مش قلنا البلد دي ستاتها رجالتها"عائشة عبدالعزيز من مصنع الحناوي للمعسل"
Submitted by malek on Thu, 2007-09-06 21:51.
"شوف ياسيدي ,احنا من سنة 2004
مخدناش علاوات ولا منح وقدمنا كذا شكوى ومخدناش حقنا جم العمال بتوع المصنع رشحوني عشان اخش اللجنة النقابية بتاعة المصنع,صاحب المصنع طلعت الحناوي رفض انه يديني شهادة افادة اني اخش الانتخابات,رحت رايحه قسم دمنهور,رفض المأمور يعمل محضر,أوم رحت للنيابة,راح المأمور بردو صمم انه ميقبلش تأشيرة القبول بتاعة النيابة,رحت واخده بعضي ورحت للمحامي العام,راح المأمور عملي المحضر رقم 11409\2006,دخلت الإنتخابات بالمحضر ونجحت"
العامله عائشة عبدالعزيز ابوحمادة مصنع الحناوي للمعسل بدمنهور
طبعا بعد احداث مصنع مصرأسبانيا بطلخا بالمنصوره متوقعتش ان حشوف قيادات عماليه نسائيه تاني,يعني انا قلت عشان المصنع اغلبه ستات فالبتالي طبيعي انه يكون فيه قيادات نسائية,ربنا خيب ظني .
جالي تليفون من صديق النهارده الصبح قالي في عامله تم فصلها من اللجنه النقابية بالمصنع وحتتحول للتحقيق على خلفية اتهامات منها تحريض العمال والتشهير برئيس مجلس ادارة شركة.
رحت اقابل العامله دي
عرفتنا بنفسها انها بتشتغل في المصنع دا من 88 وانها عندها 41 سنه
الست عائشه متجوزتش لحد دلؤتي,لأنها هي اللي بتعول ابوها وامها واخوها المصاب بالصرع واولاد اخوها وزوجة اخوها بمرتب 289 جنيه مصري لاغير.
الست عائشة كانت بتستني المنح والعلاوات اللي كانوا بيوصلوا مرتبها لـ300 جنيه وكسور بس من سنة 2004 مخدتش حقها,طالبت بحقها بالطرق الحنينه معملتش اعتصام ولا اضراب على الرغم من قانونيتهم,رئيس مجلس الإدارة فضل 3 سنين ميعبرهمش ويوم ماقرر يعبرهم صرف جزء من المنح والعلاوات المتأخرة لأغلب العمال ماعادا العمال الأشقيا اللي طالبوا بحقهم
عائشه مهديتش ,فكرت انها تدخل اللجنة النقابية بتاعة المصنع عشان تطالب بحقها ,نجحت بالتزكية,مخافتش,سئلتها مخوفتيش ليه؟قالتلي عشان اللي ساكت عن حقه شيطان اخرس.
الست عيشه متعرفش الإسلام هو الحل,ومتعرفش العداله الإجتماعيه وفاقد القيمه,الست عيشه تعرف انها من طينه والناس التانيين دول من طينه تانيه.
الست عيشه بتواجه قرار بالفصل على خلفية انها نشرت المشكلة بتاعتها على جريدة الدستور,وكانت خايفه تتكلم النهارده عشان ميتقطعش أكل عيشها خالص,لأنها مش شايفه مساندة من حد.
الطبيعي ان في الحالة دي اشتم في الجمعيات النسائية وحقوق الإنسان الخ,بس فعليا المفروض الواحد ينسى وجودهم خالص,المفروض اننا نتحرك احنا كأفراد ,من غير مركزيتهم,من غير وساخه جزء كبير منهم,نتحرك ونشوف نقدر نساعد الست عيشه بإيه واللي زي الست عيشه بإيه.
حاليا انا معنديش افكار انا قلت اعرض الموضوع ,عشان الست عيشه ارجل من مليون راجل من عينتنا كلنا .
