انا واحد من الناس اللي اتربيت على الرغيف ابو شلن البلدي,ولحد الان مبقدرش اشبع في وجبه فيها اي نوع عيش تاني.
كنا متعودين دائما ان في حد في الحته بيروح يجيب عيش لكل الحته,وويكسب على الجنيه مثلا بريزة او ريال بالكثير,اغلب اهل المنطقه كانوا بيشتروا من الست دي,ووبريزة زيادة ولا بهدلة وقوف طوابير العيش.
صدمتي الاولى كانت لدى نزولي القاهرة,واستقراري فيها ,انا فضلت مثلا لمدة 8 شهور عندي مرتب ثابت,بجانب الشغل الحر اللي بعمله فكان دخلي كويس في الشهر,فكنت بجيب من اي ست فارشه في الشارع,لحد ما حصلت لي انتكاسة مادية,فبقيت اروح اقف على الطابور اجيب عيش .
لحد ثلاث شهور فاتت كنت بنزل 5ونص الفجر مثلا الفرن,اجيب العيش في خمس دقائق خاصة اني كنت بجيب ايام سبت او جمعه,الموظفين فيها اجازة ونايمين وكدا.
فجأة قرر حي عابدين رشيد قفل فرن العيش اللي جمبي من شهرين,مع بداية ازمة العيش,فأصبح في فرن عيش واحد بيخدم المنطقة.
اول تجربة ليا في الفرن الجديد,يوم جمعه 5 الفجر,نازل زي الشاطر اجيب العيش اللي حيقعد معايا اسبوع,الاقي في طابور من 40 راجل واقفين,و20 ست مثلا.
الفرن لسه مشتغلش والزعيق شغال
ياراجل وحد الله انت لسه طالع من صلاة الفجر
احا يعني عشان طالع من دين ام الجامع تاخد دوري
استغفر الله ياجدع متسبش دين ع الصبح
طب بدين امك منتا واخد دوري لا اطلع تلاته دين امك
الحوار كان هزلي شوية,الرجل اللي عامل فيها متقي اخد فعلا دور الرجل اللي بيسب دين اللي راح يدور على شراعه.
طبعا 40 واحد واقف وكل 3 دقائق عركه,الموضوع مش لطيف بالمرة,رحت راجع بيتنا وقلت ياواد مش مهم هات عيش من ابو ربع جنيه الرغيف من فرن تاني بتاع الناس النظيفه.
رحت الفرن
8 ترغفة لو سمحت
ناقص 160 قرش يا استاذ
مش الرغيف بربع جنيه ؟
لا بقى بـ 40
ها ؟
معاك اشتري ممعاكش اشتري باللي معاك اثنين جنيه يعني 5 ترغفه ,اتفضل.
المفروض كنت احس بالاهانه هنا وبتاع,بس فعلا الموقف كان اكبر من اي احساس,اللي خبطني ساعتها كان خيارين
يا تقف في فرن وتضيع من عمرك 3 ساعات وضغط وحرق دم وقرف وبهدله وممكن في الاخر ماتخدش رغيف العيش,او تتناك يامعلم,وتحاول تلاقيلك مهنه تجيب فوق الثلاث تلاف شهريا على اساس انك حتصرف عيش بس شهريا حاجه بتاعة 100 جنيه ,وايجارك 500 جنيه,دي اس ال 100,كهرباء 25,مياه 10,فاتورة تليفون مثلا 50,كارت موبايل نقول 50 بس برضه,مواصلات 100 ولو سافرت لاهلك مرتين في الشهر اسكندرية يبقى زود120 جنيه.
كدا يا محترم انت صرفت 1000 جنيه من غير ما تغسل هدومك او تقعد على قهوة او تغير كلوتك وتجيب كلوت جديد,او تاكل حاجه تانيه غير العيش,انت حتصرف 1000 جنيه وانت بتاكل عيش حاف .
بيقولك بقه ياسيدي اخر المتمه,السيد حسني مبارك,قرر انه يخلي الجيش المصري هو اللي يحل مسئلة العيش,يعني بدل ما يقولوا نشيل الدعم على ابن الوسخه عز,اللي بياخد طاقه مدعمه لمصانعه,ولا ابو العينين ولا سعودي ولا اي ابن خول تاني من اللي مطلعين دين ام اللي بلد وواكلينها والعه.
بدل ما يقول نرجع الدعم من فلوس ولاد القحاب دول,لا حنرجع الجيش على اساس ان الجيش هو انضف حاجه في مصر وبتاع,ومش الجيش اللي باع اراض المقطم لاعمار ورفع اسعار الاراض هناك عشر اضعاف"طبعا مننساش دور السيد عز",ولاباع قبل كدا ارض مدينة نصر,ولا الاف الاراض غيرهم"من غير حد مايحاسبوا كأن الارض دي ورثها الجيش المصري اب عن جد مثلا",خالص الجيش المصري ناك السماء وحينزل منها احلى ملحمة,وحيأكلني عيش لحد ما نشبع.
انا اعرف ان الجيوش بتدخل بعد الاعاصير,البراكين,الزلازل,بس اكتشفت اننا في مصر المفشوخه,جيشنا بيشتغل سمسار اراضي,ومصطلح اراض اخرى,وتاجر زيوت وصابون,وحديثا صاحب مخبز الي.