بيقولك ربنا غضب على السعودية,فعطاها بترول بدل المطر
Submitted by malek on Sat, 2008-02-09 22:05.
اقرى الرابط التالي
اقرى الرابط التالي
صلاة استسقاء في السعودية حيث يعزو الأئمة الجفاف الى "الذنوب
عامة انا مبحبش اخبط في الاديان,لأن 90 % من مشاكل الاديان,حتلاقي المدافعين عن الاديان بيرجعوها للمارسات الخاطئة لأتباع الدين,اللي خلانيي مش فاهم,معقولة كل الوقت دا ومافيش مجموعة فاهمة الدين صح قادرة انها تمنع الفهم الغلط؟
اللي مش فاهمه من الموضوع اللي سايب الرابط بتاعه هو التالي:
فخامة الشيخ اللي بيقولك ذنوب الناس"مش عوامل المناخ,التلوث,الاحتباس الحراري,الخ"هي السبب في ان مافيش مطر,مفكرش ان لو ربنا بيعذب كل الناس بذنوب مجموعة من الناس"وواضح ان دا اللي بيحصل",ليه خلى البترول سعره يعدى الـ100 دولار,متضخم عن سعره الحقيقي بخمس اضعاف.
هو ربنا لما بيتخنق من ناس بيمنع المطر,ويعطيهم زيت؟
طب يارب ياربنا,احنا شعب عاصي ابن عاصي,هاتلنا زيت زي السعودية,وخد المطر,واحنا حنشتري ميه معدنية"فعليا النيل مالهوش علاقة بالمطر اللي بينزل في مصر,فحيفضل عندنا برضه مية نيل".
طبعا منطق ذنوب الناس دا منطق غريب,على كدا المفروض شيخ الحرم يكفر ويروح بلاد الشمال,اللي عندهم مطر على كيف كيفه,ومش محتاجين يأمنوا بربنا ولا بالشيطان حتى.
بجد حرام,انا حفرقع من الغباء
1766 reads
الحمدلله الذي عافاني مما ابتلاكم فيه
آيه واحده فقط ترد عليكم , قال تعالى : ( وما أصابكم من مصيبة فبما كسبت أيديكم ويعفو عن كثير ) وهذا طبعا كلام الله اللي خلقني وخلقكم ..........
المصائب : عبرة
المصائب : عبرة للناجين وتذكرة للمؤمنين وعقاب للعاصين
زي ما تسونامي
زي ما تسونامي طلع غضب من الله الشرير المدمر، ومش زي ما اثبت العلماء. العقل الديني يعاني حالة من الجبن الشديد. هو أجبن من التسلح بالعلم، فدائما الله غضبان، ودائما هناك من يتآمر عليهم. لكن هما عاملين اللي عليهم وزيادة. دا حتى فرق الكورة دلوقتي بتصلي بدال ما تتدرب.
وبخصوص الممارسات الخاطئة للمتددينين، فهم ينسبونها إلى انفسهم وإن كان مرجعها الدين وذلك لتجميل صورته. وحين تنقد أمرا ما في جوهر الدين، تجدهم يأتون بمآت التفاسير التي تجعلهم على حق حتى لو كانوا يفسرون شيئا غير الشيء.
كوميديا
تحياتي
الزبالة ثورة قومية
بس يا مالك ربنا ادلنا الزبالة
شوف زبالة 80 مليون مواطن لو تم اعادة تدوير و صدرناها تاني
هنجيب تقريبا 26 مليار دولار فى الشهر
دة غير ان سمعت انو ثبت علميا استخراج الغاز و مواد طاقة اخرى من الزبالة
شوف بقى
ممكن نصنع من الزبالة الالمونيم
البطريات
الورق
الزجاج
بدل البترول
جهلة ولاد كلب
عارف بقي انا بتبضن اوي من الناس دي بيكرهو الواحد في الدين يوقلك تسونامي غضب من ربنا.مع ان جزر جاوه فيها مسلمين وغلابة.هما مشكلتهم بيحاولو يدخلو الدين في كل حاجة.و كل حاجة عندهم لازم ليها تفسير ديني
الناس برا بيخترعو ويعملو ابحاث واحنا هنا كل حاجة نرجعها للغيب
وعلي فكرة حصل معايا موقف النهاردة فقعني اوي.
التلفزيون باظ فاقولت انزل اصلحو روحت خدت التلفزيون ودخلت المحل واد كدا مربي دقنو.المهم وانا لسة داخل لقيتو عمال يتخانق مع واحد ويزعق اوي ويشخط بطريقة غريبة ولا اكنو بلطجبي في خناقة.وقفت اتفرج وقلت في سري طلع الوساخة ياشيخ طلع: )
المهم خلص قلت ليه عايز اصلح التلفزيون لقيتو بيقولي شوفت الي بيزعق دا .دا رجال دماغو تعابنة قلت ليه مش دي تبقي غيبة بردو.قلي لا دي مش غيبة دا راجل دماغه لاسعة.قلت ليه بس انت كدا بتكلم في غبتو حرام.المهم الواد طنش وراح قالب عليا.قلي ايه الي انت عاملو في دقنك دا .قلت ليه طيب وانت ليه سايب دقنك كدا.استغرب قوي قلي دي سنة النبي.قلت ليه انت حر وانا حر.قلي انت مش حر انت عبد.دقنك كدا زي اليهود.اصل انا دلوقتي عامل سكسوكة وسيبها طويلة كدا زي جحا : )
استيل ميتل شوية.المهم قلي انتت بتتشبة باليهود قلتلو ايه دخل اليهود.
دول حتي اليهود بيربو دقنهم زيك : )
مش زيي.كان فيه اتنين في المحل بيبصو ليا باستغراب.وهو الواد مصدوم بردو.قلي انا عايز مصلحتك انت عبد ولازم تسمع كلام ربنا.قلت ليه انا حر اعمل الي انا عايزو ومش الدقن هيا الي هتكفرني.قالي انت متشبه بيهم.مش انت كدا بتقلدهم
.اتبضنت منو اوي .وقلت اديلو كلمة وبكرا اكمل عليه.قلت ليه مشكلتكم انكم فاكرين انكم صح وكل الناس غلط.وانكم لازم تهدو الناس والناس تسمع كلامكم.سلام
شوفت الجهل واحد شب حاصر تفكيرو في اللحية مشكلتو في الحياة اللحية.كس أم الجهل ياجدع
دي عينة وسخة بردو.من عينة السعوديين
Post new comment