آه معلش..نسيت اكمل كلامي معلش التركيز بقى..
لو انت واحد مش المسيطر على ذهنك مشروع معين ولا تصور نهائي..بديهي يوم ما هتتحرك هتتحرك لأهداف أخرى..

يعني انت دلوقتي عامل..لانتا شايل فوق دماغك مسؤولية (الأمة) مثلا ولا انت مشغول بـ(هم الوطن) لكن عايز تاكل..أكيد هتتحرك مع العمال الباقيين اللي واقعين في نفس ظروفك!

طبعا ساعتها أصحاب المشاريع يبتدوا يظهروا ويسوقوا لمشروعهم البديل كحل جذري، وكمان يحاول يكسب نقاط من الحركة الموجودة..عادي يعني لكن أكيد صاحب المشروع كان موجود بغض النظر عما لو كانت حقوق العمال مهضومة ولا لأ..وأكيد مطالبه مش واقفة على كدة انما عنده تصور أوسع وهدف..ممكن نقول أبعد..

نفس الكلام يتقال عن كفاية بصورة أخرى..أصحاب المشاريع دي اتفقوا في نقطة أو مطلب..عملوا عليه حركة لكن متخلوش عن التنظيمات الأساسية الخاصة بيهم..دي كانت شئ جانبي حاولوا منه انهم يكسبوا نقاط ويدوا فرصة لطرح مشاريعهم البديلة..

والتيار اللي بالك بال نوارة نجح لحد بعيد يبقاله مساحة أوسع مكنش يحلم بيها يمكن في الشارع..وتيارات أخرى فشلت في الظهور في المشهد تقريبا رغم انهم وانهم والكلام الكتير اللي بالي بالك..

وخلاص خلصت -تعتبر- ولا زال كل واحد بيطرح مشروعه لسة..

ازيك يا مون شير بك :)

شوف يا باشا هو حسب..
لو انت أصلا صاحب مشروع (أيديولوجيا تهدف للهيمنة) يبقى بديهي أقول لك تتعامل مع أصحاب المشروع..ده ينطبق على كل الاسلاميين تقريبا..باقول تقريبا عشان افتح الباب أمام الاستثناءات ان وجدت بس :)

ينطبق كمان على العلمانيين العرب، الليبرتاريين، الليبراليين العرب كمان..احنا كعرب عموما أقدر أقول لك اننا حتى الفكرة القائمة على الفردية بنروح نعمل عليها جماعة وحتى الفكرة القائمة على التحررية الكاملة بنسعى لفرض نسقها الخاص على المجتمع بتاعنا، أنا شايف ده طبيعي أصلا في أي فكرة تطلعها من سياقها سواء المكاني أو الزماني..حكيت لك قبل كدة اني باتقبل السلفيين في السعودية..لكن اتفرج في مصر واضحك..

سلملي عاللي عندك.. ;)

