MaLek X

شوية طوب بيتحطوا فوق بعض بيعملوا نسق اعتيادي من الدرج,الاسمنتي في البدايه,واللي بيتحط عليه شوية بلاط,او سيراميك,او رخام,او حتى جرانيت,حسب فلوس صاحب السلم.
بتصادف حكما كثير,بيقولوا نفس الكلام,باختلاف التعبير,الكلام واحد دائما,وصدقني حتى التعبير,مافيش اختلاف حتى في درجة الصدق الغير موجودة من الاساس.
نص حاجب تعبير عن الاندهاش,زمة شفايف تعبير عن القرف,اختلاج تعابير الوجه تعبير عن الاندهاش,اللغبطة,العدم فهم,مافيش فرق,كله مكتوب في كتاب المحفوظات,وكله مشروح وماعليك الا اتباع التعليمات.
الحكيم ابو سيجارة متتطفاش,مايفرقش عن الحكيم ابو قزازة بيرة,او الحكيم ابو زبيبة في جبهته,او في ايديه,كلها نفس نوع الحكمه,كل الكلام واحد.
الهدف واحد ياسيد,عند الفاشي,والشيوعي,والليبرالي,العدمي والوجودي,الاسلامي والعلماني,المؤمن والملحد,الهدف واحد,اوعى تقولي انك نسيت الهدف,الهدف ياسيد عند الجميع اسعاد البشر,خير البشرية,خير الكوكب,الحب اللانهائي,الخ من الخرا المعتاد.
نفس التعبيرات المستخدمه,"بص في وشوش الناس""اد ايه هي حلوه","انا بحب اتفرج ع الناس طول ما انا ماشي","شوف انا مبعرفش انام بالليل وانا حاسس ان كان ممكن اساعد حد ومساعدتهوش".
نفس تعابير الفرح,الحزن,حتى البكا,بقى مستهلك,نفس الدموع المستهلكه,بقيت براهن نفسي,مين حيعيط في اي ثانية,مين حيدمع امتى,مين حيتنرفز وليه,مين حيقعد يقولك انا بغسل نفسي,وانا بعيط,ياخراشي ع الجمال,في كدا يا اخواتشي؟
خنقه بنت دين كلب,مش بتخلص,بتحاول تفضي نفسك,عشانك,عشانها,بتحاول تكون احسن,عشان تقولها انا موجود لك,انا هنا,بس مبتعرفش تهرب من كتر الخرا,احساسك انك موجود في مدينة عبارة عن عين كبانية,مسدود بالخرا,وانا بتغوص جواه,ومش عارف تطلع,وكل شوية حد يدخل يخري عليك اكثر.
محتاج تغتسل,شوية ميه نضيفه,محتاج تستحمى بمياه ميكونش فيها بول,مايكونش فيها امونيا,ميه ممكن تشربها,ممكن تفتح عينيك,وهي نازله,ومتحرقش عينيك,متحرقش جسمك,متحسسكش انك بتقع,ان كل الرذاذ اللي بيلمسك,بيحرقك.
الى المدينة,الى الحكماء,الى كل مرهفي المشاعر,مرهفي الكيان,الى كل الظرفاء والمستظرفين,الى كل البشر اللي مالهوش معنى وجودهم.
انا تعبت