MaLek X

المجد كل المجد للقضيب, ولتحق اللعنه بكل مهبل وفرج.
كل من يمتلك مهبل فهو عدونا, وكل من له قضيب فهو اخ وحبيب.
احذروا المهبل, احبتي, فإن بداخلها "شفرات" حادة, ستقطع قضبانكم, وتترككم منزوعي الرجولة والكرامة.
اخشوا النساء, واعلموا انكم ان سلمتم لهم ,سيفنوكم وسيستردوا الهتهم الاولى, وسيعود الذكور للخدمة تحت اقدامهم.

لبس انثى كويس, ونزلها في الشارع, واتفرج علي اللي حيحصل...
حاولت افهم ,ليه العنف الغير مبرر اللي بيحصل في الشارع بتاعنا للنساء, هو عامة ممكن "اتفهم" لو الموضوع مجرد ايحاءات جنسيه, او تحرشات جنسيه, ممكن نلاقي اعذار حقيقي, او شماعات,تبريرات الخ.

بس كون الموضوع ينحصر في عنف,لفظي, جسدي, انتهاك بنظرات ياريتها جنسيها, انما مجرد عدائية, ليه ؟مش فاهم.

اتشرح لي اكثر من مره, وبنفس الحجه, ان الرجل مجرد بيطلع العنف المبطن جواه, والمغلف بدرجة عالية من القهر, والاكتئاب, والكبت الجنسي ضد المرأه في كل مكان, بس لو دا حقيقي ليه في "شواذ" عن القاعدة بدرجة عاليه ؟

مره انا وصاحبتي كنا بنسحب فلوس, والرجل قرر انه يطلع ديننا ويركننا, ومخلصناش الا موظف بدقن ومتدين, هو اللي مشانا, مع انها حسب تعريف المتدين" متبرجة, منحله", بس هو اللي خلصها مش الموظف "العادي".

الموضوع هنا حقيقي مش عايز ألبسه بالدين, مع ان الخطاب الديني الحالي عنيف جدا ضد المرأه, بشكل خرائي, بس يبقى في طائفه من المتدينين, بيتعاملوا بشكل محترم, اه مش كبيره , بس موجوده.

وطبعا مقدرش اقول ان اللي برا الدين, كلهم ملائكة, وبيحبوا المرأه زي عينيهم, لان حقيقي ما اوسخ من سيدي الا ستي في الحالات دي....

على الاقل اللي جوا الاديان عندهم خطبهم وحججهم"اللي بالنسبة لي فارغه طبعا", بس تبقى حجج, وحاجات مقتنعين بها.
بس اللي برا, "السلفيين الملحديين", كمية النفاق والكذب العالي, واد ايه هم مدافعين عن حق المرأه, ومش ذكوريين بالمره يا حرام, ومش قمعيين ومش ومش ومش, وطبعا بص على عين "مجموعة محترمه منهم", لما تعدي انثى كلب قدامهم, وحط جردل تحت بوقهم عشان الرياله.
الموضوع معقد, معنديش رأيي واضح, او قاطع, او حتى مريح بالنسبة لي شخصيا, بس انا مش فاهمه, ومش قادر احدد, ليه دا بيحصل؟

كبت ؟
ما الصابون موجودة والافلام البورنو على قفا من يشيل, ومعتقدش ان في حد حيعدم جنس, لو حابب او عايز, وبكل طرقه, الحلال والحرام عند المتدينين, وغيره عند غيرهم.
والاوسخ ان المتجوزين, تحرشاتهم اوسخ الف مره من الغير متزوجين.

قهر؟
طب ليه مش بنضرب العيال الصغيره بنات وولاد في الشارع؟
سلفيه دينيه-إلحاديه؟
عندنا الكلاب, ماهما برضه شبه الاناث من النظرة السلفية, مانجري وراهم ونزقلهم بالطوب, او نقتلهم مثلا؟

أمراض نفسيه واجتماعيه ؟
ماهو في مجتمعات عندها مشاكل اكثر مننا ودا مش موجود...

كل ما سبق؟
طيب, انا اميل لكل ما سبق, بس السؤال هنا, ليه ؟
يعني الذكر اللي على ابوه من دول, لما بيعمل كدا, بيحس كويس يعني بعدها؟ بيبقى مرتاح؟
عشان أذى كائن غيره؟
هل فعلا الخوف اللي جوا الذكور, مبعثه اننا كائنات "أحادية البعد" معندناش درجة التعقيد اللي عند النساء؟
او تعدد الابعاد, او سمها ما شئت ؟
هل فعلا في خوف داخلي عندنا من الانثى, بصفتها اكثر "اي حاجه مننا", بالتالي بتكون اكثر شئ بنقدر نأذيه"بعلم او بدون".

هل عشان الفروق العقلية, والروحيه, والجسدية بين الذكر والانثى؟
هل عشان الذكر في حته منه بيحس انه مضغوط طول الوقت بمطالب اجتماعية, ابوية"ذكورية", وصورة عامة للرجل اترسمت على سنين طويلة ؟
حقيقي انا معنديش فكرة, ومش حدعي طبعا اني كائن لطيف ومش مؤذي وحلو ومؤدب ومش ذكوري, ممكن اكون اوسخ من كل اللي ذكرتهم, وبعترض عليهم, وممكن من جوايا لابس تي شيرت كبير عليه قضيب محترم وعليه شعار
عاشت القضبان حره مستقرة, ولتسقط كل المهابل "المهابيل اللي في الدنيا".
مساء الفل.