فكرة التنظيم هي قلب السياسة من غيرها تحتاج الأفكار الكبيرة لسوبرمانات عشان تتحقق. البشر بقوا بشر من بعة ما قرروا يتنظموا والسياسة بقت سياسة بظهور العمل الجماعي. الخوف من الفشل التنظيمي وفكرة التحزب والتصنيف هو خوف مرضي لا يفيد، كفايه تنظيم عبقري لم تقتله ٌإلا الفردية والرغبة المحمومة في النجومية علي كبر اللي اجتاحت البعض. بدأ التنظيم بفكرة بسيطة جامعه ودون تفلسف معقد مما مكن مجموعات كثيرة من الاجتماع علي فكرته وتمكن التنظيم ده من كسر عدة حواجز وتابوهات. هل من الممكن لعاقل انه كان يفكر ان فيه تظاهرات هاتخرج للشارع قبل ٢٠٠٥ اللي يقول كده يديني مثال واحد علي مظاهره خرجت للشارع. كل التجمعات الفئوية الاصغر شربت درس كفايه وعملت مجهودها الخاص بعضها نجح زي المحلة واجريوم والعقاريه وبعضها ما نجحش زي مئات المحاولات النقابية والمعلمين والاطبا وتسعه مارس. لكن في العموم فكرة التنظيم الاحتجاجي مشيت وحركت السياسة في مصر. كفايه كانت شاطره برضو في فكرة التنظيم غير الهرمي واعتمادها علي حركات تابعه لمظلتها دون تبعية هيراركيه. انتج ده عشرات التنظيمات الصغيرة اللي بتسعي ورا نفس الهدف وعمل مرونه حركيه كبيره. بس روح الانشقاق الستيناتيه والرغبة في النجومية وكفاءة أمن الدولة في دس الجواسيس والمخبرين واصحاب المصالح علي الحركه والملل اجتمعوا هما الاربعه علي الحركه وهبطوا بيها الارض. لكن كفايه كفكره لسه عايشه وهاتقوم تاني ربما باسم جديد. فكرة الحركه اللي تقوم بثوره بيضا شعبيه لساها فكره جباره. هي اللي بتخليكو من ان لاخر تحنو لفكرة التنظيم القادر علي التغيير. عارفه يا نواره قوة مثل هذه التنظيمات في ايه. في انها حولت الفكره اللي نادي بيها افراد منفردين لسنين طويله وبح صوتهم لواقع ملموس اللي ري شافه وعاشه. الافكار مهما بلغت عبقريتها لو ما ركبتش علي قطار حركه مش هاتعيش. ارسطو اتكلم زمان عن البراكسيس. فلسفة الحركه ومنظري الثوره في العالم من بتوع الثوره الحمراء للاهوت التحرير لحركات التحرر الوطني للثورات البرتقاليه للثوره الاسلاميه وغيرها فهموا المسأله الحركيه في الصراع مع سلطه يرفضونها وكونوا ثقافة تضامن وتغيير اجتماعي ابعد من مجرد قلب السلطة اللي رافضينها. العولمه جت ومعاها فكرة استحالة التغيير اللي صابت الناس بالخمول واليأس لكن برضو فيه مضادات للعولمه من حركة البيئة لحركات المرأة للحركة الحقوقية لتحولات الاشتراكيه الجديده في امريكا اللاتينيه جت تنفي هذا اليأس من التغيير. لاحظي ان كلهم تنظيمات وحركا مش فرديات

الناس بتتكلم عن الايديولوجيا بمعني الافكار المغلقة وده مش صحيح تماما وبتتكلم عن اننا في عصر مش ايديولوجي وده برضو مش صحيح تماما. بن لادن ايديولوجي من الطراز الاول زيه زي رفيقه بوش والاتنين منطلقين من بنيه فكريه مغلقه وصوره للعالم محدده ويوتوبيا يسعيان اليها. علي الجانب الاخر فيه اياديولوجيات مفتوحه واكثر انفتاحا قلنا بعضها. الاشكال ان الصراع الايديولوجي مش واضح. كان الاول الصراع الايديولوجي وراه قوي عظمي بتصدر رؤاها للعالم وبتسعي لسيطرة افكارها بكل الطرق المسأله خفت مع سيطرة امريكا وتحول الناس لصراع ايديولوجي مفتت معاها صحيح كلهم بيحابو رآسماليه امريكا المتوحشه بس الصراع اوضح علي ناحية المصالح منه علي ناحية الافكار.

طب سؤال مالك يستاهل نفكر فيه
نتنظم وفق ايديولوجيه ولا تلعب ون مان شو
التنظيم محتاج فكره جامعه واحنا في حالة ملل نتيجه فشل حركات ٢٠٠٥ ونتيجة سيطرة المطالب الفئويه اللي لسه ما نضجتش عشان تتحول لمطالب عامه تجمع المختلفين ونتيجة قسوة النظام ونجاحه في احكام قبضته الامنيه واجهزة مسح المخ بتاعته. طب المسأله مستحيله
لا فيه امل ان الحركات الفئويه ترتقي لحركات عامه وان الواقع السياسي يشهد ازمه دافعه تحرك الناس. اه يا نواره لسه الناس ما وصلتش لحالة الخنقه رغم كل اللي بيحصل. احنا علي ابوابها بس لساها ما حصلتش. ممكن تحصل ببساطه نتيجه لحركة تململ داخل مؤسسه مسيطره او انشقاق داخلها وممكن تحصل بوفاة مبارك واختفاء شخصه اللي بيجمع المؤسسات المسيطره والمتحالفين معها ويحس الناس ان الوضع اكثر ملائمه للهجوم علي النظام وممكن ما يحصلش ده خالص.

