هو د مالك اللي اعرفوا
اسألتك دي انا بسألها و غيري كمان من زمان
قربت يا معلم......قربت

mat3rafsh ya malek aeh 7ewar 2edrab 6 april dah

احنا شعب عجيب من نوعه ده العبيد حكمونا ايام المماليك ويمكن الشعب الوحيد اللي ممكن يثور وهو شبعان عشان لازم يفضل جعان ومتداس بالجزم واصبر علي جارك السو اللي لابيرحل ولابتجيله مصيبه احنا بس اللي بنتفشخ في طوابير العيش وفي اقسام الشرطة

والله يا مالك انا شايفة انك متفائل زيادة عن اللزوم
الناس جاعت وما انفجرتش وعدى وقت الانفجار اللي كان متوقع وما حصلش حاجة وما اعتقدش انه ح يحصل حاجة والناس ح تموت من الجوع وح تموت في بعض ومش ح تعمل حاجة لاصحاب الفلل والعزب والقصور لانهم بعيد بعييييييييد بعيييييييييييييييييد
على طريق مصر اسكندرية وفي بفرلي هيلز وفي الرحاب وفي الشيخ زايد وفي المريوطية وفي حتت كتيرة بعيد ومقفولين على نفسهم ومحاوطين نفسهم كويس قوي عشان مافيش حد من الجرابيع الجعانين يوصل لهم

و"فيه نهضة اقتصادية وكل نهضة لها ضحايا زي اوروبا ايام الثورة الصناعية كان لها ضحايا والادب الانجليزي بيعكس ده ..بلا بلا بلا...خخخخخخرررررررررا" وح يفضلوا يشخوا الكلام ده كتير قوي ومش ح يهمهم ان الشعب ده جاع وبيجوع وح يجوع

يموت؟ يا ريت يبقى فضل وعدل عشان البلد تفضى ونعرف نبيعها بدل ما كل ما نيجي نبيع حتة ارض نلاقيهم قاعدين لنا زي الخازوق يقولوا مش ح نسيب ارضنا

والنبي بالراحة على الجيش يا مالك الجيش ما يقدرش يعمل حاجة بجد
دي اوامر من القائد الاعلى وما يقدرش يعمل عصيان والجيش متكسر ومتضعضع وغلبان زينا بالظبط وبينفذ اوامر وتجريد الجيش من دوره الحقيقي الا وهو حماية ام البلد اللي بتدفع له ضرايب وتغيير دوره انه يواجه الناس بدل ما يدافع عنهم دي اوامر عليا
اساتذة الجامعة يقدروا يعتصموا
الدكاترة يقدروا يعتصموا
لكن الجيش ما يقدرش يعتصم يا مالك ده يبقى تهريج
مافيش غير انه يعمل انقلاب بقى ومش معقولة بقى الجيش يعمل انقلاب تاني ويجيل لنا ديكتاتوريات تاني ونفضل نعيد الفيلم من اول وجديد كل شوية
ثم ان الجيش ما عندوش الامكانية دي دلوقت على ما اظن
متهيالي تلاتين سنة سلام طرموه كويس وخلوه عذراء الربيع

اما بخصوص احنا مطالبنا شوية ديمقراطية وحرية ولحمة مرتين في الاسبوع

دي مطالب مين حضرتك دي؟
دي مطالبك انت بقى
مطالبي انا ممكن

الناس اللي بنتدهس في الطابور ماعندهاش مانع تتفشخ ديكتاتورية بس تاكل
ومش مهم لحمة
اي اكل وخلاص
حاجة بؤس يعني حتى الاحلام ما بقوش يقدروا عليها
يا مؤمن ده مرة سألت بت في العشوائيات نفسك في ايه قالت لي ولا حاجة
قعدت ازن لحد ما قلت لها طب لو متي ودخلتي الجنة نفسك في ايه
قالت لي حنفية مية
والله العظيم تلاتة
مش عارفة الانسان لما يوصل للمرحة دي ممكن ينفجر وللا خلاص
ما يتهيأليش يا مالك حد ح يعمل حاجة
اقصى حاجة الناس ح تقتل بعض على لقمة عيش
واهي بتتقضى

بجد مفيش فايدة انا معاك في كل كلمة بس حتى لو الناس جاعت واتبهدلت مفيش حد هيتحرك الناس ده مش بس سرقتنا ونهبتنا دول زرعوا الخوف والرعب في كل بني أدم مصري حتى الأطفال بقوا جبناء وراضيين بالعيل الأكبر منهم لما يضربهم وياخد منهم أكلهم.
مفيش حاجة هتحصل..
بجد انا يائس ومتخيل انهم هيفضلوا يمصوا دمنا كده لحد ما نخلص

كلامك حلو قوي.بس صدقني يامالك الناس عندها جبن ويأس مشفتوش قبل كدا. مش هقولك الناس الكبيرة هي الي خايفة دي الشباب الي خايفة تجي تكلم اي حد وتقلو انت مابتعترضش ليه. ليه مبتحولش تطالب بحق ليه بتسيب الناس تبتزك وتاخد منك روشاوي ليه مبتفكرش تطلع مظاهرات.يوقلك ياعمي ما كله بيسرق هو المظاهر يعني الي هتحل
والناس الكبيرة يقولك خلينا في اكل عيشنا.
الناس يمكن خايفة بس خوفها زيادة عن اللزوم والخوف ده معاه يأس عارفين انهم لو اتكلمو علي المعتقل وهيتفشخو هناك.فبقي عندهم يأس واحباط.
في جزء بداء يطالب بحقوقة لكن الاغلبية حابين ياخدو علي قفاهم
اتمني ان يحصل وعي شوية والناس تتحرك اكتر
وعلي رأي حملاوى
الثورة قادمة

بس تفتكر امتي ؟؟؟؟؟؟؟؟؟؟؟؟؟؟؟؟؟

والله يا مالك قلتهالك ف التعليق اللى فات ... هى خلاص باظت وخرجت من ايديهم ... اضرابات فكل مكان اساتذة الجامعه الاطباء العمال كله القضاه كل الشعب تعبان
ف المحله الدكاتره كانوا بيتظاهروا عشان الكادر الخاص المرضى شافوهم وقفوا يتظاهروا معاهم عشان الغلا ... الممرضات سمعوهم نزلوا بيطالبوا برفع ملارتباتهم

هما باعوا كل حاجه ومعندهمش حلول وحاسس انهم مش عايزين يحلوا
عندى احساس ان اللى كان بيخططلهم زى اسرائيل مشغوله ف حزب الله اللى طلعلها زى العفريت و غزة و صواريخها
وامريكا مطحونه ف العراق وعلى وش انتخابات
مش عارف ممكن تكون خيالات عندى بس حاسس ان النظانم العميل ليه نمش لاقى د يضبطله الدنيا
زى ما تكون حاجه من ربنا
الحكايه خلاص هربت

ااتحداك وهتشوف ان معظمهم بيظبط شنطة هدومه علشان يبفك على اول طياره ..االثورة او " الفوضويه " جايه جايه"

ومع اول ارهاصه ليها ولا هتشوف ولا واحد منهم

احنا بقالنا كام سنة بنقول البوقين دول؟
أنا بيتهيألي قلناها قبل كدة!

بس المشكلة انه اللي بيقولوها مش هم هم اللي بيموتوا من الجوع، اللي بيموتوا دول بيموتوا من سكات، واللي بيتكلموا كمان مش هم اللي بيقتلوا غيرهم عشان ياكلوا..