ختامها فقي
"كتر خير صحاب الشركة انهم مستحملينكم ومفصلكوش لحد دلؤتي"
مصطفى الفقي عضو مجلس الشعب المزور عن دايرة دمنهور أثناء زيارته لمصنع الحناوي للمعسل أثناء انتخابات مجلس الشعب الماضية
1825 reads
صندوق دعم الاحتجاجات العمالية
تمخض جبل اتحاد اليسار المزعوم فلم يلد شيئا لا فأر ولانملة المفروض ان يشكل صندوق دعم الاحتجاجات العمالية حتى لاتنكسر شوكة العمال وطبعا ليس المقصود الدعم المالى فقط بل الدعم القانونى والاعلامى لقد انهارت المنظومة التى سميت بلاشتراكية بسبب دعوة ليش فاليسيا الى صندوق دعم الاضراب ةالى النقابات المستقلة ونحن لدينا اللجنة التنسيقية"معلهش اسمها صعب شوية"
وعمال من اجل التغيير ومركز الخدمات النقابية ومركز الدراسات الاشتراكية ومركز العدالة وغيرها من الدكاكين السرية بالاضافة الى التحالف الاشتراكى ومش عارفين نعمل صندوق دعم الاحتجاجات العمالية
انت حر يامالك
انا بقالي اسبوع تعبان مش بقدر اترحك يوم مدخل البلوج الاقي الخبر دا بتاع الست دي عموما اكيد هي بميه راجل وثانيا الراجلة لاي في المصنع ومكلموش دا دليل علي القهر الي الناس فيه الناس بقيت جبانة كلو بيخاف يلكم احنا في بلد لاناس ماشية فيه اشباح من غير روح كلو خايف او كملو بيفكر في همو وهم عيالة
بالنسبة للست دي اكيد هي بطلة وبجد فعلا لاي يقدر يساعدها يسعدها
اما حكاية ان الناس بتكفرك دي عادي جدا ولا تزعل انت عارف احنا بدرو في مجتمع اهم حاجة عندهم فيه المظهر الديني غير كدا ميهمش اهم حاجة الست لاي لابسة خيمة تبقي خضرا لاشريفة ولاي مش لابسة حجاب بتقي راقصة
ولا يهمك ياماللك وبعدين كافر لي نفسك مسلم لنفسك ما انا يما ناس كتير بتقولي انت ملكش دين عادي جدا بقلوهم انا حرررررررررررررررررررر
انت كمان حر ومتعصبش نفسك من اي حد
ها
يعني اقدر اعمل ايه
لو عايزني اروح معاك اصور اعمل هيصة وبوليكة على المدونة
اللي تقوله يا زعيم
انا معاكوا ومع الست دي
وكلنا مع ربنا ان شاء الله
يعني الهيصة
يعني الهيصة والبوليكة مفيده
الضغط من اجل عودتها للعمل مفيده
طبعا كلنا مش مع ربنا ولا حاجه انتي مش شايفه في التعليقات واحد جديد بيكفرني .
الناس مصره تخليني اكفر على الرغم اني مش كافر
وانزل بزياد يامعلم
طبعا
مش مسألة بس أرجل ، و مش أرجل ، ما تنساش اننا ما بنتحركش غير في المشاكل اللي بتلمسنا
المهم ، نساعدها بإيه ، أنا موجود انت عارف
تحية
ارجل من ناحية
ارجل من ناحية ان المصنع ربع ستات والباقي رجاله والرجاله جوا المصنع متحركوش
دي كانت الحاجه العجيبه بالنسبة لي,انها اتحركت ومخافتش على الرغم من كونها ست في مجتمع ريفي السطوه فيه للرجل,وهي ست تعليمها متوسط ومتعرفش حاجه عن العداله الخ واتحركت عشان حقها .
نعمل ايه عشان نساعدها اعتقد من الحلول اللي قدامي ان حد يحاول يعمل زي اللي عملها الحملاوي ويحاول يجيب بيانات عن الشركة ,ويشوف معاملاتها وارباحها وعلاقاتها الخ .
يعني اللي يقدر يساعد بأي حاجه
Post new comment