اللي احنا مفتقدينه هو كفايه جديده ولحظه مواتيه تانيه زي ٢٠٠٥ المهدره
قولوا يارب نلاقيهم قريب

واوعدكوا مش ح اخنقكوا تاني

مالك مصطفى قال الجملة دي: الاضواء,ساعات بتحرق,مش لازم تلمع طول الوقت,بنصح بسلاح التلميذ

اللي لو تسمحوا لي اقول انها من الجمل اللي ح تعيش عبر التاريخ او هكذا ظني

الناس كلها اهتمت بالشق الاول
بس انا اهتميت اكتر بالشق التاني

بنصح بسلاح التلميذ

خلاص ما بقاش ينفع ان حد يقول للناس يعملوا ايه

ده كان ينفع من اربعين سنة وما بقاش ينفع دلوقت

كلنا نمسك سلاح التلميذ

بس عشان ما يتفهمش اني لما باقول فيه ناس بتشتغل بعقلية الستينات عندنا اني باقلل من قيمة الستينات او باتريق عليهم

بالعكس الستينات كانت فترة محترمة جدا في القرن العشرين وكان فيها حركات ثورية نقية وحقيقية ومحترمة الى ابعد الحدود وان كانت دوجما
بس على فكرة الدوجما رغم انه متحجر الا انه فعلا بيبقى نقي وملتزم

انا اللي اقصده لما باقول الستينات
ان الوضع دلوقت مختلف جدا في الستينات كان فيه توازن قوى وكان فيه فرصة للناس اللي مش عايزة تتعك انها تتعك

وكان فيه فرصة ان اللي عايز يعمل تنظيم زي ما الكتاب بيقول ويمشي بقائمة يجوز ولا يجوز طول الوقت انه يعمل كده

لكن دلوقت نظام الخرا العولمة اللي احنا فيه سيح كل حاجة على بعضها وبقت التنظيمات بمفاهيمها السابقة مستحيلة وفعاليتها قليلة جدا

اللي بيضرب مثل بالاخوان المسلمين اللي مفروض انهم منظمين تنظيم عالي جدا

طب عملوا ايه؟ النتايج بتاعتهم شكلها عامل ازاي؟

دلوقت النقاء الثوري الجمعي التنظيمي بقى مستحيل ح يتعكز على ايه؟ ولا نظام العولمة مديله فرصة انه يتعكز على نفسه ولا يقدر يتعكز على حد غيره ويدي النقاء والالتزام

ده غير ان نظام العولمة مش عدو لسين او صاد من الحركات السياسية

لانه ولا حتى نظام رأسمالي...دي مش رأسمالية دي اللي بتحصل

فما ينفعش تيجي تقول انا اشتراكي او اسلامي او شيوعي عشان انا ضد الرأسمالية الامبريالية اللي بتمثلها العولمة
لان لا دي رأسمالية ولا دي امبريالية ولا حتى يمينية زي ما الاستاذ عمرو بيشير

ثم اننا كلنا شئنا ام ابينا مشتبكين مع النظام العالمي الجديد وما نقدرش ننأى بنفسنا عنه في الوقت الحالي على الاقل
ح نروح فين طيب؟
ولا كوريا الشمالية وايران يقدروا يدعوا انهم مش ضمن منظومة العولمة

خلاص ده الواقع
واقع مهبب ومطين
بس من الحل اننا نعمل زي الاطفال وندفس راسنا في المخدة ونعيش في زمن كان احسن بس مش ح نعرف نجيبه تاني على الاقل في الوقت الحالي

لازم ندور لنفسنا على اليات اخرى بدل ما كل واحد عمال يدور له على شمسية يقف تحتها واصلا غول العولمة ح يبلع كل الشمسيات دي في ظرف كام سنة

وبقى كله داخل في نظام التجارة
بما فيهم جيفارا نفسه اللي بقى يتباع على المجات واتحول الى سلعة استهلاكية

ما بقاش نافع كده
لان الصراع ما بقاش كده

الصراع بقى ما بين الناس الدنيا حطتهم في وضع المأكولين - ايا كان انتماءهم ودينهم وافكارهم وخفة دمهم او تقل دمهم مش دي القصة - وما بين اكلين برضه ايا كانوا

