هو اية الليزر لينك الي بتقولوا عليه دة يخويا؟؟؟

دي كاميرات ياجماعة مش ليزر لينك ولا حاجة.وتسلم ايديك يامالك علي الصور كدا الواحد يمشي وهو مبتسم علشان الصورة تطلع حلوة .فكرة الترترة مش ظريفة خصوصا الكاميرات في اماكن حيوية احنا ممكن نعمل حركات بصوبعنا بيتهيألي هتبقي اظرف : )

http://www.almasry-alyoum.com/article2.aspx?ArticleID=112496

http://www.dostor.org/?q=node/8570

الكاميرات دي من ضمن اكسسوارات قانون المرور الجديد
اذا كانت كاميرات فتبقى هي اللي جت في الخبر

أعتقد أن الأمن بيحاصر المظاهرات بسرعة من قبل ما يكون في كاميرات،

مافيش شارع في مصر ما فيهوش مخبر ماسك لاسلكي.

و كل كوبري عليه عسكري، و\أو مخبر

دا ما يمنعش برضو أن ممكن يكون فيه اتجاه للاعتماد على الكاميرات

كنت سمعت من فترة أن المرور مثلا بدأوا يستخدموا الكاميرات لمراقبة المحاور و مناطق الكثافات المرورية

عموما الداخلية ميزانيتها تسمح بأكثر من كدا

ما هي شغالة فرض إاوات على البنوك علشان تحط عسكري قدام كل بنك و كل مكنة صرف.

ما أخدتوش بالكم من ترقية الهاردوير ال حصلت من سنتين؟ نسبة اللاسلكيات زادت و وصلت لرتب أقل من العساكر في بعض الأماكن، و أسلحة الأفراد حدثت.

لكن الكاميرات ال حول مناطق السفارات عادة تكون تابعة لأجهزتها الأمنية

أما أجهزة الحكومة الأمنية فممثلة في العسكري ال في الكشك و المخبر أبو بدلة مدني و رشاش قصير

ال كلام ال المكتوب في الصفحة دي يدخل تحت نطاق الإرهاب الالكتروني حسب التعريف ال الحكومة عاوزة تزقه، وحضراتكم كلكم إراهبيين حسب القوانين ال نفسها تعملها.

بص يا مالك دى مش كاميرات مراقبة دى ليزر لينك بتركب علشان تعمل ترانسميشن بين محطات المحمول المايكر و الماكرو

بس على فكرة فى اتفاق بين موبينيل و جهة سيادية انها تعلق على ابراجها

أبراج موبينيل يعنى كاميراتCCTV
و ده حصل فعلا فى الموقع اللى فوق

مصنع فى بداية الطريق الزراعى

و موقع فى مدخل طريق السويس و تقاطعه مع الدائرى

و موقع فى مدخل الاسماعلية و على المحور اللى جاى من طريق اسكندرية

أتمنى يا مالك تكون فاكرنى قعدنا جنب بعض فى اتوبيس نقابة المحامين

و احنا جايين من سراندو

و كمان عند الجامعة الأمريكية
في الحارة الموازية لمحمد محمود ورا ماكدونال

و كان في ناس بيكونوا موجودين في سطوح العمارة اللي فيها الكاميرا لما كنا بنكون بنعمل مظاهرات او
sit in

حتى لو مالهاش دعوة بي البلد!

الي متعرفهوش يا مالك ان كمان المناطق الي عند وزارة الدفاع في م نصر
توفيق و النزهةو المرغني كلها متراقبة و فية كميرات
مراقبة

كل كلامك تافه ومواضيعك تافهه زيك

طبعا الفرق ما بيننا و بين اوروبا واضح جدا

إضافة إن ، اللي انت مصورها دي كاميرات ظاهرة ،
لكن فيه حوالين بيوت ناس مهمة ، و سفارات و كده ، كاميرات مخفية جوا يفط محلات

اظن ده عيب قوي ، افرض واحدة نازلة من عربيتها و بتعدل عدومها؟
او واحد بيحط صباعو في مناخيرو و مش عاوز حد يشوفه؟

