MaLek X

صحيت من شوية ع عك, فقررت اكتب شهادتي للاحداث, حتى الان لم اقم بالاطلاع ع اي شهادة, ورفضت الاطلاع حتى انتهي من كتابة شهادتي.
وصلت امبارح الجمعة مشرحة زينهم في حوالي الساعه 12 الضهر, وجدت حشد واصل قدامي من حركة 6 ابريل, سلمت علي اعرفه واتحركت لامام باب المشرحة, وجدت اهل المتوفي ومجموعة صغيرة من الاصدقاء.
فهمت منهم ان التشريح لسه مابدأش وان مافيش اطباء مستقلين موجودين, كلمت د.اماني من اطباء التحرير, نظرا لمعرفتي السابقة بها, ودورهم العظيم في حالة شهداء ماسبيرو, اخبرتني ان مافيش حد من الاطباء موجود لأنهم كلهم في المحلة,وانها حتكلمني تاني تبلغني ان كان في حد موجود ولا ولا"المكالمة كانت في حدود 12.52 دقيقة ظهرا" عرفنا وقتها ان التشريح بدأ خلاص بقاله حوالي ربع الساعة,قام اكثر من صديق وحقوقي بالضغط في اكثر من اتجاه, وعلمنا بعد حوالي النصف ساعه من معرفتنا ببدا التشريح"بقول بمعرفتنا,لان احتمالية ان التشريح كان بدأ اصلا قبل احنا ما نعرف واردة".

بعدها في تمام الساعة "13.13 دقيقة اي بعد 21 دقيقة" كلمتني واخبرتني ان الموجود الوحيد في القاهرة هو د.محمد ماجد, وانه حيجيلي حالا.
د.محمد ماجد كلمني الساعه 13.27 وقالي انه في الطريق.

اثناء ذلك, عرفنا ان ضغوط الحقوقيين جابت نتيجة وان التشريح توقف, وانهم اخدوا وعود بتدخيل د.محمد ماجد حين حضوره.

وصل الدكتور ماجد حوالي 13.50 وفضلنا مستنيين دخوله التشريح.

على حوالي الساعه 14.15 لقيت د.ماجد بيعرفني ع صديق له اسمه د.أحمدعصام"عرفت بعد كدا ان اسمه صيام مش عصام, بس لضيق الوقت ملحقتش اسمع اسمه صح"....اثناء التعريف وقف واحد من المشرحة في الشباك وطلب حضور حد من اهل المتوفي ودكتور حقوق الانسان.
كان المتواجد قدامنا اخوه, اللي كان منهار بشدة ورفض دخول التشريح, ودخل د.ماجد,ونجحنا في ادخال د.صيام معاه بعد مفاوضة مع حارس المشرحة.

اثناء دخول د.صيام قال لحارس المشرحه كمحاولة لدخول المشرحة, انه كان ضابط جيش وطلع له كارنيه.

حارس المشرحه,قال له اتفضل ياباشا, ومن غير ماتقول اصلا....

بعد حوالي النصف ساعة من دخولهم, خرج علينا د.ماجد, واخبرنا انه قرر مايحضرش التشريح عشان هو د.أشعة ومش حيفيد اوي وجوده بالداخل زي د.صيام, وبدأ يدلي بأحاديث للناس والصحفيين الموجودين, ان فتحات جسد المتوفي سليمه, ممايدل انه مماتش نتيجة التسمم الناتج عن ادخال كميات كبيرة من الماء بداخله عن طريق خرطوم من احدى الفتحات.

اخدت انا د.ماجد ع جنب وطلبت منه عدم الادلاء بأي تصريحات, يذكر ان دي مشاهدته الاوليه,وان لسه التشريح لم ينتهي وفي انتظار انتهاء التشريح.

في التوقيت دا كان خاله حاول يدخل وكان منهار وقعد يخبط ع باب المشرحة, وطلع د.صيام وقال لخاله انه ماينفعش يدخل ولا حد من اهله ينفعوا يدخلوا"المحادثة دي اخدت حوالي 15 دقيقة وممكن اكثر".
بعدها بقليل وصل ضابط شرطة صغير في السن ووقف ع باب المشرحة, وعرفت بعد شوية انه دخل جوا المشرحة.
في نفس التوقيت كانت د.عايدة سيف الدولة وصلت, وحاولنا ندخلها, وطلع لنا صيام تاني ورفض رفض قاطع دخول د.عايدة رحت رايح له انا ود.ماجد محاولين اقناعه بدا..برضه رفض, اتصلت ب د. اماني عشان تحاول تكلمة,واخبرتها عن التصرفات اللي بيقوم بها د.صيام, وسئلتها بشكل واضح عن مدى ثقتها به, واني عمري ما شفته قبل كدا وانها اصلا ما اخبرتنيش انه حيحضر,اخبرتني انه شخص موثوق به بس هو تصرفاته غريبه شوية, كلمت د.ماجد شوية, اللي بان عليه التعصب الشديد, وبعدين كلمت صيام, اللي رفض مره اخرى تدخيل د.عايدة.

هنا بقول رفض, لانه حتى محاولش يفتح الباب الخارج للمشرحة, ويدخل د.عايدة وهي تتصرف بالداخل مع المسؤوليين, لا هو رفض اصلا التفاهم في الموضوع.

"المره دي بكل الاشتباكات والصراخ الخ اخدت اكثر من نصف ساعه وممكن اكتر".

بعدها بشوية حاول د.ماجد الاتصال ب د.صيام في الداخل, وكان د.صيام بيحضر "مايدعى انه تشريح بيحصل", وقاله خلاص وافقوا ع دخول د.عايدة, تعالى من الباب الجانبي اللي بيدخل ع غرفة التشريح ع طول.
اتجهنا الى الباب الجانبي, وفضل د.ماجد بيكلم د.صيام ع التليفون ويقوله احنا وصلنا,افتح لنا لو سمحت, فبلغه انه ماينفعش تاني, وانهم بالداخل مش حيسمحوا لحد بالدخول بالمره.

بعد المكالمة دي, قعد د.ماجد يردد, "انا غلطان اني خرجت, انا غبي, انا غلطان", لفترة طويلة, كإحساس منه بالندم ع خروجه برا غرفة التشريح.

بعد الحوار دا بحاولي ساعه, خرج د.صيام مره اخرى, واخبرنا بالسماح بدخول د.عايدة وواحد من اهل المتوفي, واعلمنا ان التشريح انتهى خلاص.

دخلت دكتورة عايدة وبعد حوالي النصف ساعه او اكتر شوية, سمعنا تخبيط عنيف ع الباب الخارجي للمشرحة من الداخل, رحنا جري ع الباب, سمعنا احد الاشخاص من الداخل يكيل السباب للدكتورة عايدة سيف الدولة, وانها مش حتخرج من جوا قمنا بالتخبيط ع الباب بدورنا من الخارج, لاجبار من بالداخل بالسماح للدكتورة عايدة بالخروج.

دا اللي حصل بالضبط, كما شاهدته,بدون عرض لأي وجهة نظر شخصية, او الانحياز لأحد.
شهادة د.عايدة سيف الدولة
http://tinyurl.com/6h9rocx

بيان اطباء التحرير
http://tinyurl.com/4yhtqe4

شهادة د.صيام
http://ahmadsyiam.blogspot.com/2011/10/blog-post_29.html