من 10 سنين او اكتر كانوا بيسموا المدافعين عن البيئة,بأسماء ساخرة,ويعتبروهم مجانين,ويصوروهم في الافلام والإعلام على انهم مجرد مجموعة من المختلين,المتوحدين,اللي بيعانوا من إضطرابات في الشخصية.

ممكن الكلام دا يكون حقيقي,زي مابقرف دايما من كل النهايات الكلاسيكية,وكل الكلام الكلاسيكية المعاد إستهلاكه الف مره بعد الهضم,بتضايق من التبريرات,وزي ماكان كل الكلام عن المدافعين بالواقع.

واحد بيقولك الدنيا داخله على خراب بيئي,تقوله انت مثلي الجنس,وبتنام مع رجاله,وانا مش حسمع رأيك,او تقوله انت مش لاقي تاكل,وشكلك وحش,وانا مبسمعش الكلام من حد وحش.

بتضايق دايما من النقاشات غير المنطقية,ممكن اتفهم ان النقاش يكون غبي,واشارك فيه ,مش حتضايق ان النقاش يكون عن المؤامرة الأهلاوية لتخريب الزمالك,او عن المزز بتكتر في البلد"اوبتقل"حسب مواعيد الأعياد الرسمية الخ,بس اللي عمري ماقدرت افهمه,ان النقاش يكون مالهوش علاقة ببعضه.

اكتب تدوينة عن اي حاجه,هاجم فيها اي مجموعه سياسية,دينية,قوميه,الخ,وحط في نص التدوينة كلمة قبيحه,وشتيمة,وشوف التعليقات حتيجي ازاي,تف على قبر جدك لو مكنتش نصها بتدعوك للهداية,وشوية بيشتموا سلسفيل جدودك,ومحدش فكر انه يرد على التدوينة.

الطبيعي ان العالم كله بيتحول لشوية مؤخرات مسطحه,لا تنفع صاحبتها لما تقعد على حاجه ناشفه,ولا تنفع الناس انها تتفرج على حاجه حلوه,بس تبقى مجرد مؤخرة,للأسف العالم بيتجه ان امخاخ الناس تبقى زي مؤخراتهم.

في ناس بتقولك ان السبعينات كان البشر بيفكروا اكتر من كدا,البعض بيرجعلك دا ان مكانش في تلفاز,وان الناس كانت بتقرأ اكتر وتتناقش,وعندها وقت فراغ"متوسط استهلاك الفرد في العالم للتلفاز حوال 6 ساعات,ناهيك عن استخدام دول زي امريكا",طبعا اختراع وقت الفراغ دا انتهى,وياريته انتهى صح,انتهى بخراء واحد عنده امساك شديد,تخيل القرف.

مبقدرش افهم لما المحروم بيدافع عن اللي حارمه,مالكوم اكس قالك زنجي المنزل,بس مقالكش ليه زنجي المنزل,سمعت من كام يوم مصطلع متلازمة استوكهولم,بس بردو مفهمتش ازاي,مبعرفش ازاي صاحب محل الألبان النهاردة بيقولي ردا على سؤال ان الناس ازاي ساكته على ازازة الزيت ام 9 جنيه,ربنا يكون في عون الراجل الكبير!!.

اوقات بحس ان الحياة مجرد لعبه عبثية تماما,بحس ان الوجود زي العدم,ان الدنيا مجرد تمثيلية كوميدية فاشلة,محدش بيضحك عليها.

الطوفان جاي ,الطاعون قادم,وادحرج واجري يارمان,وتعالى على حجري ,يارمان,دا حجري حنين,يارمان.