من اكتر ما بيقهر فعلا وده الواقع علينا المقولة التاريخيه لسيدنا علي بن ابي طالب رضي الله عنه( ما أحرصهم على باطلهم و اجتماعهم عليه ، و تفرقكم عن حقكم ) ده الواقع المر احنا يامعارضا شغالين نلطش في بعض ونسفه بعض وبهايم الحزن الوطني مجتمعين شغالين نشتم في كل يساري بانه كافر في كل اخواني بنه رجعي في في كل صحفي بانه غوغائي في كل متحمس لفكره ده عنده اهداف شخصيه

امتى تفوقو وتدوسوا على الكلام التافه اللي دمر كفايه المشاكل الشخصيه بين افرادها وتشهيرهم ببعض وحاجا اخر مهزلة
بمناسبه الحوار ياليت ابويا بيبيع طماطم وبطاطس ماكنت سافرت كنت اشتغلت معاه
تصبحون على خير

"شوارع قديمة معرفش اسم المنطقة ايه بس شكلها من الثلاثينات او ماشابة."

دي بولاق. بيسموها بولاق أبوالعلا، و أحيانا بولاق مصر تمييزا لها عن بولاق الثانية. دي كانت حي عمراني حقيقي، متخطط و كدا و كانت مسكن تجار كثير من الموسرين و طبعا من الناس الشعبيين - في وقت ما كانتش فيه شعبي تعني فقير و مزحوم و عشوائي - حتى أواخر التاسع عشر الماضي، و كان ساحلها النهري "رملة بولاق" هو الميناء التجاري النهري للقاهرة، لما كان فيه نقل نهري.

أما عن كفاية فأنا رأيي زيك بالضبط.

فعلا
هى كل المشكلة ان مفيش اخلاق ولا ضمير
وبعد ين فى مشكلة تانية مش عارفة ازاى المواطنين على الرغم من صراحتهم وصدقهم المتناهى مقلوهاش لمذيعة القاهرة
ازاى نسيوا ان وجود الكفرة من امثالك وامثال غيرك من بتوع كفاية والمعارضة دول هم السبب فى ان البلد راجعة دايما لورا مع ان حزبنا المؤمن بيحاول دايما بشتى الطرق انه يخلى الموباين فى ايد الجميع
بس الكفر بقى اللى مخلى ربنا غضبان علينا بسببكم ومش عاوز يخلى انجازات حزبنا المؤمن تثمر اى شئ فعال
شوف يبنى خليك مؤمن كدة وطلع كارنيه الحزب الوطنى وعلقوا على صدرك
وكل حاجة فى البلد تبقى تمام
كل مؤتمر وانت محتفظ بنفسك سليم يا استاذ مالك

عندك حق يامالك بس تفتكر مصر هتضل ترجع بينا لورا لغاية لما يحصلنا ايه وبردو هتفضل تتقدم بيهم لغاية لما يعملو ايه
لغاية امتي دول بيجوعو الناس ويعذوهم ودم فاسد واحنا بردو ساكتين والوضع بيزداد سوء احنا نتأخر وهما يتقدمو زي ما انت قولت طيب اخرتها بقي انا عايز اعرف اخرها لان الوضع لو استمر كدا هنضيع
ممكن تقولي اخرتها ايه
هو انا بقول المفروض يحصل ثورة ونغير نظام الحكم لو قارنا اسباب قيام ثورة يوليو هنلاقيها اتفة من الاسباب الي موجود دلوقتي بس المشكلة في الناس دلوقتي مفيش وعي
دا الي انا شايفو انت شايف ايه اخرتها ايه والحل

