MaLek X

تكتشف مع الزمن ان كل الاشياء بتزداد كثافة في احساسها,الحزن,الفرح,الاحساس بالفقد,الاحساس بالاكتساب.
"و بعد ما اتحط بين الفكين
فكر شوية
انه مش خسران حاجه
وممكن يكون حيكسب راحة
لما بدأ الالم,غمض عينه,حاول يتفادى الناب.
وندم,انه ملحقش ولو لمره ينبسط.
كان عايز بس يقوله,مش معترض,بس نفسي انبسط,بعدين كمل.
بس ملحقش حتى يكمل الجملة."
الفكرة ان رغم كثافة الاحاسيس,لكن في شئ بيفضل متلازم في كل حاجه,شوية حزن غريب,بيفضل يكبر كل شوية,مش بيغطي ع الفرح,مش بيسرق الضحك,بس في كل لحظات الفرح,بتحسه موجود,زي دراع زيادة,نبت لك,وانت مش شايفه,وفجأة بيستولي على كل حاجه,وبيكون هو العنوان الجديد.
"لما بصت في عينيه,نص النظرة اللي رمتها وهي ماشيه,اتنهد,وقال اليوه بتاعته, اكتشف للغرابة انه لسه هناك,وانه لسه منتهاش,اكتشف انه لسه فاهم هي عايزه تقول ايه,لما بص في عينيها لقاه,بس ملحقش يقولها انه لسه هنا,لانه مبقاش عارف مكانه"
مقدر لك ان ترسم كل ابتساماتك احزان جديدة,مع كل ابتسامة حزن جديد يطل عليك,يتربص بك,يدق على بابك,ان لاتبتسم بعد اليوم.
"لما وقف في النص,بص وراه,لقى صحرا,بص قدامة,لقى صحرا,مهما اخد خطاوي,مش حيعديها,ومهما رجع في الخطاوي,مش حيوصلها,بص لفوق,مدد,فضل مركز مع حركة الشمس والقمر,وسكت"
مقدر لك ان تكتشف ان مع كل خطوة تخطى,عمق جديد يفتح لك اغوار من الوحشه,ان مع كل ضياء يطل عليك,تنتظرك الظلمة,ان مع كل لائحة امل,تختبئ كل انكساراتك.
"متستناش الضي,الضي مش حيعرف طريقنا,الضي مبيعديش من بين الصخور,ولا بيقدر يكسر الحيط,متستناش الضي,الضي انتهى من زمن,ومافضلش غير العتمة,متستناش الضي,الضي معاهوش عنوانا"
في النهاية,مافيش نور,مجردزجاج مكسور,بيلمع,متكوم فوق بعضه,كل ما حتقرب منه حتنجرح,وكل ما حتقرب منه,حيموت فيك الامل.
مدورش ع الضي,الضي ساب زماننا,واصبح في ازمنه تانيه.