ماهو عشان البلد تنضف لازم يتربوا
Submitted by malek on Wed, 2007-10-17 05:14.
في مرشد مباحث عندنا في المنطقة,هو اكبر مني بحاجة بتاعة 10 سنين,بس مرشد من نوعية مرشدين ولاد البلد,اللي بيخلص الإجراءات ويتوسط لك عشان تخلص المحضر اللي حتعمله,ويسهلك زيارة قريب محبوس,او حتى يسرع اجراءات استلام متعلقات مسروقة او متحفظ عليها.
Tagged: الموكوس
• شرطة تعذيب
في مرشد مباحث عندنا في المنطقة,هو اكبر مني بحاجة بتاعة 10 سنين,بس مرشد من نوعية مرشدين ولاد البلد,اللي بيخلص الإجراءات ويتوسط لك عشان تخلص المحضر اللي حتعمله,ويسهلك زيارة قريب محبوس,او حتى يسرع اجراءات استلام متعلقات مسروقة او متحفظ عليها.
المرشد دا كان بقالي فترة طويله معدتش من الحتة اللي بيقعد فيها,ومن كام يوم وانا راجع من احدى تمشياتي الطويلة جدا ,عديت عليه .
احا يا عم امبارح وانا معدي من جمب مدرسة الثانوية بنات الاق عيل بيقولي اي خدمة,افتكرته حيبلطج عليا ,رحت معبرتهوش ,طلع يجري عليا,رحت واقف ومتنح ومستعد لعركة,ألاقي الولا مطلعي ربع قرش وبيقولي جرب يا شيخ,واي خدمة واحنان نخدمك.قلتله ربنا يخليك مش عايز,راح مطلع تمناية وحاططها في ايديا وقالي دا واجبك عشان اول مره اشوفك تعدي من هنا!!!!!!!!!!!
احا ياعم وانتوا بتعملوا ايه ؟
لا وانت الصادق انت لو طلعت قدام كدا ناحية كابو حتلاقي البيسة بتتباع علني,ومحدش بيكلمهم....
نعم ؟
اه ماهو بعد اللي عملتوه انتا وصحابك ,وكليبات التعذيب,نزلت نشرة في القسم ان محدش يلمس بني ادم ,والا حيتحول للتحقيق.الكل بقى يخاف يضرب حد عشان يخليه يعترف ,وبقوا دلؤتي يقفلوا المحاضر بسرعه ويسيبوا العيال تمشي.
يعني ايه؟ لو مافيش تعذيب مش حتعرفوا تقبضوا على بتوع المخدرات والبلطجيه ؟
مادام بيتعاملوا زي البني ادمين محدش فيهم حيعترف ومافيش حاجه حتحصل....
لا وانتا الصادق الضابط من دول بيستسهل بدل ما يقوم بشغله ويعمل تحرياته,ويدور على الحرامي ,يجيب امه او اخته ويعذبهم او ينيكوه جوا القسم لحد ما يعترف .
اهو دا اللي عندنا,ورونا ازاي حتحموا البلد من غير مانربي ولاد الوسخه السوابق.
شكرا وبالله التوفيق وتحيى الشرطة المصرية حامية حمى الخرم ابن العره
1545 reads
بس يا عم مالك
البلد دى غريبة لاازم تتساب خربانة احنا مشش ضد تواجد امنى لا بس لاازم بحدود تحمي الناس ب العدل خد عندك
انت تعرف منطقة التوفيق الى فى مدينة نصر ش الطيران
دى بقت اشهر حتة بيتباع فيها المخدرات ولا البطنية الاول ان البوليس كان فاكر انها منطقة جيش و محتوش فى بالهم انها هتبقى وكر مخدرات بعد الحملة الاخيرة على ملسى و عباس العقاد الكل توجة لمنطقة التوفيق و بقى مركز تجارة الحشيش و بعد كام خناقة و فى اتنين ديلر اتقبض عليهم هناك بدا ان يكون فى حملات بوليس و عربيات بوكس فى كل شارع تقريبا
فعلا بلد غريبة
أزيدك من الشعر بيت
واحد قريبي الشغالة اللي بتنضف البيت مرة في الأسبوع قشطته في مبلغ نضيف كان تحويشته هو ومراته بقالهم سنتين وكان جايبهم البيت من البنك عشان يشتري بيهم حاجة. راح القسم يعمل محضر، قعدوا يمطوحوه من قسم لقسم ومحدش عايز يعمله محضر، جاب واسطة معرفة قام عملوله محضر، محدش رضى يدور عالبنت، اضطر يدفع رشاوي لمخبرين في القسم عشان حد يتشجع ويروح معاه لبيت البنت. خد 2 مخبرين بطلوع الروح وبعربيته راحوا للبنت البيت ملقوهاش طبعا. قاموا قالوله يعوض عليك ربنا، والضابط المعرفة قاله بصنعة لطافة ان محدش هيتعب نفسه معاه وانهم زمان كانوا اللي بيعملوه انهم يقبضوا عالبنت أو حد من أهلها ويعجنوهم ضرب لحد ما يقروا عالفلوس ، أما دلوقتي بعد موضوع كليبات التعذيب ، فبيفضلوا انهم يتحنبوا وجع الدماغ ويخلصوا من المواضيع. الشرطة المصرية كفاءة برضه، يا اما تعذيب ، يا اما مفيش!
كله زى بعضه يا مالك
طيب يامالك..مش برده الحرامى ده المفروض يتحاكم بالقانون؟ واقسم لك ان نص الحراميه دول ماارتكبوش اى ذنب بس انهم سوابق..والضابط عاوز يقفل المحضر ويخلص
..مفيش راحه غير لما الجميع يتعامل كبنى آدمين حتى لو حراميه
heh
heyah deeh ba2ah elly beysamoha el 7arb el nafseyah!
همممم
ماااااااااااااااااااالك انا عند
ي عتاب ان انت بتستخدم الفاظ خارجه
اه هما يستاهلوها بس ايه ذنب الناس اللي بتقري كلامك
http://talakeek.blogspot.com
هو انا لازم
هو انا لازم اعيد الكلام دا كل شوية ؟
احا يعني انا تعبت فعلا من كتر التكرار
بس ياعم
انا بتكلم كدا وملايين في البلد دي بيتكلموا كدا انت مش عاجبك الكلام بالطريقة دي متتكلمش,متسمعش,متجيش هنا
Post new comment