طبعا في كلام لطيف ممكن تقروه عند واحدة مصريةبس انا هنا ممكن نتكلم بكرة ممكن تعمل ايه في يومك,حاول من النهاردة لو تعرف توزع البيان دااطبع منه 50 او 100 نسخة ووزعه في الحته او المنطقة بتاعتك,او حتى في عمارتك بس,الزقه على البوابة او حتى على البلكونة.وانت رايح تشتري سجائرك او شايك او على القهوة,اسئل الناس عن حتعمل ايه بكرة,وحاول تتكلم معاهم عن بكرة,متكبرش المسئلة وتفكر ان الثورة حتقوم بعد بكرة,بس حاول طول الوقت تفهم ان دا حيخلي الناس تحس انها بتعمل حاجه مفيدة,حتى لو بالقعدة بالبيت,طبعا اللي حيقدر ينزل اي مظاهرة من المظاهرات المعلن عنها حيبقى لطيف.
لو قلبك خفيف,ومش عايز تنزل مظاهرة,ممكن تنزل بكرة تتمشى في البلد,وتصور الاحداث,وتتكلم مع الناس,اسئل اسئلة غبية من قبيل هو في ايه النهاردة,الامن ياما ليه في البلد,او انك رحت بنك ولقيت نصه فاضي مثلا.
حاول طول الوقت انك تشوف ردة فعل الناس,حاول تفهم الناس اللي تقدر تتكلم معاهم,مالهوش معنى الاعمال البطولية,بس حاول تكون مركز وفاهم ايه اللي بيحصلك حواليك.
اضراب بكرة,عشان العمال في المصانع ,خاصة عمال غزل المحلة,عشان الاسعار,عشان انت وانا وغيرنا زهقنا من حال البلد,مش بس السياسي,لا وكمان الاقتصادي,رغيف العيش اللي اصبح حلم كل مصري,قزازة الزيت اللي بقت اغلى من ثمن ثلاث علب سجائر ال ام ابيض على بعض,اللحمة الأرز الخ.
الدنيا لسه حلوه,مهما شفناه سوداء,واحنا لسه شعب طيب مهما كنا وسخين في وقت ما,مش مهم بكرة يحصل اي حاجه,المهم ان الناس بتتحرك,والناس ماماتش ,الناس مماتش يابن المره ياللي ماسك السلطنة,بجيشك بجنودك,بمخابراتك,بامن الدولة وامنك المركزي,وبكل كلابك,لا بلاش كلاب,الكلاب مخلوق لطيف حتى لو كنت بكرهه,حتى ديدانك,حتى فيروساتك,حتى كل امراضك اللي بتمشي على رجلين.
كلمة اخيرة
الخوف هو اكبر عدو ,من حقك تخاف,بس لازم تتحرك.