طبعا معنديش كلام ياما اقوله
عبد المنعم جمال الدين افرج عنه وكلمني امبارح,بعد12 سنه في معتقلات امن الدول الصهيونية .
اللي ميعرفش عبد المنعم
عبد المنعم مواطن مصري القي القبض عليه في اوائل 1994 وقضت المحكمة ببرائته مرتين من تهم وجهت اليه,التقينا من عدة اشهر اهل عبدالمنعم وتم تصوير وثائقي"على قدالحال"عن اهله وحياتهم وعن منعم.

عبد المنعم محمود

من كام شهر صورت فيلم بكاميرا ديجتال عن معتقل له أكثر من 15 سنه في سجون النظام المصري
المعتقل دا إسمه عبدالمنعم جمال الدين
عبد المنعم أبوه مات وماقعدش مع إبنه من 15 سنه
أبوه مات ومغسلهوش يا بلد
أبوه مات وماخدش عزاه
أبوه مات وموقفش على تربته ولا قرى على القبر ربع ياسين
أبوه مات وماخدش إبنه في حضنه من 15 سنه
15 سنه أب ميحضنش إبنه ولا يتكلم معاه ولا حتى يشوفه وهو بيكبر
الأب مات اللي كان بيضرف واللي كان بيصبر أمه المشلوله من حزنها على إبنها .
أبوه مات في عهد الحريه والديمقراطيه والتعديلات الدستورية
أبوه مات ومحدش خد غزاه أبوه مات ومحدش بكاه أبوه مات ومحدش شد على إيده وقاله المرحوم يا بني خلف الراجل واللي خلف مماتش

إتصلت بي السيدة بثينة جمال الدين أخت المعتقل عبدالمنعم جمال الدين في نوفمبر الماضي وأخبرتني عن حالة أخيها عبد المنعم الذي كتبت تدوينتين عنه حتى الأن,قررنا اناو علاء ان نقوم بعمل فيديو توثيقي عن أسرته ونأخذ فيه الرأي القانوني من محامي عبد المنعم وهو الأستاذ أحمد سيف الإسلام.
للمشاهدة على ثلاث أجزاء ضمانا للسرعة

لمتابعة الجزء الأول
نفس المشاهد كل شئ أصبح مكرر بطريقة غريبه ومملة نفس الألام التي تعانى نفس الوجع نفس الحزن المتفاقم بلا أي توقف كما أن كل عام يمر يترك خلفه على صدره ألافا من أميال اﻷحزان .
بعد ساعات سيبدأ الترحيل الى سجن جديد لا يعرف الى أين سيصل ولا كيف سيصل كل ما يعلمه انه سيفقد الأغطية التي أستطاع على مر الأعوام تكويمها تحته ليكون بها ذلك الشبيه بالمرقد.
(ها غضروفك يا منعم تاني,استحمل اهو الفائده الوحيده من الترحيل انك بتشوف الأسفلت ووشوش الناس والعربيات الغريبه اللي بتجري جري من جنبك,ايام ما كنت برا كانت الفيات والنصر هي اخر موديل والعيال بتدخل بيهم الجامعه كأنهم ولاد وزرا ,دلؤتي الواحد مبقاش فاهم الناس دي جايه منين ولا العربيات دي طايره ازاي ولا العمران دا كله ليه هييييييييييه كل دا وانتا مرمي جوا )