أظن ده حق دستوري مكفول

يقال إن لندن أكتر بلد فى العالم تحت المراقبة الدائمة - السيرفلانس - من الأخ الأكبر اللى هو الجهاز الأمنى الحساس إياه بتاع الحج الكبير، الأخ الأكبر ده مصطلح لذيذ ابتدعه الكاتب العظيم جورج أورويل - اللى الناس ساعات بتقول انه كان ابن وسخه ولا عظيم ولا حاجه بس ده مش موضوعنا - فى روايه م الروائع اسمها 1984 عن بلد بيحكموها بالمراقبة الدائمة والقهر البوليس والتجسس اللى بيربوا الناس عليه حتى العيال بتتجسس على أهاليها ووصلوا انهم ركبوا اجهزة فى كل مكان تراقب البنى آدم اللى يخرج عن السلوك المسموح بيه وبيراقبو الفكر وبيعدلو الاحداث فى التاريخ كل يوم. المهم لندن فيها كاميرات تقريبا تقضى عدد السكان اللى فيها وتفيض
وبيقولو إن البنى آدم بيتصور فى الدواير اتليفزيوينية المغلقة المخصصة للمراقبة فى الشوارع والمحلات والمبانى فى المتوسط تلتميت مره فى اليوم. وزى ما الحاج مالك بيقول فيه حركة حقوق مدنية ضخمة بتعارض ده وبتدعو للكف عنه رغم كل دعاوى الأمن ومحاربة الإرهاب وتفجيرات لندن وكل ده، الحركة دى مابتسكتش وبتحاول تثبت إن الدواير التليفزيونية دى بتنتهك خصوصية الأفراد والخصوصية ده تعريف قانونى واضح لا يمكن لضابط علق مهما كانت رتبته إنه يخدشه أو يناقشه أو يضرب بيه عرض الحيط زى عندنا، المهم بعد هجمات سبتمبر زادت عمليات التأمين ومعاها زادت الكاميرات وثبت إن استخدام الكاميرات دى ساعات بيبقى لأغراض غير قانونية وقانونية يعنى موافق عليها من المجلس التشريعى وصادر بيها دليل عمل مش هليلى ومراقبة لصالح أشخاص، ونازلين تجريس فى كل أنحاء أوربا وأمريكا فى اليمينيين والبوليسيين الحكام، واللى فاكر وزير العدل اشكروفت والراجل بتاع الأمن الداخلى بتاع أمريكا وازاى فضلوا يجرسو فيه رغم سيطرة قصة سبتمبر والارهابيين اللى بيتحركو بحرية، يعنى فيه حركة حقوق مدنية بتحاول الحفاظ على حقوق الناس فى الخصوصية وعدم الانتهاك وحركة مضادة حكومية بتتزرع بمكافحة الارهاب عاوزه تشوف الناس بلبوص طول الوقت، وابقو راجعو للتاريخ حكاية استقالة نيكسون، وده اللى حاصل هناك، هنا ماحدش بيناقش، طب قولو لوزير الداخلية انت عندك دليل استخدام يضمن ان الافراد اللى بيطلعو على الناس دول مش هاينتهكو خصوصيتهم، هايقولك احه هو انا فاضيلك ما تبقوش تمشو فى الشارع، فاكر التليفونات وفضيحة التجسس على مواطنه كانت بتشتغل عند ساويرس واختلفت معاهم ففضلوا يراقبو اتصالاتها ولما اتسأل الوزير قال محدش يبقى يستخدم التليفون لو خايف من المراقبة. حتى الاورساخ بتوع الامن والارهاب والكفته فى أوربا وأمريكا عندهم نظم وقواعد وبيستأذن وبيخلق شرعية للمارسة دى، وأنا السنة اللى فاتت فى الخارج اللى هو حتتين فى أوربا وأمريكا يعنى لاقيت التاكسى مكتوب عليه تحذير على الباب قبل ما تركب، السيارة مراقبة بدائرة تليفزيونية، ده احترام لخصوصيتك مش عاجبك ما تركبش
. بس مش تركب وتتصور وانت نايم على ودنك.
عاوز أضيفلك على قايمة الصور الآتى

كل المبانى الحكومية فى وسط البلد عليها كاميرات مراقبه، تقدر تشوفها بوضوح على مبنى ماسبيرو ومبنى الخارجية على الكورنيش والجامعة العربية ومبنى الاتحاد الاشتراكى ومبنى الخارجية بتاع التحرير والمتحف المصرى والمعهد الدبلوماسى ومجمع التحرير ودول مش أقل من ميتين كاميرا موزعين فى كل الأركان بيغطو منطقة الكورنيش من عند أبو العلا لحد جاردن سيتى ودايرة ميدان التحرير بكاملها، ده نموذج بقى بيتكرر فى كل مكان فى منطقة وسط البلد تحديدا، والكاميرات المستخدمة متعددة البؤرة وبمستوى دقة عالى وأظنها بتسجل على شرايط عالية الدقة برضو عشان يعملو زووم على الوش من بعيد وقت ما هما عايزين. وطبعا ماحدش يقدر يناقش ليه بيحمى مبنى حكومى، ده منطقى، رغم المبالغة فى الحماية، وده بيزنس ومبيعات بقى والله يسهل لعبيده، ومش عايزين نتكلم طبعا عن مبانى الحكومة اللى بلا أسوار فى الخارج أو أحقية المواطنين فى دخول أى مبنى حكومى بما فيها البيت الأبيض. ده لساه بعيد شويه عن شنبنا، المهم هل هاتبقى فيه فى القاهرة حركة حقوق مدنية تقول ماشى مش شملكة إنكم تراقبو الشوارع، ماشى عارفين ان فيه هجمات ارهابية حصلت فى ميدان عبمنعم رياض وميدان التحرير وعند المتحف وعند الجامعة الامريكية، أمن يا عم براحتك الأمن مش عيب، بس من فضلك ادينا ضمانات عدم انتهاك الخصوصية وعدم فساد الاستخدام لهذه المعلومات الحساسة، وقولنا إيه قواعد العمل الملزمة اللى عندك عشان لو جالنا خبر ان موظف مهما كانت رتبته استخدم الكلام ده فى انتهاك حقوق الناس أو خصخصها لجيبه وخلص بيها خلافات شخصية نبقى نجرجره فى المحكمة. طبعا دى معركة خسرانه فى بلدنا العمرانه

بس حلوه يا مالك لعبه انتو تصورونا واحنا نصوركم
بتفكرنى بفيلم عدو الدولة
إينيمى أو زا ستيت
فاكره

الى انت مصوره ده يا مالك
gsm antennas and laser link
بتاع الموبايلات , دى مش كاميرات
دى وصلات الشبكات بتاعة الموبايلات
===

السؤال بقى
مين العرص ابن العرص
التافه ابن التافهة
الفاضي ابن الفاضية
اللي بيقعد قدام الكاميرات دي ويتفرج على الناس رايحة جاية وفي الاخر ياخد مرتب من ضرايبنا على اساس انه بيشتغل يعني؟

الا انت بعت لي رسالة بتقول لي اوعي ليه؟
انت ح تنقل لي مخي انا شاكاكة وباصدق اي حاجة وحشة

فيه ايه؟

welcome to the future. دا عادي في كل دوله ايوروبيه