MaLek X

هقوللك حاجة يا مالك، اسمح لي بس أعد النقاط اللي شايفها قدامي

1- دلوقتي القرآن بيحرم النسئ وبيقول أنه زيادة في الكفر

2- واحنا عرفنا ان النسئ كان يقوم به الفراعنة والعرب من أجل التجارة والزراعة إلخ، وكان بيبقى عندهم الأيام الأخيرة دي ولا بيعملوا فيها أي حاجة

3- والحكمة في ربط الشهر بالدورة القمرية، هو ان الأشهر متبقاش ثابتة فيكون كل سنة زي اللي قبلها، يعني لو كان رمضان كل سنة في الشتاء مثلا مكانش حد تعب من الصوم ولا عطش، ولو كان في الصيف فقط كان العكس.. وإنما هي رحمة من عند ربنا لأنه على مدار عمرك هيجيلك رمضان في أوقت سهلة وأوقات صعبة

4- والحكمة فدي برضه أنك هتذكر ربنا في كل وقت، صيفا وشتاءً، وده كمان هيعود الناس أنها تطور من أسلوب حياتها بما يتناسب مع دينها وطاعتها لربنا.. لكن لو كان رمضان كل سنة بييجي في شهر أكتوبر مثلا كان زمان الحكومة قالتك كل رمضان أجازة بالعيد وخلاص، وكان زمان المدارس مثلا كل سنة بعد رمضان على طول، بينما من غير نسئ احنا كده بنتعلم أن علاقتنا بربنا وطاعتنا ليه لا تقيدها أبدا مصالحنا أو أعمالنا والعكس، وإنما نحن نطيعه في كل الظروف، ونعمل في كل الظروف

5- وكمان موضوع الشهور القمرية ده رحمة من عند ربنا برضه.. يعني دلوقتي في رمضان مثلا احنا بنصوم لرؤية الهلال وبنفطر لرؤيته.. ودي رحمة من عند ربنا في حد ذاتها عشان زمان مكانش في أي وسائل متقدمة وسهلة للحساب الفلكي زي بتاعة اليومين دول

فلو كان رمضان مجرد شهر بتاريخه كده زي أي شهر،، وزي ما كان أيام ما كان النسئ يطبق، فده معناه أننا كان زماننا بنصوم رمضان في أيام تانية خالص غير ميقاته الحقيقي، وأحيانا بفارق شهور، وحتى تدور الثلاثة وثلاثين سنة ويرجع زي ماكان..

يعني أنا في كذا سبب في دماغي بس مش عارف أقولهم كلهم، لكن السبب الأساسي والرئيسي هو ده

أننا عبادتنا وطاعتنا لربنا سواء من صلاة وصوم وحج وزكاة وخروج للتجارة وخروج للقتال، والامتناع عنه.. لازم نتعود ننفذ تلك الطاعات دي في أي وقت وأي ظروف جوية أو صحية وفي أي وقت،، وأنه إذا آن الأوان، يجب أن ننفذ ولا نقعد ونتلكك بالظروف

ربنا بيعلمنا حاجات كتير قوي من غير ما ناخد بالنا يا مالك

علام تعتمد بداية الشهور في التقويم القمري (المفروض واللي أعاده الإسلام) ؟؟ على ظهور الهلال

