مصاص دم

بص يا كابتن,كونك مصاص دم,دي حاجه فيك,لا حتقدر تغيرها,او تبدلها,ماهما لبست من جلود,مدافع,محامي,رافع راية المساواة والعدالة,والرفاهية.
بص يا كابتن,كونك بتأذي بالشكل الغبي دا,دا نقص ع فكرة,دا عجز عن انك تتحمل كائنات اخرى,ممكن تكون احسن منك,ممكن تكون انضف منك,ممكن تكون احلى منك,مهما كانت الوساخه اللي شافتها في حياتها,بس اجمل منك,فماتعملش فيهاشايل هم المواطن,والمتعذب ضميره ليل نهار من اجل سعاد البشرية,ومن اجل خير الوطن,والمواطن.
اسمعني يا كابتن,اللي زيك ممكن يتكتب عنه في الصحف,يبتسموا في الفضائيات,يهاجموا بعنف كل المصاصين,والوسخين,والمؤذيين الاخرين,والناس تتفرج عليك,وتقول يا سلام,اما ولد ماجبتهوش ولادة,بس انت عارف كويس من جوا,ممكن تغوص جوا اكثر عشان تعرف تطلع دا,اد ايه انت خفاش,مينفعش تعيش مع بشر بيحبوا النور.
عارف,ساعات بتصعب علي,وانت بتتكلم بجد عن بلابلا بلا بلا وبلا بلا بلا بلا,وبتركز على حق البلا البلا البلا,واد ايه هو بلا بلا بلا,بتصعب علي بجد,لانك كبرت اوي على انك تبطل تكذب,او تمثل,او تدعي كيان اخر غير كيانك اللي عمرك ما حترضى عنه.
انا بس عايز اسئلك سؤال ماتردش علي,رد ع نفسك فيه,ازاي بتقدر تبص في عينيهم,وازاي بتقدر تكدب حتى في نظرة عينيك لهم,وازاي بتقدر في النهاية تكمل كدب؟
عارف؟
انت واللي شبهك,اللي كنت بحبهم,او بحترمهم,او بعتبرهم ناس مؤمنه بكل اللي انا بؤمن,عملتم لي هزه,عمري ما قدرت اتخيلها,عمري ما قدرت افهم ناس انا كنت ببص لها بالشكل دا,تطلع بكمية الأذى دا.
عارف؟؟؟؟؟؟
عايز اشكرك انت واللي زيك
بجد شكرا,ع كل اللي بيحصل .

التعليقات

خيارات عرض التعليق

اختر الطريقة التي تفضلها لعرض التعليقات، ثم اضغط على "احفظ الإعدادات" لتفعل التغيرات.

مش عارف يامالك

مش عارف يامالك بس فعلا ممكن تكون العادة

اتعود يابا

ومن الناس من يعجبك قوله في الحياة الدنيا ويشهد الله على ما في قلبه وهو ألد الخصام. وإذا تولى سعى في الأرض ليفسد فيها ويهلك الحرث والنسل والله لا يحب الفساد. وإذا قيل له اتق الله أخذته العزة بالإثم فحسبه جهنم ولبئس المهاد

لازم تتعود على كده

؟

البوست ده من أكتر البوستات إللي شفتها عندك مرارة، معلش يا عمنا مع تايد في الغسيل مفيش مستحيل

لا ياعم انا بحب

لا ياعم انا بحب فاطمة,وبفضل أومو

علِّق

محتويات هذا الحقل سرية ولن تظهر للآخرين.