ختـان العقـل

اذا أردت أن تري وتسمع العجب العجاب فما عليك هذه الأيام سوي أن تدير وجهك صوب مصر، وخذ من هذا الخبر المشين أمثولة وبيانا... ممرضة بالغة عمرها ثلاثة وعشرون عاما؛ المفروض بداهة أنها أكثر تعليما وأدري بشئون الصحة والبدن من ملايين غيرها؛ تذهب الي محتال يمتهن الطب انتحالا وبصحبة أمها؛ كي تسلم له عوراتها طواعية وبكل الرضا ليمارس فيها جريمة ختان الإنثي، فيعطي ثلاثتهم بذلك مثالا لتعطيل العقل وازدراء المنطق وضرب عرض الحائط بالقانون، فينتهي الأمر بها علي شفا الموت في غرفة العناية المركزة حيث تلقي كامل الرعاية بينما الاعدام هو الأحري بأمثال هذا الثالوث!!! وبعد ذلك يتبقي لدي هذا الشعب من الجهالة والبجاحة ما يفيض وأكثر لالقاء مسئولية الانحطاط الاقتصادي والسياسي والأخلاقي والفكري علي رئيس الدولة المبارك وعلي الحكومة ومن سبقوهم، وسيكون هذا منهم حتما حظ اللاحقين... والأعجب أن يبلغ العجب منتهاه بُكتاب ومثقفين حينما تيأس منظمات حقوق الانسان العالمية عن مناصرة الشعب في مصر بينما تجتهد منظمات رعاية الحيوان في تثبيت أقدامها، وتجدها بمصر تلقي اصغاءا وتعاونا يجعل من حق الحيوانات لوفطنت أن تتعالي علي وتأنف من هكذا بشر؛ يتغني بترديد: لايغير الله ما بقوم حتي يغيرون ما بأنفسهم، ورغم هذا لاتجد بينهم شجاع واحد أو من هو من صادق حتي مع نفسه أو راغب في التقدم قيد أنملة، بل لا تجد عندهم غير علو أحمق للصوت وتعال أجوف وعدوانية جبانة فيما بينهم مع انحطاط للهمة واحتقار بليغ للذات وهوان مشين للنفس، فباتوا مثالا ومثارا لليأس من أحوالهم وفي مصائرهم، واذا سألت عنهم لا تعد تسمع غير أنهم أمة قعدت بها الهمة وماتت فيها النخوة وأنهم قوم لاينشدون حراكا ولاهم يتغيرون... ولن يتغيروا

دور في الشيخ زايد على شقة ، حتلاقي بسهولة

يمكن حاسوا ان مفيش فايدة ويمكن عندهم حق

تقريبا المنطقة اللي انت مشيت منها ورا ماسبيرو دي، تبقى بولاق، وبقايا الترجمان
وبالنسبة لكفاية أعتقد انه دي نهاية طبيعية، رغم انه انت ممكن تكون حاسس بالمرارة عشانها
كفاية اهتمت بهدف مش عملي وهو تغيير رأس السلطة وتغيير مبادئه وعقائده واسلوب ادارته
في الوقت اللي أهملت فيه التعامل مع الأسباب اللي أدت لتكوين العقائد دي
الحزب الوطني عملي أكتر منها في تعامله مع الجماهير، حتى لو برشوة أتباعه أو ببرمجة الناس عن طريق الإعلام
كمان التيار الاسلامي أكثر واقعية في تعامله مع الجماهير والتغيير فيهم، وكسب أعوان ليه في قضيته
حركة زي كفاية هي نموذج لتجمع ساخط من ناس ليهم ثقافة متشابهة، لكن ثقافتهم دي مش متشابهة مع غالبية الناس

يخرب بيتك يا مالك
كلامك عن كفاية بجد فيه صدق جدا
انا حاسس باللى انت بتقولة يمكن اكتر منك انت نفسك
فعلا انا برده زيك كنت من سنة عضو فى حزب الغد بس لما سبته عرفت فعلا قد ايه انا مرتبط جدا بكفاية
بجد يا مالك والله كفاية ماكنتش مجرد حركة انضمينا ليها
دى كان حلم شخصى لكل واحد فيها
مش كلام مستهلك اللى بقوله دا يا مالك
بس بجد كفاية كانت كدا

أنا عجبنى البوست ده جداً، بس ما ينفعش أقول تعليق عليه، لأنه عايز كلام كتييييييييير أوى

بالنسبة لكفاية يامالك مش انت بس الي كونت بتحبها او منتمي ليها انا وناس كتير غيرنا عارف ليه كفاية كانت حركة مختلفة وكان في نشاط دلوقتي خلاص يامعلم بس معرفش العيب منين ممكن عدم تنسق منهم مفيش رؤية معينة او برنامج معين مشين عليه للاسف
بالنسبة للحزب الوطني البيروقراطي الي غياظني السنة دي ان شعار المؤتمر مصر بتتقدم بينا
وعلي فكرة كان فيه حملة علي القنوات الارضية بيكلمو فيها عن المصانع والمدارس والطرق
تتفرج علي الاعلانات تحس ان مصر خلاص بقت ولا امركيا واليابان في التقدم
فعلا مصر بتتقدم بيهم للنهاية عندهم حق ولاد الكلاب
بالنسبة للناس انت عارف كلو ماشي في حالو محدش عندو وقت يعترض كلو بيجري علي اكل عيشو وكلو عايز يبقي في حالو الناس خايفة
او متعرفش الحكومة عملهم عمل بيخلهو يحبوها متعرفش
وبعدين انت دايخ ليه علي شقة انت مشوفتش الاعلان مصر ببتقدم بينا بيوقلك في اسكان للشباب وبيجبو العمارات نضيفة اوي وتحتها جناين ومراجيح متروح يا اخي :P
ربنا معاك وتلاقي شقة