MaLek X

بتكتب خطواتك,عارف,شايف,انت ماشي ع فين,بس فجأة العتمة بتحل ع الدنيا,بتتلغبط,بتوه,مابتفضلش شايف,او عارف,او حتى فاهم,مجرد عتمة وطابقة ع النفس قبل النظر.
خطوة وتعدي,وفاضل خطوة,حتزق زقة,حتوصل مره,حتقع كل مره,بس عشان المره,تهون كل المرات اللي حتقع فيه,بس ليه اصلا بتخطو اي خطوة ؟

اي شئ له بداية ونهاية,انت عارف بدايتك,وكل خطوة من خطواتك رايحة لنهايتك,خطيتها,ماخطيتها,حتوصل لها حتوصل لها,ممكن تستعجلها,ممكن تسبقها وتقف تضحك عليها وتطلع لها لسانك,بس في النهاية لازم توصل للنهاية,لا جديد يعني.

بتصحى الصبح,بتفكر ازاي حتتلافى النهار,توصل بالليل,تفكر ازاي حتهرب من الضلمة,وومابين تلافي وهروب,لاجديد,نفس العجلة,اللي بنلف جواها,واحنا ناسيين انها دائرية وعمرها ما حتنتهي ولازم في ثانية ننط براها,عشان نعرف ناخد نفسنا.
ومبنعرفش,بنفضل نجري ونجري مستنيين اللحظة اللي قلبنا حيقف,وانفاسنا حتخنقنا من سرعتها,وحنبص نفس بصة العته اللي اتولدنا بها,وبس كدا.

كل حاجه حواليك بتكدب,بتمارس الكدب كأنه جنس محارم,محدش حيعرفه,لا الجاني حيحتكلم,ولا المجني عليه"ها"حيتكلم,ومش حيبان ع السطح غير ابتسامة مرسومة حلو اوي,ان كل شئ تماما,واننا صادقين,صادقين,صادقين.

واننا ع الدرب سائرين,حنحرر الاوطان,حنحرر الرقاب من الاستغلال,الكرامة راجعه,الحق موجود,وماضاعش عشان احنا بنطالب به,احنا المطالبين بالحق,احنا الساعيين وراء الحرية,وراء الانسان,احنا مغتصبين الحقيقة,وبنخبي اعضائنا عشان دم الضحية مايبانش ع اجسادنا.

ضد الظلم,مع العدل,ضد الاستغلال,مع حق الانسان في كل حاجه,بدافع عن حق الانسان ضد اي حد,بس يجي عندي؟؟؟
حق الانسان لازم اغتصبه,لان مافيش كائن له حق غيري.

بنجر خطواتنا,بننكس اعلامنا(راياتنا)بنعلن اننا منهزمناش,لاننا مخضناش اصلا الحرب,احنا حتى منسحبناش,الحرب قررت تهاجر من الكوكب,لان مافيش حد يستحق انه يكون العدو,ولا حد يستحق انه يكون الحليف.