إذن إضافة 11 يوم سنوياً ترحل بداية الشهور .. صح؟؟

الباقي واضح أوي في اللينك السابق

حقيقي, كون ان جناب بعض الشيوخ قرروا انهم يقولوا سبب واحد عشان السبب الثاني مش عاجبهم, فدي مشكلتهم
حقيقي بقى:
كل الشعوب او الثقافات القديمة اللي كانت بتعتمد على التوقيت القمري, كانوا بينسأوا 11 يوم اوماشابه, عشان يظبطوا دورة الفصول مع الزراعه, والتجارة وغيره.
دا كان موجود عند الفراعنة,قبل ما تتحول الشهور الفرعونية الى القبطية حاليا.
في حاجه حلوه على موقع
وزراة الاوقاف السعودية
http://sirah.al-islam.com/display.asp?f=rwd1037.htm
بيذكرلك في الاسباب اللي العرب كانوا بيعملوا كدا قبل الاسلام سببين
الاولاني اللي قال عليه عطيه صقر
والثاني
"الثاني : تأخيرهم الحج عن وقته تحريا منهم للسنة الشمسية فكانوا يؤخرونه في كل عام أحد عشر يوما ، أو أكثر قليلا ، حتى يدور الدور إلى ثلاث وثلاثين سنة فيعود إلى وقته ولذلك قال عليه السلام في حجة الوداع : إن الزمان قد استدار كهيئته يوم خلق الله السموات والأرض ".
ودا السبب الاكثر منطقية, واللي لو بصينا اكثر على الحضارات كلها اللي حوالين شبه الجزيرة المستخدمة للشهور القمرية كتقويم سنوي حنلاقيهم بيعملوا كدا, ودي مش حاجه جديدة.
انا بتسائل, وبطلب ان لو الناس سمحت, متهاجمش دين اهلي, وتبص شوية على الكلام, وتشوف بقية الثقافات اللي كانت معتمدة على التقاويم القمرية بتعمل ايه.
انا مش طالبه معايا اني ارد على اي هجوم شخصي في اتهامات بالجهل, وخلافة, وعدم استخدامي لجوجل او ويكي بيديا او خلافه.
خلينا نطلع برا دا شوية, وردوا بشوية تفكير.

مايو 1997

المبدأ : القرآن والسنة.

سئل : ما معنى النسىء الذى قال الله عنه أنه زيادة فى الكفر؟ أجاب

: يقول الله تعالى {إنما النسىء زيادة فى الكفر يضل به الذين كفروا يحلونه

عاما ويحرمونه عاما ليواطئوا عدة ما حرم الله فيحلوا ما حرم الله زين

لهم سوء أعمالهم والله لا يهدى القوم الكافرين} التوبة: 37.

النسىء على وزن فَعِيل بمعنى مفعول ، مأخوذ من نسأت الشىء إذا أخرته

، فهو منسوء ونسىء كمقتول وقتيل ، أو مأخوذ من نسأ إذا زاد، وكان

العرب فى الجاهلية وهم أصحاب حروب يشق عليهم أن يمكثوا ثلاثة أشهر

متوالية بدون إغارة وهى أشهر الحج : ذو القعدة وذو الحجة والمحرم ،

فكانوا يُحلُّون المحرم ويؤخرون تحريم القتال إلى صفر، ويجعلونه بدله من

الأشهر الحرم وهكذا كانوا يفعلون كل عام بتأخير شهر عن موعده ، وكان

يقوم بذلك واحد منهم لا يرد له قضاء اسمه "القَلَمَّس ".

ولما جاء الإسلام رجع شهر المحرم. إلى موضعه الذى وضعه الله ، وهذا

معنى قوله صلى الله عليه وسلم فى حجة الوداع "إن الزمان قد استدار كهيئته

يوم خلق الله السماوات والأرض ، السنة اثنا عشر شهرا ، منها أربعة حرم

" وصادف حج رسول الله صلى الله عليه وسلم موضعه الحقيقى من الشهور

التى غيروها ، فكان تحريم الشهور وتحليلها بحسب حاجتهم ، وذلك كله

ضلال ،ومظهر من مظاهر كفرهم ، يضم إلى ما سبق أن ارتكبوه من مخالفات

لدين الله.

ولو كان للناس الحرية فى تنظيم أمورهم وتوقيتها فإنها حرية مقيدة بما

حدده الله سبحانه ، فللصلوات وللصيام وللحج وغير ذلك أوقات محددة

اختارها بعلمه وحكمته ، لتدور مع الظروف ، ولينسجم المسلمون مع سنن

الله الكونية ، وليظهر إيمانهم المطلق بشريعة الله مهما كان فيها من امتحانات

معلش خدت بالي من تعبير السؤال الذهبي في عنوان البوست

حلو التعبير ده .. امسح البوست كله وسيب الكلمتين دول .. هيبقوا كفاية للتدليل على ما يحتويه البوست

مش متعود أتهجم .. بس الكلام مستفز أوي بصراحه