يبقى ما تجيش بقى تقول لي المأكولين دول يقسموا نفسهم تنظيمات ويشتغلوا على التجنيدات مش ناقص غير تقول لي يوزعوا منشورات ويكتبوا بالحبر السري

ما بقتش تنفع كده

ما تجيش مثلا تقول لي الكويت على سبيل المثال وانا مختارة مثال عارفة ان فيه ناس كتير ح يغمى عليها منه وعشان كده اختارته
ما تجيش تقول لي دي نظام رأسمالي ولازم نفكر ازاي نقنعهم بعدم جدوى الرأسمالية ونوسع الوجود اليساري فيها

عشان فعلا فعلا بقى الكويت عندهم معاناة الترف والاستغلال والعبودية العولمية الجديدة بجنون ومش مشكلتهم في الرأسمالية مشكلتهم في انهم مزنوقين في النظام ده

يعني ما بقاش الضحايا الفقرا بس بقى فيه من الاغنيا ضحايا كمان

ودي بقى اللي جديدة
انا مش فاكرة ابدا في كل كتب التاريخ اللي قريتها ان الاغنيا بقوا ضحايا غير في الوقت الحالي

يمكن تكون حصلت وانا مش مضطلعة على الحادثة دي او انا فاتني تحليل سليم

ما اعرفش بالنوسبة للتحليل التاريخي

لكن بالنوسبة للواقع اللي احنا عايشينه بقى فيه اغنيا ورأسماليين ومستغلين وضحايا ومزنوقين ومحتلين فعليا ومعنويا

وبقت ظروف كل بلد، بل كل فرد، ما تسمحش بانك تطرح له كام كلمة فاضية وكام اصطلاح وتفبرك حلول المشاكل قوام

بقت المعاناة اكثر ديمقراطية وقابلة كل التيارات والتوجهات والافكار والاديان واللا اديان كمان

زي ما حسن نصر الله قال
:p

كل احرار العالم
بمعنى كل اللي مش قابل انه يبقى عبد الكريدت كارد او الجوع او الاستغلال باي شكل من الاشكال

هي التنظيمات مهمة
ايد لوحدها متسقفش ولا تعمل حاجة
و اللي يفكر لوحده خالص من غير ما يكون بيعرف يفكر من الناس يبقي مجنون و بيخرف

لكن ملهاش لازمة لما تبقي

منضمين ليها عشان فاضيين و عاوزين ننضم لحاجة محسسانا ان لينا قيمة
فيلمproject:mayhem زي الناس اللي انضمت ل
fight club
المفروض انا = انا
مش انا يساوي اشتراكي علماني او اي صنف معين
انت مش صنف

منضمين ليها عشان نتخانق و منعرفش نتفاهم مع بعض و كل واحد يحكم رايه في حاجة و ينسي الهدف الرئيسي اللي منضمين للمنظمة عشانه

منضمين ليها عشان نتفق كل يوم علي حاجة و ساعة الجد منعملش حاجة
سواء معملنهاش عشان ما اتفقناش كويس و غطينا الموضوع
او لاي اسباب تانية

منضمين ليها مجاملة لشخصية كاريزمية بنقول وراها حاضر من غير ما نفكر عشان مبهورين بيها

و اوسخ حاجة
لو معندناش ثقة في بعض في المنظمة و كل شوية نكفر نغلط نستخون\ل بعض

في كل الحالات دية المنظمة ملهاش لازمة و بتستنزف افرادها علي الفاضي

انما لما المشاكل دية تكون قليلة
وقتها المنظمة بتكون اداه للتغيير و تنمية افرادها في نفس الوقت

عشان ما اخرجش عن الموضوع
التنظيمات العقائدية الفكرية
.زي ماقالت نوارة

.ده غير تفضيل البعض منهم لنضال المكاتب وطبعا غير الاختراقات الامنيه المعروفه

و زي مابيقولوا الشيوعين العمل معا والسير منفردين

التنسيق و التنظيم عموما مهمين، إلا لو انت مؤمن بالحل الفردي--إنك تمشي حياتك و تتقدم لوحدك و خلاص. على أساس إن دا ينفع أصلا.

