناء احتجازه في قسم شرطة حدائق القبه على اثر القبض عليه واتهامه بإنتماءه لأحدى الجماعات الإسلاميه افرج عنه ,والعيل اللي عنده 13 سنه اللي من طنطا اللي ضابط ضربه لحد مافقد الوعي,دخل في غيبوبة,وان مواطن في كفر الشيخ مات من التعذيب,وبالمناسبة دي بأعلن ان مجموعة من النشطاء قررت انها تعمل جبهه للتصدي للتعذيب واللي يرغب في الإنضمام يوم الأحد اللي جاي 7 مساء بنقابة الصحفيين ولا ارانا الله مكروها في شعب لديكم
مهرجان تنصيب اللينكس
طبعا سايب الحاجات الحلوه للأخر,اليوم كان حلو جدا عدد الناس كان مبشر,محدش طلع مش مبسوط من اليوم والكل بيطلب تكراره,اتمنى من الجميع اننا نشوفهم المره اللي جايه واللي حنحاو تبقى خلال 4 شهور من دلؤتي
رمضان كريم