عمر سعيد,صحفي شاطر,في كل حدث تلاقيه,اضرابات,اعتصامات,مظاهرات,حوادث,اي حاجه لها علاقه بالاخبار حتلاقيه.
عمر المفروض انه بما انه مهني,ينضم لنقابته المهنيه,اللي هي نقابة الصحفيين.
عمر مستوفي كل الشروط,معاه ارشيف ضخم,ومتعين بجريدته الخ,ومعندهوش اي مشكله.
عمر وقف قدام لجنة القيد,اتسئل السؤال التالي:
"انت عضو في اي تنظيم عمالي؟"

اللي سئله السؤال دا كان جمال عبد الرحيم,نفس الشخص اللي وقف بالبيجاما ومنع عقد مؤتمر التمييز الديني من سنة,واتعدى على نقيب الصحفيين وقتها.

نفس الشخص سئل بصيغة تهكمية عبدالمنعم منيب,ان كان لسه في الجماعة الاسلاميه,وقعد يفكره انه كان في الاصل طلائع الفتح,وانه كان معتقل ,وشوية تلميحات في اللطيف.

الاستاذ جمال عبدالرحيم,زيه زي صحفي شاطر,بيبوس الجزم,ويلحس الاعتاب والاخرام,عشان اسيادهم في الامن"دوله وقومي ومخابرات" يرضوا عنه وميتخلهوش عن جنابه.

عمر صديقنا صدمه خبر رفضه من النقابه,فقرر هو ومجموعة من الزملاء ابتداء اضراب مفتوح عن الطعام.

الكل كان متوقع ظهور السيد عضو المجلس الثوري جدا,اللي في كل مظاهرة ولو كانت لاهالي خرم النمله في شباهورش حينضم لهم,السيد ابو ميكروفون جنان محمد عبدالقدوس,السيد عبدالقدوس حضر,وكل اللي عمله انه أذن,واقام الصلاه,وقال للناس مالهاش داعي المظاهرة,وخلينا نتكلم,والبديل والدستور اتاخد منهم اكتر من 80%يعني من الاخر احمدوا ربنا,واغسلوا وشكم يا معمصين.
السيد عبدالقدوس اللي لو رضيع اخواني في بلاد الواق واق صرخ,حيلبي له النداء على سلالم النقابة,انما والعياذ بالله احنا بنتكلم عن شوية شباب مضربين عن الطعام,يعني بيلقوا بأيديهم في التهلكه ياكلاب.
عمر سعيد مقدرش يكمل اضراب عشان ظروفه الصحيه مش جيده,واتحول لمستشفى المنيره,اللي بالتحاليل وجدت ان نسبة (الاستون,او حاجه شبيهه)عالية جدا,ومن امبارح محجوز في المستشفى.
مبروك يا نقابة امن,مبروك ياسيد عبدالقدوس,مبروك يا صحفيين مصر.

محمد عبدالرؤوف,صحفي كويس,شغال في قسم التحقيقات في البديل,لسه متجوز من شهرين بالظبط,اضرب عن الطعام بعد ما عرف انه برا النقابة,وقرر انه يكمل في الاضراب بعد سقوط عمر سعيد,بس معرفش.