الوضع الأمثل إنك تعمل الاثنين. تشتغل على نفسك و مع الناس ال قريبين منك، و في نفس الوقت في تبقى حريص على التعاون مع آخرين في شكل أكبر فضفاض، ال كانت كفاية المفروض تبقاه. و تعمل حسابك إن كل لما بيتحقق تقدم الفرز بيزيد. يعني مثلا، انت شيوعي بس المفروض تشتغل مع الغد و الشباب بتوع 6 أبريل على الديمقراطية، و مع الإسلاميين على التعذيب و سطوة الدولة--المفروض يبقى دا ملعب الإسلاميين لأنهم أكثر المتضررين. هم حاليا سايبين دا لليسار--و تبقى تختلف مع الإسلاميين بعدين.

طبعا صعب و محبط.

أنا رأيي انه كل واحد يشتغل لوحده,وممكن في وقت ما الناس المتفرده دي تجتمع على هدف ما في وقت ما
ده هيكون فيه مصداقية اكتر من انه الناس تتجمع وبعدين تدور هتتفق مع بعضيها ازاي
لأنه الصراحة فيه كتير من التجمعات دي بتبقى لتكوين علاقات ومصالح اكتر منها عمل من اجل قضية
الواحد يشتغل على قضية وينمى نفسه وبعد كده اذا احتاج حد معاه هيلاقي المتفقين معاه
السؤال حلو
كل سنة وانت طيب

فاكر لما قلت لك الناس وصلت لمرحلة من النضج تخليهم يبقوا سينجل مذر؟

بصراحة التنظيمات البيض دي اصغر بكتير من نضج الناس
بجد
يمكن في مرحلة الانسانية كانت محتاجة التنظيمات لكن دلوقت بصراحة مافيش حد بيحترم دماغه ينضم لتنظيم مع الاعتذار لكل اللي في النتظيمات
بس انت تحول نفسك من انسان تفكر وتتغير وتبدع لروبوت تشتغل في اطار مرسوم لك حتى لو كنت رئيس التنظيم

اسمح لي بحاجة كمان يا مالك برضه مع احترامي لولعك الشديد بالتصنيف

بس برضه مافيش في العالم دلوقت مثقف محترم بيصنف نفسه يسار وللا يمين شيوعي وللا راسمالي

دي برضه موضة ستيناتية خلصت خلاص

مافيش حد بيعمل كده غير في هذه المنطقة المتخلفة من العالم
لكن في العالم ماحدش بيظبط دماغه على دماغ واحد او مجموعة ما

دي عيبة كبيرة والناس بتتريق على اللي بيصنف نفسه وبيعملوا عليهم افلام كمان كوميدية

اععععععععععععع
انا باكره التنظيمات عمى عمى عمى عمى عمى
بتعمل للبني ادمين يونيفورم لمخهم وتخليهم كلهم بيتكلموا بنفس الرطانة وبتخنق الابداع وشكل جديد من اشكال العبودية

انت مش شايف مثلا ان من المفترض ان الناس تشتغل على قاعدة فكرية متشابه
كلامك ده بصراحه ما ينطبقش غير عالاخوان الاكثر تنظيما وتمويلا لكنهم في النهايه فاشيست ومش هايقبلوا اي تيارات اخري لانهم اساسا رافضين وجودي

على حسب الظروف...لو فيه اماكنية تجمعهم على خط واحد من البدياوة فده افضل واوقى واحسن بكتير

لكن في احيان تجتاج زي العراق كده...تتفرق على تنظيمات متعددة ....وفي الاخر اما يتهيأ الموضوع تتجمع على خط واحد وقيادة واحدة

بس على ايديولوجية صحيحة مش ايديولجية بايظة قائمة على ازايز البيرة ونضال العلاقات اياها لا مؤاخذة

السبب ان مفيش وعي سياسي عند المصرين لان مثلا هتيجي تقول ل الاخوان يتحدو مع العلمانين

هينزلو تكفير
في العلمانين
و يحللو دمهم
و بردو مع اليسارين او العلمانين و القومجين الاشتراكين

صعب الان

ما اسخم من سيدي الا ستي انا بفضل العمل وسط التجمعات اللتي لاتننمي لتيار معين وان عابها مسألة الاستقطاب الرخم من بعض التيارات علي طريقة الزبون لو مجاش بالذوق نجيبوا بالغتاته والرخامه