مبقاش عندي المقدرة اني اقرأ تدوينات طويلة,بقالي سنين مش بعرف اقرأ شعر,يادوبك حداد"فؤاد,امين"ودومتهم,مبقتش اعرف اقرأ تدوينات الاي اوف اح,والالم المتواصل في ذاكرة كل عاتشفي او عاتشفيه,يا اخوانا مادام معندكمش كلام جديد,وغير اللي فات,بتكتبوا ليه ؟
لو متألم اكيد في حد في نفس الشارع بيتألم اكثر منك,فمتبضنش علينا وتحسسنا انك شهيد الغرام الاول والاخير.
لو بتنظر وبتفلسف وجهات النظر المختلفه,تأكد ان في كل شارع في مدينتك حد حيفلسف وينظر احسن من اللي خلفوك.
لو قررت تكتب شعر عن الخرم الاعظم,او الفتحة المدورة الكونية,تأكد انك مش حتكتب جديد.
لو سمحت,متبضنش عليا وتقولي اقرأ لي حاجه,او تشاركني على جوجل ريدر بحاجه,بنت دين كلب بيضان لأني مش حتحترمك ولا حلتمس لك اعذار عشان انا غبي ومش بشارك حد الامه الكونية وانت فعلا مش فارق معايا مقدار المك ايه.
في النهاية اكثروا من تناول الفسيخ,وقللوا من البيض,فالتسمم يقتلك وحدك اما الغازات فهي تقتل كل من حولك.
ولو سمحت متفسيش جمبي