MaLek X

صحاري:ممكن يلفوا بينا بالعربية لفه ويرجعوا تاني
أنا: بجد؟ يعني مافيش حبس؟
26-4-2006
أنا:يعني والنبي قول للضابط اني مبضون ويا ترموني في معسكر ولا سجن ولاقسم عشان انا طيزي وجعتني من القعدة
20-3-2007
صحاري
إتعلمت منك أكتر ما تعلمت من أي حد خلال السنين اللي فاتت دي كلها ومافيش حد أثر فيا أد ما أثرت أنت فيا النهاردة كنت براجع كل حاجه علمتهالي مع اني كنت متأكد ان مافيش حاجه حتحصل بس كنت بفتكر كل حاجه إتعلمتها منك خلال الشهر اللي قعدته معاك في طره
صعب تلاقي حد يقدر يحتويك بالشكل دا ممكن عشان انت كنت عيل زيي انا وفوزي مكنتش كبير ورخم وبيضان زي أكتر من حد تاني مكنتش دبلوماسي مكنش هامك مين يزعل ومين ياخد على خاطره مكنش هامك أي حد غير انك تبني جوانا حاجه مش عارف ان كنت قاصد دا ساعتها ولا مكنتش قاصد الناس كله لما طلعنا قالولنا يابختكم اتحبستم مع كمال خليل ووائل ومع كل حبي للإثنين بس انا وفوزي كنا بنقول دائما احنا إتحبسنا مع القيادة بتاعتنا هيما صحاري

حاولت ان افكر في من احبهم

وجدت ان اكثر من احببتهم هم من سجنت معهم

حاولت ان افكر من احبه اكثر

وجدت انه هيما الصحاري

ان تكون طفلا في الاربعين.....هيما الصحاري